¹ Kigomo kiuzoh kiyi ne pikabi, kiri kirir usu gbene ayu tuma ada Ishayi utuma aka kab kayi. ² Yeni ama tazzana ikorgi mi na adama do yeni, kaman kupachi kudah a mayira ikunu yeni aka kab kayi ayishiyi utuma. ³ Kadhar kama wana, I sa'a itar adong a tumzanan nyazhazyi apati aci na ana reh u kasuwa ba utuma. ⁴ Igu yeni agu 'wanin utuma aka kab, ukusu wanzaganan ndama do ini.' Yeni ama ka dishayi utumu mi. ⁵ Ima gurumi acira u sa'a kutashi, ipa gurmi acira u sa'a ukutorinyi, ipa den kene. ⁶ Ima gurumi adene kene a usa'u pituru akadah na macira mayi ayita adong nyazhazyi bama su yisha kadamana. Igu yeni agu, 'Iyan deni inyazahanzhanha ba masu dishandong ama yira?' ⁷ Yeni agu, 'ba piyi zyandi agu ki kani utuma ukusu deni kinyazhazyi.' Igu yeni akana a kakab kami aka tumzana. ⁸ Marong mama wana, piyu kakab igu ku gbaku kwa tumzanan ku yarki atumzanan abisa yeni kuta kuyeni, pina zonzo abisa aya tumu kacini, ashi do aya zonzon. ⁹ Aya ama ciagu utuma marong ama tumu, adoh yeni kenna adugi aya ayiran. ¹⁰ Aya ma ciagha utuma kamap ama tumu. Yeni adegu adama zugsa ipiri ya yami atumi kacini, ama do kowani udinari udah. ¹¹ Ama shere ikorgi kuyeni a sunu piyu kakab kami. ¹² Yeni amagu aya tumi kacini, ama dene usa'a udha asu disutuma pi dugi yeni kenna pi dugidi, wur ki gori asu tumzana unyong mmigh mupu. ¹³ Piyu kakab imagu piyu dha uyeni agu, 'pijamu nan, ndeni mini irapu. Kima tazzana, ndama bini kenna ana bisa ama yira, ba zan kene shi? ¹⁴ Sherin ukusu yi uyin, aworini. A kumina ku dugim magu nduk ayami atumi kacini kenna ndugini. ¹⁵ Azan mudugan magu ndishi ukusu na kasugu kanang kadugi mi na kakusu kanang? Ba iputkunu nayin iyimi, abara matini ma nang shi? ¹⁶ Kenna muyi, aya cini adama wana ayazono, aya zono awana aya cini. (Ayarkhan aya gbaki, a samga na cun). ¹⁷ Yesu ima dama woroyi Urushelima, ima zya pituru akaba kami a pituga, amasu jara, igu yeni agu, ¹⁸ "Yitinna, kidama woridi Urushelima adama dakanya kono kapiyar, ka mapiristoci magbakazyi na a nyakaran. Yene adama ceski matya ma wuni. ¹⁹ Adama dakanyayi ka ya za yo Kashiri saga yeni a jamanayi a kpellezyayi, a giciyeyi, katuk katar acokonyayi." ²⁰ Pinu nono na zabadi iwanu Yesu duk na nono nayi. A tuturga ka zono kayi asu gbene mamuki uyi. Yesu iguyi agu, "Iyan na pi mani magu ndenbu?" ²¹ Igi agu, "mmani magu do nono na nang uzini u ka zom au mulki umu, kadha akacara kare kadha a kacara kagiri." ²² Yesu ima gu, "Iyoini ukusu ni gisa. Ba i dama suskanya maso mawor a kice kimishi, nan na dama so?" ²³ Yeni aguyi "Kidama so." Igu yeni agu, "mba kice kinki nan da so yin ma idama so. Azu kazom akacara kare na kacara kagiri, azan migin nna do, aka ranna picu nang i camsanan abara kaya kani." ²⁴ Kapa na almajirai pituru akaba ama potya kene ama potya manigi ma kabini ami aba. ²⁵ Yesu ima yarkya yene uyi, agu yeni agu, "Iyogu agomo aya za Kashiri ana gwadazana aya kigomo, magbaku maku do masu saganzya yeni uiko. ²⁶ Mu dama wanzagana muni kene aka caci kayin. ²⁷ Piyi tawana kicubru unyong uyin, iwan pidere uyin. Piyi tawana ma piyu zoni, unyong uyin iwana pidere uyin. ²⁸ Nane kenna kono ka piyar kawani kani agu a dishi kani ubauta amma kan kadisan ubauta. A padakani nivataru ni kani ufansa wayashillaci a dun. ²⁹ Ama cira awor uYariko, ayashillaci adun azoboroyi. ³⁰ Yeni ama zuga adumu aba a zomzyi aku wazu kujina, adumu ami amapotya agu Yeshi woso yeni acokonya amigh yeni asu kumagu, "Kusu Kashiri, Kono ka Dauda deni di u jinkai." ³¹ Aya shillaci ama nyanga yeni agu a kisyeni. Adumuami agabani makiza, yeni ama pirya macokoni ma amigh yeni, a pira kazono, agu "Kusu Kashiri, Kono ka Dauda deni di u jinkai." ³² Yesu sada nyazhanha na cik, adene a yarkya yeni agu yeni agu, "Iyan ni mani magu ndenniyo?" ³³ Yeni aguyi agu "Kusu Kashiri, kimani ma zuga mayita kaci." ³⁴ Yesu i sada sasara a kasugu kayi, arebe ayizyi ayeni, unyong kapakami ayizyi a yeni asada gbantazana yeni ayita kaci, ama zoboro yi.