¹ Nyong atuk ami kaisar Augustus ima dene ushela umurni agu ayishi kibari keya shillaci aya kazomi unyong uya. ² Kibari kizoni kinna ama yisha akapa kanna kiriniyus imayi akigomo kiu suriya. ³ Amanang mamma, aya shillaci ama guzzani amayingzhi mayeni azhizha yeni azagi sabona kibari. ⁴ Yusufu ima coko a biskya mayingzhi munazarat makana ama yinzhi mu Baitalami uyi Uyahudiya, umi na ana yesah agu ubirni Dauda, ayi idama zapko kirong kyu gira u Dauda. ⁵ Inima woroni yeni na piyemi Maryamu a nyakara azagi ayeni ka jinni kami na inimasu gbene kanka de kadura. ⁶ Yeni amayi kuri, kapa kama wana kama waba. ⁷ Ima waba konoh karumi, konoh kayi kazoni, a vusu kani nateng amariga. pina ima zha kani anomokya akugmoshi ku manara mugira kaci na yeni ama zaga baki kidagha. ⁸ Nyong kupentu kumi, amazuga acigi a manara mugira ama zomi a u usarari asu mente kabur kamagam katuk. ⁹ Na kumina malaika makashiri mama fantah uyeni, udaukaka ukashiri uma ballya yena potya usahd. ¹⁰ Malaika magu yeni, ''zu potin usahd, ntumi ma yendini kutepu kurentu kudama yendini rizagah ni gbaki naduk ayashillaci. ¹¹ Ukyaru a wabanni pigaskan ama yingzhi ma Dauda! Anagu yi iyi Kashiri! ¹² Mummu maduntani na adama dini. idama yita kono kami kavusun amanga agmashi akatina manara manayi.'' ¹³ Ba magoroh, utaru ugbaki uciri uzoh, yeni na Malaiku asu yisha uyabo ga Kashiri asu kuma agu, ¹⁴ ''Daukaka ukashiri uciri uzoh, usalama utaka uya kayashillaci anna kapok urentuyeni ¹⁵ Malaiku mama biskya yeni a guru mani uzoh, makiyaya mami mama bera anaci ayeni, ''kikana ubaitalami aka yita ukusu wani, umi na Kashiri kasaganandi.'' ¹⁶ Yeni ama dene kumina makanami aka zuga Maryamu yenina Yusufu, yeni ama yita konohkami kagmashi akatina manara mayi. ¹⁷ Ayami ama potya, yeni ama yisha kasasa aukusu na makiyaya mabaran yeni. ¹⁸ Ayimi amapok asassana, a ukusu na makiyaya mama barya ukono kanna a waban. ¹⁹ Maryamu ima kanayi namingza a ukusun na yipoton, asu mingza unyong kasugu kaiyi. ²⁰ Makiyaya mami mama guru mani na udaukaka na mayisha Kashiri uyabo aukusu na yena poton ayita ana yizhi ayeni, muyi kenna abaran. ²¹ Ama tumu atuk manazhiba, akapa kanna konoh kama mani kaciya, ado kani nizagi agu Yesu nizagi nimi na Malaika mama doh ado to madene kadura ka Yesu. ²² Atuk usarkakewa ama woro a usharia musa, Yusufu yenina Maryamu ama jaga yi akudagha kuru urshalima ma mikayi kakashiri. ²³ Kenna ama Nyakaran audokoki ukashiri, ''Adama yesa kono kazoni kukebabble kakashiri .'' ²⁴ Yeni ama wana ma doh uhadaya kenna ama barya ausharia ukashiri, ''Napukturu naba bana tan tabaru na ba.'' ²⁵ Pidong ushalima nizagi niyyi agu Siman, payami ide matini na ibada. Asu suksa piyu ta aziya uisraila, ide Uruhu Kashiri. ²⁶ Ama saganyayi a Uruhu mai-sarki agu idama keyi azuma yita kristi ukashiri. ²⁷ Kadong katuk Simon itumu unyong u haikali ama jatanzhi muruhu mai-tsarki. Apici ama yende kono kami unyong, yi Yesu magu a kurgani ukusu na usharia umani. ²⁸ simon ima shereyi a icara iyyi, a yisha Kashiri rizahgah agu, ²⁹ ''Pidere umi idama wori na usalama, Kashiri ama bari mamu. ³⁰ Ayizhi anang ayitan magaska, ³¹ Umi na pinapsan kazono kaya shillaci naduk: ³² Amatus mu wahayi ga ayashillaci, a udaukaka ka ayu Israila .'' ³³ Apici na pina ama yisha kasasa ku kusu na basansu aukau kono kami. ³⁴ Simon ima dene yeni libarka agu mina, ''potya nateng, kono kanka kadama yende majigi na macoko nashillaci unyong Israila kapakam amasu nissazha. ³⁵ Kutakobi kudama waka kasugu kamu kenna kumina kwa ayashillaci kudama yergurga.'' ³⁶ Kudong ku annabiya ana yesah kuni agu annatu kuyimi a katikami. pijinni Fanuyila a kabila ka Ashiru. iman cupruga akiwa ima zomo kiwa kushere a irunga. ³⁷ Ima zhomo maza de irrunga kiwa ituru manaziba a inas. Bama potya kipai kima biski uhaikali, asu yisha kazono na kagisa kakashiri, katuk na ngmi. ³⁸ Kapa kami ima tuga makanu yeni asu gudazana Kashiri. ima barya aya suksa ufansa Urshalima. ³⁹ Yena ama duru manang mayeni amanang musharia ukashiri, aguru yeni Ugalili. makana a ubirni uyeni, Nazarat. ⁴⁰ Kono kami kama kumzha a shira ashi piszurra na uhikima, alheri a Kashiri ayi na kani. ⁴¹ Apici ana worom Urshalima ko nishe niwa akana uidin keterewa. ⁴² Ima tumu kiwa pituru akaba, yena gurumi a wandara akapa ku idumi. ⁴³ Yena ama kurganya atuk u idumi, yena maguru yeni ugira kono kanka yeni Yesu kama taka zomo a urushalima, apicu ama yo ani. ⁴⁴ Yenna ama donguba iyi na kudezhe kwayer anna yena jara nayeni, ama jara katuk kadah. Acigha kagben kaiyi unyong akobini na ajami. ⁴⁵ Yenama yitaniyi, ama gurani Urushalima asu gbeneyi. ⁴⁶ Ama mura kitar, yeni ama zugayi unyong uhaikali, izomi a kacaci kabasan, ipok yeni asu ribshi yeni. ⁴⁷ Naduk aya pok yi kasasa kapuru yeni amayo na magudduzu aberayi. ⁴⁸ Yeni ama yitayi, a potya kasasa. pina iguyi agu, ''kono, kanang pidenidi kene agyano? ki gbene bu wuri nacu nasugu namanwamtidi. ⁴⁹ Ima guyeni, ''Igbene agyano? iyoini agu dole nzomo a kakarari kapicunang? ⁵⁰ Ama yokotayani ukusu na yi sherimi. ⁵¹ Ima guruyi ugira ayi na yeni makana unazarat asu yisha yeni matini. Pina ima tara ukusunwu akasugu kaiyi asu mingza muni. ⁵² Yesu ima kanayi mapizzura a uhikima na makumza, ima pirgura a utagamashi ka Kashiri yenna ayashillaci