1
Kacini ka muni, Yesu na Almasihu ayi pituru akaba, ama kahdhe unyong mado na kudo kucun acu disha uwa'azi asu basha kutepu kurentu kukigomo kya shiri.
2
Ayini agbaki na Yesu ima garganzya adhe aya jes na agbana mu bagtazhi asu nayi unyon uyeni agina maryamu unna ana yashi agu magadaliya, unama cidda yi ayajes kushere unyong ayi.
3
Yuwana piyi kuza pikuri uhiridus suzanatu na dog ayini agbaki unyong unkusu micara yani nama tara.
4
Kadonka tuk ama konosha aya shillaci agbaki, ayer amusa konusura aciri unyong mado agbaki iyita yesuyi yima berya uyeni madokani.
5
Piyu kibira ima woroyi maka bizza iduk. imasu mizzyi iduk, idog isu yikshi aujina ayar asu tuksanami nanin tezhe idong magbaki.
6
Idon ima jikshi uhzo natari kiti kiza mayinzi na inyi ma cizzah akumza, indon ima rogho maza zuggi kati kazzuk.
7
Idon izuk ima jikshi unyong masab mama cizzan makunza.
8
Idon iduk ima jikshi ama yinzhi madugan, inima kunza madugan adeni ininaru igbaki namhi udari, na Yesu ima dru mabashi ukusungwu imagu yeni agu piyide kuto kuma poyi ipotya".
9
Almajirai ayesu ama ribi agu ibari yani uma ana makutepu kum.
10
Imagu yeni, "yinna adugini kader kama yogoti ukusun u ukigomo kya shiri." kayamanzu ayar adisha inna yani ayitan adama yokotani in kuma na yani apoton adama fahimta.
11
Unyong uma'ana umisali nami ai'mis umuni yi abera ashiri.
12
Iduk ami jigi uzo ujina iniyi ayar ara apoton abere shiri, kaciri shedan ima zya aberemi unyong kumina ku yeni, magu yenizu shere a subta.
13
Kenna ami ima jikshi uyo natari inimi iyi ayami apoton abere yani ana sere anasugu na pok, yani azan minumu, yeni ana dho nipin akapa kacun nadog muzugi yani mamakari yani ana guru kacini.
14
Iduk imi ijikshi unyong masan, ayar ami apoton abere, akanami ma zumzhi, abiskya umasaloli ukazum kayeni, uyin na ukusu kicara na rentu uka zum kayeni na shirimi, mazasu dugsha nonnona dama kumza.
15
Iduk imi imajikshi uzo mayinzhi mavur, ayar ara ana potya abere, asheranina ribin na kasugu kadhe, apuruni natek ashigruga asu dugsha nonho navur.
16
Ba piyidama gbana fitilla, agusa akajo, atara pini unramu uka magshi, adama tara pini atina aya rinzha adama yita matus.
17
Ba ukusu nsan unna adama yokotani uni ba ukusu nisan unnha adama ciddani amapandarho ayita.
18
Zyin nazya kenna ipoton, piyide kakusu, yina adama pirayini, piyi de nacun maminzha mayi udama zyanina yimi.
19
Pinah uyesu na akobina, ama kana uyi, ama suskanani maka patanayi abara makoanusura maya shillaci.
20
Pidong ima barayi "nau na akwanai ayazazhi uyah, mayitabu.
21
Yesu imagu yeni", pina unan na akobini nan yeni ayi'aya nakiyi apok aben ashiri, asu disha ukiyaya.
22
Mayi undon unmi Yesu ima rinya kujirgi ku mani mashir, na almajirai ayi inaguyeni "wanin kikana urapku uri" ama cigha ujaru marapkya kajiwa kani.
23
Amasu jara Yesu ipuranmura uvunu ushiri uma coko unyong kujiwa kami, kujirgi kumi kuma cinya makuzza mani mashir, aya zuga uhatsari.
24
Almasihu a Yesu ama cokonayi anmura. guyi, "piyi cibru! piyi cibru!! kidama kizyi!" ima coko ayangya uvunu nama pinzhi namani mashir ma-ma nyazanha.
25
Imagu yeni, "nkyi na ubangaskiya uyin uyi?" almajirai ami ama sassara ukusu wanzanan agu aci ayeni wan ungwu nyagan uvunu na manimashir adishayi ubiyayya.
26
Ama wana usuku garasinawa, upati ugalili.
27
Na Yesu ima toro amayinzhimam pidon ima ciri usuku na tegenanmi ima cepkeyi. adhe ayajas piyami ima goro ba masu sogonzono makusu, maza zoni ugira. magu ima zomi unyong mashek.
28
Na ima yita yeshi, piyami ima denigum na ushirhu, atuturga kazono kayi na rimyigh nigbaki agu, "iyan na ndama dene napu" Yesu, kono kashiri madaukaki? ungisabu, zudomi kidere".
29
Yesu ima nyangha aya jes ami acir kapiyami, azan muzoni na aya jas amih ana kpabayi, ana shishizhiyima amanyen atarayi akati kadhe, ina kpekere, iruhohi iza dugan ina tiriyi a rindayi unyong magara.
30
Yesu ima ribiyi, "yan nizagi nimu"? iguddu agu, "rizagi ninan niyi dubbai" imagu kenna muyi aya jas agbaki ana rinya piyangwu.
31
Aya jas ami ama gissa Yesuyi izu yangha yeni arinya kategeka zullun.
32
Kabur kaladu na amasu zama kagbaki uzo kakunro kamapatimi. aya jas ami amagisa Yesu magu ijikiyenimi arinya unyong aladu, yima dumiya yeni.
33
Aya jas ami ama biskya piyami ariya aladu, kubur kaladu ami kama dunriya unyong kubotoro maka toro unyong kajiwa, akiwa.
34
Aya masu zanna aladu ami amyita ukusuma wanzan, asumanani ama gudduzu ukusu wanzanan kayar ashillaci unyong ubiga na uru umanyhon yeni.
35
Aya shillaci ama potya ama kanami makayita ukusu wani, akazagha akatina Yesu iyi, yeni ama yita piyallu na ayajea aciri unyong yi. amayita nyazhi adhe makusu, ayi unyho kumina kuyi, usahd upuruyeni.
36
Ayar naduk amayita ukusu wani, amaka basha adon adhog kenna agarganan piyami na yajas ade u'iko uyi.
37
Agu kupentru ku garasinawa na ayella akhadi ama gisa Yesuyi agu icokoyini usuku pituga pima yinzhi magu yeni potya usahd nacap. Atikan Yesu na almajirai ayi ama rinya kugirgi kumani mashir ariti ani.
38
Piyana aya jas ama cira nyi ima gisa Yesuyi, "jikyami nzoborobu" Yesu ima ritiyanayi agu,.
39
Riti ugira akabara ayamu ukusu kagbaki na kshiri ubiga ukusuna Yesu ideniyi.
40
Na Yesu ima zaga, ayar ama maninya yi yene asukshiyi naduguyeni.
41
Pidong uyar na anagu Yayirus, iyi unyhog ayacibzu akudagha imawana apatana Yesuyi na nici niyi kajas agisayi agu iwan ugira.
42
Abara magu pijinnu uyi idhe kiwa pituru akaba aya kanha kamakya, ayi utakani pijinnuyi na idhe. na imasu jara, ayalla konusuran asu gallayi.
43
Pidon uyini ijimi unna kabiri kacizzayi kiwa pituru akaba. ima unaza kakobo muyi ka wuga, magu agarganiyi, bapiyi ma suskanya magarganyi.
44
Ima zoboro kacini kayesu ima rebe pituga piku bazaran kuyi. atikam majikshi mamayho ma-ma nyazanha,
45
Yesu magu, wan irebimi? "ayama manranyi, naduguyeni agu arebeniyi, Bitrus igu, "piya cibru ayar agbaki asu kanusurabu asu kubtozono upo".
46
Na Yesu magu,
"nyoh pidon irebe uijo uciri umi".
47
Na piyi uni ima yogotya agu idama iyayi mawukunu, ima wana uyi na usahd, atuturga kuzono ka Yesu, ima bara kazono kayar naduk ukusu udeni irebe agarga.
48
Yimaguyi, " kajinni ubangaskiya umu uyargananbu. worobu na kasugu kabag.
49
Ima kanayi na abere, pidon ima wana aciri unyong karari kapiyi cibru ukudagha, agu, "pijinni umu imankye zu gollo malanyi.
50
Na Yesu ima potya kene, imaguyi" zu potya usahd. dumiya nakashir kaduma garga,.
51
Na ima rinya karari kami, ima biskyayi pidon irinya nayi a Bitrus na Yakubu na pinna uka jinnikam na picu ima rinya.
52
Ayama yimi, asu shibana na ushirhu agu pijini uyani ikini. Yesu imagu na yeni, "biskin kosho! izan magu akakini! anmurna na kayimi!".
53
Ayami ama dishayi kicheri kika yak, abara magu pijinni uyeni ikini.
54
Ima puru kachara kakani agu, "kajinni nguran agu coko.
55
Akatikan uruhu ukani uma rinya nipum nikani ka coko. imagu yeni dugin kanmagh ka rhe.
56
Awaban akani ama sassara Yesu ima bara awaban akani zuburin pidon kakusu wanzanan.