¹ A kapakami, Hiridus imayi pigomo a potya a bere a Yesu. ² Ima gu a gisan ami azomi ugira uiyi "piyanwu a Yahaya piyu mayishi uBaptisma na a cokonon ka ya mayaza. A kene madeh mu iko igbaki itumzana" ³ Pigomo Hiridus ima puru Yahayi a shishi a villya aka kassan ka ya shillaci, a baru Hirudiya, piyani ukobina Filibus. ⁴ Agu yi, "mu dugaran muni ma runga yi ⁵ Hiridus ima wuna yi apok usahd waya shillaci, a menyi pikuzunun uKashiri. ⁶ A kene na katuk ka kutanga kuwap u Hiridus kama wana, pijinni u Hirudiya idoro Hiridus i potya urentu makana Hiridus ima shiri agu pijinnumi ⁷ Hirudiya ibari koyanini nayi mani ukusum na imani, idama doyi. ⁸ Pina ima pok manigi ma pikunzununun ko Shiri, ima cipanzya Hirudiya agu igura gu aduk kani rici ni pi kunzunun ko shiri a kiceh. ⁹ Pigomo ima potya majara ma kagisa, ka kani iyita imaru shiri magbaku mayingzyi mayi mayim. ¹⁰ Ima kunu a ceske riji ni a kati na i karkan. ¹¹ Ama yende rici a ki cekeh, a dakanya pijinni, ka shere a jaga pina. ¹² Almajirai ayi ama tumu a zya kuyaza a wura animi aka pukshya. A sadi aka barya Yesu. ¹³ Yesu ima potya kene, icira uya makana aka ti ka paktanan ada itaniyi. Aya shillaci ama potya a zoboroyi akati na idama kana. ¹⁴ Yesu ima kana kazono kayani, ayita ayashillaci a gbaki, a potya shishi muyeni ima garganya aya za gara. ¹⁵ Morong mawani, almajirai a kana uyi, agu "karimi kanka, katuk kana dagi, cokonya yar sa aka gbene manunaru." ¹⁶ Amma Yesu ima barya yeni agu, "ayin idama doyeni manunaru, a dama kana yan kadon kategye." ¹⁷ Ama gudduyi agu, "wurkide manunaru iburodi kishi yenna isani iba nazik." ¹⁸ Yesu imagu, "yendinna." ¹⁹ Yesu ima barya ayashillaci agu yeni azomzono kajas uzo magih. Ima zya uburodumi kishi na isani iba imi, ima warana uzo, adene nibarkam a dunnaza a do almajirai. Almajirai ado ayashillaci. ²⁰ Na dugi yeni, amare a shezye. Amazya kudezye ku manunaru na ki sani, nabende pituru a kaba na kuri. ²¹ Ugbaku wa ya mare aya rumi idubu kishi, banna ayini na nono. ²² Ima dene kumina a barya almajirai a rinya ku jirgi azonzyi marapkya kumanzu kupentu kumana,sagi barya kaya shillaci ami ama konukuran. ²³ Ima konokya yeni atuga katari mayisha adu'a yi utayi. Katuk kamawana, iyikuri utayi. ²⁴ Kujirgi kumani kuya kacaci kamani majatanzi kumagaba kunu jaru, riye rimani ni puru kuni na uvunu ukumana. ²⁵ A mawana ma rikata Yesu isujara uzomani makana uyeni. ²⁶ Almajirai ama itayi isu jara uzomani, ama gatta asu kuma agu, "a ayadjas" a sada dishi igum apok u sahd. ²⁷ Yesu ima barya yeni nawau anagu "tarin ushir1u a-mi! Izu potya usahd." ²⁸ Bitrus ima rete ana gu, "Kashiri, ba apugi, pi baryami in wana upu uzomani." ²⁹ Yesy imagu, "wana." Bitrus icira a ku jirgi apuru ujaru makana uYesu. ³⁰ Bitrus ima yita uvunu, asada potu usahd akapana imasubarya amani, ima zopkha rimigh agu, "a Shiri gaskami!" ³¹ Yesu ima puruyi kacara, abari agu, "pupide ribin nicun, iyani deni na piya shi?" ³² Yesu a Bitrus ama rinya kujirgi kumani, uvunu nyazhanha. ³³ Almajirai ami amayi unyong kujirgi ama dishe u Sujada asu kuma agu, "A ribi a pu kono ka shiri." ³⁴ Ama rapkya, a rinya Janisarata. ³⁵ Na aya katikam ama yogotya agua Yesu, ado ukun majaga aya zomzim, ama yendezye aya za gassa. ³⁶ Agisa yi ba ana rebe pituga pi makusu mayi, aya marepshe amazuga magarga.