¹ Akapakam adhog ayar ama barayi Ugaliliawa anna Bilatus ima rinikya manyho na uhadayuyeni. ² Yesu ima guddu agu, ''iminzha ayangha uga ugaliliawa apiri kudezhe ku galilawa ibangmi, nayeni amashezhe kidere? ³ Nbasheni azan kene, inna itubini, idama kyizhi ni yeni. ⁴ Adamagu yar pituru ama nazhibaman nayi usiluwam anna hasumiya amajigi uzoci ayeni a wungza yeni, iminzha magu yeni piri kudezhe kuwayi Urushalima ibangmi? ⁵ Nbashini azan kene. piyi gabi masere abere Ashiri adama kizyi naduguyeni.'' ⁶ Yesu ima dene musali, pidon uyar ima bira kushereh unyho ngarkar inabiyi ima gbene nonha kacikam maza zuga. ⁷ Piyami magu piyi dukarayi ngarkarn, ''yita, kiwa kitar na wanzan asu gbene nono nakusheren, nzugimi. A gok kuni. inna nadama jikya kuni me kuama kugusa katege uwamma?' ⁸ ''pidukaran ugrkar ima guddu adu, ''pira kuni kapami undama undisha kuni kushege adene adene kuni kuto. ⁹ Ba kudama dene nonoh aniwa nimaguru, inna kudenikuni nono agogho kuni!''' ¹⁰ Kadhong katuk na Yesu imasu basha almajerai anmi masabar unyho kudagha. ¹¹ Pidon uyini akatikam idhe kuwa kiyi pituru ama nazhiba adhe kasugu kau ruhu uchaza ima kumburga mazana suskana mayazhonho. ¹² Yesu ima yitayi mazana suskana mayazhonho. ima yarkyayi agu piyini, ''agarganahbau akigbana kinkini.'' ¹³ Ima terkya kachara kayi anici niyi, akatikam ima coko ayazanha acigya madukshi Kashiri kicubru. ¹⁴ Piya cibru ukudhagha kum gargazya katuk kasabar. piya cibrumi iguddu agu ayashillaci, atuk akutashi ayi utuma, wanin agarganzyaniazu wanin anmi masabar.'' ¹⁵ Ubangiji uma guddu agu, pu piyu kuchok i magu yin naduk bapiyi na bini kizyanku ko pinaga aka shishin akado yani manimashir anmi masabar? ¹⁶ Magu pijinni ugira uibrahim, unna shitan ima shishi kiwaa pituru ama nazhiba,magu adama binzyaniyi anmi masabar?'' ¹⁸ Yesu imaguyeni, ''unni nadama kupkya kigomo kya shiri na yami nadama duntana kini? ¹⁹ Kinkiyi ne pishinsin pimastad, unna pidong izan aro unyho ulambuyi unu kumza awana kaci kagbaki, nanin nana dene kiwa kigbaki a pagamumazomzimi.'' ²⁰ Imapaguyi, ''Nayannan dama dunturya kigomo kya shiri? ²¹ Kiyina Yishi na pidon uyini izan ritirih unyho ungobo ma Alkama maduntarin matar magu ini bugani ini.'' ²² Yesu ima ziyarci, ubiga na mado man-mayi aujina uma kana Urushalima agu bashayeni. ²³ Pidon imaguyi, ''Ubangiji, ayella dama zuga magaska ayi nacun? iguyeni agu, ²⁴ ''Denin kumina arinya a karon kapaktan uma guni agu ayar agbaki ada gbene maringyi, adama zugani marigyi. ²⁵ Unna piyugira iman coko agussa karon, idama yazhonho uya asu gbakrha karon asu kuma agu, Ubangiji, Ubangiji, jikidimi kirinya .' idama guddu aguyani mi unyomini yin iciri ikiyo.' ²⁶ ''Yani ada managu kire au shezhe kazonokamu, pima bashidi atijina tiwur.' ²⁷ ''Ima guddu yeni agu, 'unbashini, unyon katini iciri, cokinnimi umi, naduguyin agu tuma ukucok!' ²⁸ Idama shibana na makaza mabang akapa kanna iyitan Ibrahim, na Isaac, Yakubu, na annabawa a kigomo kiya shiri, yin anikyini uya. ²⁹ Yani adama wana aciri ugabas na uyamma, ukudu, na aurewa, adama re autebur umaninaru akigomo kya ya shiri. ³⁰ Yogotin mummu, ayacini adama wana kazono, ayakazono aguru kacini.'' ³¹ Akatikam, adhog Afarisawa amawana aguyi, ''cokobum unnaka Hiridus imani mawunabu'' ³² Yesu imagu, worinni akabara. kudillali kumi magu, yita ,unciddan ayajas, asu garganzya ukyaru na ukpye, katuk kami tarnaundama duru utumunag. ³³ Kenne muwani, muwani magu undama kanami na ujarunag ukyaru, na ukpye, na katuk kari mudugan muni magu awun anmabi adangan Urushalima. ³⁴ Urushlima, Urushalima ayawanza a anabawa, yana ruza ayellana kuniyeni uyeni. muwani kiwar na mnamani makonosha aya niguma kenna kukuru kuna konosha nononakuni unyho abif akuni kenna amananikini. ³⁵ Yita, ajikan ugira umumi, unbashini idama yitinimi maka kana katuk kanna idamagu, Albarka muwana kapiyi dama wana ani zagini Ubangiji.''