¹ Amayi unmi masabar, Ima rinya karari kapidohg unyho waya cibru Ufarisawa mare maninaru, ayar ama deneyi ayizyih, ² Pidong idhe kigbana kima bokzi. ³ Yesu ima ribi aya ayo attaura na Afarisawa, ''mudugan magu agarganzyi anmi masabar, ba mudamakelana munimi. ⁴ Amakizani natik, Yesu ima puri agarganayi, aguyi woryi. ⁵ Imagu yeni, ''wan unyho uyin yazudhe kizyanku ba konhu kajigi unyhog kadhekharha kazullun anmi Masabar, idama ciddayi kani nawok? ⁶ Ama suskanani maguddu ukusumi. ⁷ Na Yesu ima tinrya kenna kenna ajah ami amatumu asu sama nazomi, ima dukana yeni anagu, ⁸ ''Unna pidong iyarkabu wana kutanga kuyi kirungha uzuka zomo atikadhe kadugan, muzu iminzya wana magu ayarhon pidong ipiribu aubgaku. ⁹ Napiyi yarkhonni uba iwani idamagubu, 'do piyallo kazomi kamu,' na ugbor napidama riti akuzomi kucin. ¹⁰ Unna ayazhanbu akutanga, pika zomo akazomi kacin magu unna piyi yarkanbu iwani, idamagubu,'piyu unang kobtona pidama zuga kicibru kaya zomzyi nayi autebur umi. ¹¹ Piyi zobkon nici niyi, adama toddoyi, piyi toddong, rici niyi, adama zabkhoyi na adama na disha.'' ¹² Yesu magu kayello iyarkhanyi, ''nna pidama yarkya pidong kari kama ninaru na kutanga, pizu yesahd ajami amu, akwanai, na kenne nayeni ma ana yeshabu wana magu aguddunbu. ¹³ Unna pidama yasha kutanga piyasha aya caza, na aya kpew na nagundari, na adumu, ¹⁴ Pidama zuga Albarka na magu yeni azani ujina uma bagturgabu. adama dobu kadamana katuk kama coko maya matini.'' ¹⁵ ''Pidong unyh wayangha amazomzi autebur umi na Yesu nayima potya ukusumumi, ''iguyani Alibarka awani kapiyi damare maninaru akigomo kikashiri!'' ¹⁶ Yesu imaguyi pidong uyar ima chamsana rizagahg ni gbaki ayasha ayar agbaki. ¹⁷ Nakapa kakutanga kum kamawana, ima kunu pidere uyi ikabari ayana ayesha yani ''wanin amaru chansana.' ¹⁸ ''Na duk uyani ama cighama dukshi udalili. piyi zoni imagu, nzamanan kakab, muwani agu unkayita kani, in gisabu ciddaini.' ¹⁹ ''Pidong imagu, 'Nzamanan inaga uupari kishi, unmanani maka makini .Ngisabu, ciddami ni.' ²⁰ Pidon uyar unnayi igu, unisan irungha, unda mazugam mawana.' ²¹ Napidere umi-magudduzu picu ugira uyi ukusun'u picu ugirumi ima shinsa, agu pidere uyi jara nawow azoboro tijina kibiga na mabotoro, mabotoro akayendezhe ayaman kozho, na aya kpew, na adumu, na nagundari.' ²² Pidere umi, ''picu ugira, ukusu napiku aden amari katege kadoto yim.' ²³ ''Piyu ugira imagu, pidere jara, zoboro mabotoro na kijina kyi ubiga, adaza kumina kuya shillaci Yeni rinya, abaramagu akurgani ugira unag. ²⁴ Amagu nbashini unesha adama zugani marenghe kutanga kumi.''' ²⁵ Amayini, Aya shillaci arama konusura asujara nayi, ima tuburga aguyeni agu. ²⁶ ''Piyi dama wana umi mazagabayi picu napina, piyeni uyi,na akobini arumi na ayeni, i nanivataru niyima, idama wanayi Almajiri anag ba. ²⁷ Duk piyi izani ugiciye unag azoboromi, idama wanayi Almajiri nina. ²⁸ Wan unyho uyin i chamsana masuga kidengha na idamazomoyi abaza yi ukusuna idama cighami, ba idhe makobo man-madama duruyi utumumi? ²⁹ Muzuwana magu na igingan na tari nakusuga, maza duru, ayalla asugazya acigha kumere kuyi, ³⁰ Ana kumagu, piyan'u ichigi kusuga maza iyamadaru, ³¹ Ba-piyan ugomo, idama kana rigoma kapi manzu ugomo umi na idama zomoyi akacinyi adene kumina magu majarumai idubu pituru madama suskanha maduru na majarumai idubu pituru iba?unna idama deneyi keneba, ³² kazono kuri ima dangan, ikunu pikun ika ripshi ukusu damayendhe usalama. ³³ Kenne, ''ba-pidog unyho uyin ibiskanyi umalaka uyi, idama wana Almajiri anag ³⁴ Riwana akusu dugan, unna ni naguruzan, na iyan nadama napsanini? ³⁵ Nizanini u anfani amayinzi niwani kutho magu aniki, piyi kuto kuma poti ipotha.