¹ Yesu ama rinya u yariko asu wosu unyong uwuni. ² Pidon imayimi akatikami na ana yesah agu Zakka. Ku shugaba kuma sheshe kagandu, kuma ide ikusu cara. ³ Ima yakumina ma yogotya wan iyi Yesu, amma ima iyayi mayitayi kaduniya kamagbaki, abaramagu imakubu na kam. ⁴ Ima sumayi kazono aka tuga kaci ka kudus mayita yi, sabona Yesu mi idama woromi a ujinumi. ⁵ Na Yesu ima tumumi, ima yita uzo ima guyi, "Zakka toro na kumina, domin ukyaru ida toro ugirumi. " ⁶ Ima toro nakumina, ima shereyi na rizhagha. ⁷ Kapakanna no duguyenii ama yita kene, amadishi imberbene, agu, "ikanan akarari kapiyide ibang." ⁸ Zakka ima yazane agu Kashiri, Ita, Kashiri indama zya kudezye ku makusu mannande ado aya caza, ina inkoskon pidon a kadama nna gudduyi so kanas. ⁹ Yesu imaguyi, "Ukyaru maguzu mibang mariyan ugiru mu. Magu yima iyi kono kibrahim. ¹⁰ Kono ka Kashiri katumi magu ka gben kayaman wuszu, aguzu ayi bang." ¹¹ ama potya mummu, ima kanayi na abere, ima duru ado yeni madon maduntuni,. domin ima pati u Urshalima, Amasu migza magu kigomo ki kashiri kadama wana mina mina. ¹² Imagu, "Akwai pidon ide kigomo ima woroyi madon mayinzyi madangan ma kashere niciniyi kigomo a kaguru. ¹³ Ima yarkya adere ayi ayipituru, ima do yeni ipam pituru, imagu yeni, agu 'dishin ukasuwancimi, har mazaga manan.' ¹⁴ Ayashillaci ama gabaniyi ama kunu majakadu kacini kayi agu, 'adumun ani nayi magu idisha yeni kigomo. ¹⁵ Na ima ritiyi, a mazuga ma kigomo kiyi imagu ayarkiyi adere anna ima doyeni ikorgo, domin azuk uribunna azugi a u kasuwancinna a dishan. ¹⁶ Uzoni imawana uyi, agu Kashiri ikorgo ini deni uriba nakam ipam pituru. Pigomumi imaguyi agu, mudugan pidere u matini. ¹⁷ Domin pidisan ukusu dugan a ukusu ucin, ada dobu u iko ama dete ibiga pituru. ¹⁸ Iba ima wana, imagu upam ungwumu, Kashiri udeni uriba uyi kishi. ¹⁹ Pigomumi imaguyi, izya kigomo kibiga kishi. ²⁰ Pumanzu piwani, agu ' Kashiri yita ipam imu, ni ntari unyong makusu. gama inpoton usahd umu, abara magu puh piyi piyu mayo. ²¹ Ma mani uwam na pimani, uwam napimani, anaba ba akati na piza biszan. ²² Pigomumi imagu yi, "An berbene mumu na ada dishabu matya, piyi pirogo upidere yoh ugu inyi piyu madishi kidere mi inzya ukusuna intarimi. Inna baba atina inbiszanmi. ²³ Yandeni ijagini ikorgo akati kama nisa, magu inna inguri indama shere na uriba? ²⁴ Pigomumi imagu aya nyazyazyi a kati kami, 'sharin ipam ungwu uyinayi, ado piyu pam pituru umi.' ²⁵ "Yena gu yi agu, 'Kashiri, iyi ipam pituru ai.' ²⁶ "Inbashini piyide kakusu ada pirayimi ama piyi azyi adama shere uyi. ²⁷ Ama ajami anghah ipitkunu inan, aya manani agu indishi kigomo uyeni, ayende yeni na kazono kanan a wuna yeni. ²⁸ Na ima barya mina, ima woroyi kazono, asu jara makana u urshalima. ²⁹ Na ima ritiyi a pati u baitafaji na u Baitanya, akati kazangari kanna ana yesah agu u zaitun, ima kunu almajirai ayi aba, agu, ³⁰ "Worinni unyong kudoh kunkuyi kazono kayin. Inna inryan, inazuga kizanku kinna azuma tuga kini. ³¹ Nna pidon iribini yen deni ibizyi kiniyo? igu, a Kashiri kamani." ³² Ayana ama kunu yeni ama kana aka zuga kizyanku kenna Yesu ima barya yeni. ³³ Na amasu binzyi kizanku kimi, aya kni amawa amagu yeni, "yendeni ibin zyi kizanku kimi?" ³⁴ Amagu, "aKashiri ka mani." ³⁵ Ama yendeyi, ama nomosha makusu mayo uzo ukizajanku azya Yesu adeneyi uzo. ³⁶ Na ima ya ujaru ama nomosha makusu mayeni a ujina. ³⁷ Na ima pati a pituga piyuzo u zaitun, naduk almajirai ayi amacigha rizyigha aya uyabo u Kashiri shipsa mashiba mashiri domin ukusu u alajibi unna ima disha yeni, ³⁸ Agu 'Albarka a wanzagazananka pigomo unna adama wani unyong nizagi nipicu! usalama uzo na u daraja upiri u daukaka. ³⁹ Adon ufarisawa unyong makosura mayashillaci amaguyi "pimakasa, nyanga almajirai amu. ⁴⁰ Yesu ima shere agu, "inbashini nibin, inna a yangahg akizyani, natari nada dirgura. ⁴¹ Yesu ama pati, imashiba abara magu ubigumi, ⁴² magu, "Ina yo katuk kami, ko kumaukusu u yendezyini usalama! ama mina anisa san ini ana yizyi ayin. ⁴³ Ama katuk kanama wanabu, kanna aya mananipi anama suga u ganuwa agadkaranbu, awunzyini ko pishe pituga. ⁴⁴ Anama gogobu kajhas na nono namu. Adama biskyani kadon katari uzo u kobina, magu pinalura bu nakapa kan Kashiri kana mani magaska bu. ⁴⁵ "Yesu ima nya kudahg kama gisa Kashiri ima ciyagh mazop ayama zyizyi makusu. ⁴⁶ Imagu yeni, "Aman nyakara, 'Karari kanan kadama wana kaci kamgisa kashiri', ama iguddun kani kawana kategeh kadakara." ⁴⁷ Yesui imaya ma makasa yeni ko kashe katuk unyong kudahg kumagisa Kashiri. ⁴⁸ Amma mapiristoci magbakazyi na aya mayakaramashugaba mayashillaci amamani mawunayi amazuga ni ugina uma dene kene, magu kaduniya kamapok yi nakam