¹ Adong a Farisawa na aa magasan ama wana u yesu aciri Urushalima. Amagu, ² "Iyandeni Almajirai amu anatusu manang mayacubru? Abarana yeni ana guzuani cara ashi re maninaru". ³ Yesu ima shere abere, agu, "Iyandeni isu tusuru ima shere abere, ido kaki iKashiri abara manang mayin? ⁴ Domin Kashiri kakugu dakanya ci, na nau kicubru kiyari, piyar iberen, abere caza kapiwaban uyi picu na napina idama ke. ⁵ Ikugu, "piyi ku picu ko pina, ko mashe mamuki na pina zuga ama wor kama do mashiri" ⁶ Piyamuru imaniyi mado awaban ayi kicubru au jinumuru, igundun abera Ashiri uwam, abara manang mayin. ⁷ Yin munafakai, akene na ishaya ima dene anabci anacia yin ini magu, ⁸ "Ayami ara ashere abere anang akano nazyik nasugu nayani nadangan nani. ⁹ Ayisha mi u Sujada uwammi, abasha idoka ya yashillaci karabu kirukunai iyani" ¹⁰ Imayarkya kabur ka yashillaci agu, "arakurgin ayogotya, ¹¹ Azan ukusu righan kano unadeni piyar izyiri, an kusu cizza awor unyong kano una deni piyar izyiri." ¹² Almajirai awana uyi agi agu, "piyo ayu Farisawa a poton ani urentu na mapoti abere ami." ¹³ Yesu ma shere agu, "ko kishe kibira kinna azanpicu nang ibizzan, adama khazha kini. ¹⁴ Jikin yanimi yeni ayi adumumi adazan dogo. Pidumi na daza pidumu kidogo, adama jigshini akadhakharha." ¹⁵ Bitrus ishere abere agu Yesu, "Dene misali ana ciawur, ¹⁶ Yesu imagu, "yinma izamagbanta? ¹⁷ Iyitanni, ukusu rinzya kano makanu nyong kadura kenna unucizza makana kigobi? ¹⁸ Makusu mamma cizza akano a mana cizza awor a kasugu kapiyar mani mana nagaza deni piyar izyiri. ¹⁹ Kumina ku makari kuna cizza a kasugu mawunza maya shillaci, rituga, udakara, uzina , ushaidu kabere, izogoru. ²⁰ Ukusu na deni agu, pideni izyiri, kari na maza guzu micara, muna dene muni piyar iwana piyi zyiri." ²¹ Yesu iwori usuku mayingzyi mu Taya nan Sidon, ²² Uyini Bakan'aniya ima tumu usuku mi a zapka rigmi agu, "Potyan nshishi munang Kashiri kono ka Dauda, kono kayi akidere na ayahas" ²³ Yesu ima kizyi bamagu ndong. Almajirai ayi agishi, agi ibari piyinumi iwori, igusa yeni ato igum." ²⁴ Yesu ima gu, "ba pidong na kumim, she magam makarari kusra'ila mamma wuzzun" ²⁵ Ama ima tuturga ka zono ka Yesu asu kuma gu, Kashiri, mukyami." ²⁶ Yesu imagu, "mu dugan muni, magu azyi "Kuchara kunono, a villa mu kurikuri." ²⁷ Piyinumi gu, "I, Kashiri ko mukuri kuri adama zuga are a kajas na a jikshin mawana u tebur u piyu gira" ²⁸ Yesu ima bera ka piyinumi agu, "piyeni, ribinnimu nigbaki. Mu wan kenna pimani, "pijinmuyi ima garga akapakam. ²⁹ Yesu ima biskya kati kam awori a kumana ku Galili. Ima tuga kakungru azomom. ³⁰ Ayashillaci agbaki, ama kanzu yi, ade aya za gassa, nagundari, adumu, aturi, aya deshi magbana mu baktazyi, na aya za gassa. Ama yende yeni u Yesu, duk ima garganzya yeni. ³¹ Aikene nayar agbaki ama potya urentu akapana ama yita aturi asu berbene na gundari nasu jasa, aya yanshi bina amaru garganzya yeni adumu amenshe katege. Yani ama yaba Kashiri, ki Isra'ila. ³² Yesu ima yarkya Almajirai ayi abarya yeni agu, "Ipoton nshishi, mu ayashillaci amira ayi nayi har a tuk atar, ba made ukusu na yeni adama re. Mmanimi ma sallama yeni ana riniani maninaru azu ka kizyi au jina." ³³ Almajirai amagu nki na kina zuga uborodi ugbaki aka cikanka, kaza pidong, unu wana ayashillaci amira?" ³⁴ Yesu imagu yeni agu, "iburodi iwar na yeni ade shi?" Yenu agu, "kusheri na isani iza gbaki." ³⁵ Yesu ima do ayashillaci umurni agu azomzono kajes. ³⁶ Ima zu u burodu mi na isani mi, agisa Kashiri a tusuru u burodi umi, ado Almajirai ami, yeni ado ayashillaci ami. ³⁷ Ayashillaci are ashitunzura. A konosha kudezye kuma guntaru ma maninaru mami matakan, na binde kushere nama kura. ³⁸ Aya mare yeni idubi nas ayarumi banna ayini na nono. ³⁹ Yesu ima cokonya utaru mi, a rinya ku jirgi kumani a wori usuku magadan.