¹ Nadugugeni asheshen akagandu na ayi bang asu wanza U Yesu asu potonzyayi. ² Afarisawa na Ayakoran aya mabgororo anaci ayeni, anagu, "piyaniu isheshe ayibang, asu re maninaru nayen," ³ Yesu ima dukanzya, agu. ⁴ "Unna pidong uyin idhe magam ituru pituru kudhe ku wuru magu idama jikiyami ituru kutorig akutorig pimenten, azoboro ibina iyi awori maka dukara kuni? ⁵ Umna izugi kuni, izya kuni apana asu isha nizagha. ⁶ Inna izagan ugira, iyesha ajami ayi na aya kasuzi agu yeni, mukinmi rizagha magu unzugi kugam kunan ku ku wuri. ⁷ Unbashini, kenna yinma idama zaganha uzoshiri, apiyibang ndhe na isherikashiri, ipiri aya matini utasa'in dajara ami sherani kashiri. ⁸ Magu pishe uyini, yazu dhe makobo azurfa ayi pituru, unna iwurun udha idama gbnayi fitilla abara avezhe karari, asu gbene maka zungashi. ⁹ Nna izugi idama konoshaajami magu nzugi makobo mam-ma nag, ma-ma wuru. ¹⁰ Kenna mbaranni, a ukusu rizagha umi na malai'iku mashiri unnha piyar udhe isheri kashiri. ¹¹ Yesu imagu, adhe pidong uyar idhe nono naba na rumi. ¹² Kutan kugu picu ukuni, picu domi katusa kanang unyong unyho ukusu ichara imu. picu umi ima tusa yeni ukusu ichara omi. ¹³ Nama mura nacun kutan kumi kuma konosha ukusuyi ukani, apuru ujina ma kana madunnma samadong ma yinzhi madangan, kuri na kamaka wurya makobo makani, asu zamanzana ukusuna ka gbene kani, kama wuzzya makobo makani akatika zadugan. ¹⁴ Nakama duru ma wushzhiya ukusuna kama dhe, mawuzha ama yisha ngbom igbaki ama yinzhi man, kama wana piyu chaza. ¹⁵ Kama kana ado nicyi nikani a utuma kapidon umayinzhi mami, ina kunzu kani unyho nakab nayi akadugshiga aladu maninaru maka duksha. ¹⁶ Ima poriya kutau kuma re unyho idezeru inna aladu ana re. magu kazakani piyi ido kani kanmba kari. ¹⁷ Nakumina kukanikuma guru kagu adere apicunan agu anna shitunzura a apicu anang ayi awar ade manunaru mabgaki mi unni unnaka asu she-she ibgom. ¹⁸ Undama coko, aworomi kapicunang, aguyi agu, picu deni uzo ibang, adenebu irapu. ¹⁹ Unduganmi agu apa yarkimi agu kono kamu guddumi unwana unyho adere amu. ²⁰ Kamma coko awana kapiwaban ukani. kamasu jara adoto dangan picu ukani imagita kani unshishi muma wanayi, ina sumta nawow akperkya kani, asu yisha kani usumbata. ²¹ pibezhene umi iguyi agu picu undeni uzo ibang adhenebu irapu. untumi magu apa yankimi kama kamu. ²² Picu umi imagu adere ayi. denin kumina ayende kuriga kuvur, adene kani. denin kani kikarhi kyanbo na araka aibini kani. ²³ Aduru yende kuyam kunna azani kuvur aceske. ki disha kutanga. ²⁴ Kono kanang ka kini kazono aman mina kayimi agara wuri angha yugi kani ata cighi ibuki. ²⁵ Akapa kami pibezhene unyi cibru iyi karmi, na kama patana ugira apotya asu paba maganga asu doro. ²⁶ Kama yarkya pidong udere unyho ugira umi, aripi kumina maka ukusungwu kun kusu mummu. ²⁷ Pidere umi igu, kwanau izagan ugira picumu iceske kugum kuna zami naten, abara magu ka zagan kunna azani kuni natek ugira agara. ²⁸ Kobina umi ima dene kishiga, agabayi ma ryha unyho picu icira, agisa kani. ²⁹ Kono kaka cibru kama picu agu, yita magbaki makiwa kinna tumzannabu andotoma tuzza umurni ummu, na munmuh ma piningan bu madomi kidong ki dugshi na dama shzhe maratu ipidong pisara urentu. ³⁰ Na kono kanka kawani acini karumi awunzhi ukusu icaramu kayini pi ceske kani kugam kunna pizani kuni natek. ³¹ Picumi igukani agu kana kanang piyinami ukusuyi unang, aumu. ³² Muddugan magu, disha ma rentu ma zagha, magu kwanau umu ikini aman mina ide rivataru, awur aman azugiyi.