¹ Mumawana akapa kanna ayashillaci ayar ama konusura Uyesu asu potanzya abereashiri ima nyazhyi apituga pikajiwa Janisarata. ² Ima yita majirgi ma mani mashir maba manyazazyi apituga pikajiwa kam, anaran isani asu cizza unyong majirgi mami asu guzu narakrak. ³ Yesu ima rinya kujirgi kudegh kunkumayi kubitrus imagu yeni agu acukoni kujirgi kumi apituga pikajiwa makana unyong mani mashir. Yima zomo abasha ayar ayi unyong kujirgi. ⁴ Ima duro abere, igu Siman, "nura kujirgi makana akatege ka zullon a basgha karakrag kamu apusu isani." ⁵ Siman ima guddu agu, Kashiri kitumzanan katuk maza zuga kadanmagh, tunna pi beren, Indama ryo karakragh." ⁶ Ama dene kene, apusu isani nakam, narakrag nami nasu mantazhana. ⁷ Ama gisa yami utuma ayi akumazo kujirgi awana ama muksha yeni. Amawana ama kurganzya magirgi maba mami, ma cigha maripza. ⁸ Na Siman Bitrus, ima yita kene, ima tuturga kazono ka Yesu asu kuma agu, "kashiri biskyami nyi piyu ibang mi." ⁹ Magu ima dene kassasa, na yaya mayi nayi, nama guragu ugbaku isani inna yena pusun. ¹⁰ Mummuh muma darkya na Yakubu na Yahaya nonoh na Zabadi ajamutuma "Siman. Yesu imagu Siman, "pigi zupotya usahd, magu minah, pidama pusu ayar." ¹¹ Na yenama yende magirgi muyeni uzo mayingzyi, ama biskya ukusuna disha a zoboroyi. ¹² Nima yi unyong udong ubirni , pidong uyar ideh kigbana kya kpakti iya katikam. Na ima yita Yesu ima jigi kazono asu gisayi, ana gu,"Kashiri nna pidomun pisarkakemi." ¹³ Yesui ma dakanya kacara kayi arebeyi, asu kuma agu "Ndumun. kasarkaka" muma wana kene akatikam kikpakti kinni kigarga. ¹⁴ Imagu izu barya pidong apa gurayi agu worobu aka saganya nici nimu kaku Firis, aka do uhadaya usarkakewa, kenna Musa ima barya kazono ushaida uyeni mabashini." ¹⁵ Aberayi ama dangurga aya shillaci agbaki ama wana uyi amapoti azugsa magarganzya yenima ingbana muyeni. ¹⁶ Inaka wokumu anadon nati na nazanani pidong agissa kashiri. ¹⁷ Muma wana mude unyong atuk na ibasha, ayu farisawa na abasan attaura azomzhi kaya wani aciri aikauyuka Ugalili na Uyahudiya na ubirni urushalima uiko ukashiri umayi nayi magarganzhi. ¹⁸ Akapakami adong ama kana adeh pidong uyer ikiti aku pentu kudeh uzo kuye, amagbene ujina kenna adama rindayi unyong, aka nomokyayi kazono ka Yesu. ¹⁹ Ama zugani ujina uma konusuran, ama tuga uzo karari kam, atoddoyi aurifi, adeniyi akuye maka toddo aka caci kayar, adungan kazono ka Yesu. ²⁰ Na ima yita madene makasugu kayeni, Yesu igu, "Picugira, aguskunbu ibang imuh." ²¹ Agyakaran na uFarisawa amacigha kibasu kiyi, asu kumagu "Wan ungwu iya irapu?wan idama suskanya magusku ibang, "nba kashiri kanu takaniba?" ²² Na Yesu ima yogotya ukusuna aminga, imagu yeni, iyan ideni na isunu munmu unyong, nasugu nayin? ²³ Mushe mubanya magu, a veskenni ibang, bamagu "coko aworobu'? ²⁴ Magu yogotin agu kono kapiyer kadama suskanya magusku mibang uya imagubu, "coko, azya kuyer kumu "a worobu ugirumu." ²⁵ Ima coko nakuwau kazono kayeni azya kuye kunna ima mashimi, aritiyi ugiruyi, asu dugsha kashiri kicibru. ²⁶ Nadug uyeni aya massara asu dugshya kashiri kicibru Ama kun nu sadh asu kumagu "ukyaru kiyitan ukusu aliajibi." ²⁷ Na maduru mananzagana mukusumi, Yesu ima ciri kuri ayita pidong pisheshen uka kgandu na ana Yhesha Lawi izomi akasheshen kakagandu. aguyi, agu zoborom." ²⁸ Ima biskya ukusunna idisha, acoko, azoboroyi. ²⁹ Lawi ma camsana rizagha nikari kama ninaru ugiruyi ayama sheshe kagandu amayimi agbaki aka tikami, adon ayar ama zomzyi kazonu kaku gassa kuma tarkyi maninaru asurye maninaru mami nayeni. ³⁰ Na Ufarisawa na igyakaran ama cingha mayogro Almajirai, asu kumagu "iyan ideni nayirye asu shezhe nayama sheshe ka gandu, na ayade ibang?" ³¹ Yesu ma guddu yeni abere, "aya gassa a gbanani piwuga, ayellah za gassa yena na gbene piwuga. ³² Inma wanimi mayasa aya matiniba, ntumu mayasa ayi bang mabiski ibang iyeni." ³³ Amaguyi, "Amajiran ayahaya ana yisha Azumi na Adu'a kenne Almajiran Ufarisawa ana disha kene. Almajirai amu asu rye asu shezhe." ³⁴ Yesu imagu yeni, "ba-ana zuga piyi dama dene ajami apiyu kuntanga mayirankene akapa kanna piyu kutanga kumi iyi nayeni shi? ³⁵ Atuk ajara mawana annah adama zya piyu kutanga kumi unyong uyeni, ana tuk ami na Yena dama yiran azomi kene." ³⁶ Yesu imapa duntarha yeni abere, ba piyi dama mangha kuryiga unyong makusu mapas aka tuzzah kurigha ku gusmih. nna ideni kene, idama gmangu kuriga kupas, kuma kuriga kucin unyong makusu mapas, kudama dugura kuni unyong makusu magusmih. ³⁷ Bapiyar un idama dene mani minabi mapas unyong njunu mu gus. una ideni kene, mani minabimi mapas, madama pussarah njunu, mani minabimi madama digi ujunu mumi ma mudama naguzura. ³⁸ Muwani dole aden mani minabi napas. ³⁹ Ba piyi dama potayha kutau ku mani ma nonnu. nacyi manma pas kacini kanna isuni manmah gus, idamagu, manmah gus mapiri mapas.