¹ Ima doyeni madutani agu ko kashe katuk yeni agisa kashiri azu tuzu. ² Aguudon ubiga ama yisha nidon likali niza usahd ukashiri kuma mazamen udaraja wa yhar. ³ Pidon uyini pigugani a ubiga ima su kanza uyi asu kuma yi agu mukyemi kenna indamazaga kapi jami unan igaba. ⁴ Ima gor bama mukye yi kacini igu kada shike inpukmi usahd ukashiri zanmi ayashillci andong. ⁵ Duk na kene abara magu pigugami angyu idamami in dama mukye yi domin yi uzuk adaki, kenna yi damayimi ama wanza umi ba". ⁶ Sai Yesu igu potin fa ukusu na nikali ninni ugaskiya nima gu. ⁷ Mina kashiri kadama do kani ayhar na kateken angah gisha kani katuk na mygh uhaki uyeni? kadama goro maza mukan?. ⁸ Im bashi ni, kada zuga mado mani bin aduniya. ⁹ Yi magurumi ado misali mamma kadon a dumun na aci ayeni agu yena dhe matini, harma yena yaksa kudezhe kuayashillaci. ¹⁰ Adong aya ba arinya kudang kukashiri, magisa kashiri, piyu dha piyu farisawa piyu manzu pishe-shen uka kagandu. ¹¹ Bafarise umi ima coko agisa ukusu abara niciniyi, kashiri ngudan, nzami ne kudezhe kuayashillaci ayu zamba aza matini, ayuzina, nzami na piyu mashe-she maka gandu. ¹² Duk kusati nnayisha azumi kiba, nnado uzakka ukusunna nzugi. ¹³ She-shen uka gandu igyezhi adangan, bama zapka nici uzo, ashi kpaba kasugu agu, kashiri denemi ujinkai, migi piyu ibang. ¹⁴ Nbashini piyanwu ima guru ugira azugi mashere kakashiri apiri pifarisawa, piyi zabkan nici kashiri kadama kaskantar nayi, piyi kaskantar na niciniyi kashiri kadama zapkhayi. ¹⁵ Aya cillaci ama yende yi nono nacucun, ireb nani, na alimajarai ayita akwabe yeni. ¹⁶ Yesu iyerkye yeni, agu, "biskin nono nocuncun na wana umi kada, iyyas nanimi kigomo kikashiri aki nani. ¹⁷ Nibin in bashini piyer isheiyi umulki ukashiri kaman konno kacun, ida woroyi yi. ¹⁸ Pidon kushugaba kwaya cillaci ima iribiyi agu "pigadaran yenna inda dene azuga nivataru madawami? ¹⁹ Yesu igu yi uhikima? bapidon ide uhikima sai kashiri utakani. ²⁰ Piyo uduka-banna uzina na mawuna, na udakara na ushaida uka bere doh picumu na pinumu kigomo". ²¹ Pigomo igu ukusumi in biskin a kapah kanna ima shiri." ²² Yesu ima potah, agu yi," ukusu ude utakanbu udol pizizi ukusu umu atusa aya mankozo, pida zuga uwadata uzo-aguru azoboromi,". ²³ Piyu made micara ipotan ukusu ugongono yi apiyi ide icara na cam. ²⁴ Yesu ima,yita kene kasugu kayi kawamtan igu, "mugon aya ade kara arinya kigomo kikashiri! ²⁵ Muda wana na sauki karakumi karinya kabina kalura,. Piyer ide icara idama rinyayi kigomo kikashiri." ²⁶ Aya bok abere, "agu idan kene magask kene? ²⁷ Yesu ima shere ukusu, "upiri ushuru upiyer, muda wana kene ka kashiri." ²⁸ Bitrus igu, "to, kibiskin makusu mawur, azoborobu." ²⁹ Yesu agu yeni," kenna muyi in bashini, mumu bapiyer ida biskya ugira, ka piyeni, ko akobini, ko picuna pina ko nonno, sahuna kigomo ki kashiri. ³⁰ Ima suskana yi upiri agura apira uya na urai uharbada a uya umatumu. ³¹ Ima konasha yeni pituru akabah agu yeni, "ga yeni ajara makana ushalima, na ukusunna agadaran ugame na konno ka piyer a icara yakunzun akashiri ada duma. ³² Ada doyi a icara aya zo yo kashiri ayi shayi kibata ayi shayi akidere, atubarayi matau. ³³ Ada cillazayi, awunayi, immiguh mu katuk atur ida coko. ³⁴ Yeni ama yokotani ko kide nyong ukusu don muni munisan uyeni, ama yokotani ukusuna abaran. ³⁵ Ima napati apuru pidumu izomia uparu ujino, asu gisa. ³⁶ Imapota aya cillaci asu woso, iribi yan iwani. ³⁷ Agu yi Yesu banazarat yi iwoso. ³⁸ Pidumu icokona rimyigh ni shiri, agu, " Yesu, konno kadauda gaskami. ³⁹ Ayer ayi kazono mayani, yi asu bashayi ikis ipa cokoni rimyigh ibin agu, "konno ka dauda, denemi ujinkai." ⁴⁰ Yesu ima yhazhine a umurta ayendeyi uyi pudumu ima wana apati Yesu iribiyi. ⁴¹ Yanna pimani agu in yishibu? igu kashiri in mani mayita katege." ⁴² Yesu igu yi," shere mayita makatege, mado minibin ma yandebu magargani." ⁴³ Katayg kami iyita katege, izoboro Yesu isu daukaka kashiri mayita kene, ayya cillaci a yabi kashiri.