¹ Na Yesu i ma barya makusu mamma, azamkpa ayizyi ayi uzu agu, "picu, kapa ka dagi; daukaka kono kamu, domin kono ka daukaka bu, ² kenna pidugi kani u iko na duk ka yashillaci, ka duk nuvataru ni zamadara na duk ayar na pi dugi kani. ³ A nin niyi nivataru ni zamadara: Wato yeni a yogoti bu, Kashiri kadha ka ribin, nayi kuma piyar na pi yenden, Yesu almasihu. ⁴ Ndaukakan bu auya, nduri utumun na pi dugi mi agu inden. ⁵ Mina, a picu, daukaka mi tare na pu audakaka unna inde tare na pu tun kafin anapsa uya. ⁶ Nbaran nizagi nimu ka yar anna pi dugi mi unyong uya. Yeni ayi amu, pi dugi mi yeni, yeni kuwa amenten abere amu. ⁷ Mina kuwa yeni ayo duk uteu ukusu na pi dugi mi uni uciri upu, ⁸ don kuwa aberen na pi baran mi. Nbaran yeni, yeni a sheri, yeni ayo kuwa ribin inciri upu, kuma yeni adumun apu pi koni mi. ⁹ Inyisha yeni kagisa. Azan sabona uya na inyisha kagisa ba, amma sabona ayami na pi dugimi gama yeni ayi amu. ¹⁰ Gama duk ukusu unang uyi umumi, umu kuwa a unang mi, a kuma daukakan mi unyong uyeni. ¹¹ Nzami unyong uya kuma, amma ayangha ayi unyong uya, mi kuwa indama wana upu. Ya picu izayi ibang, napsa yeni unyong nizagi nimu na pi dugi mi don yeni awan adha, kenna kiyi kidha. ¹² Akapa na mmayi na yeni imma napsa yeni unyong nizagi nimu na pi dugi mi. Nma mente yeni, kuma ko piyar udha unyong uyeni iwuriyi, sai dai kono ka managaza kami, domin unassi ukur. ¹³ Amma mina indama wana upu, inbasha makusu mamma tin ayi auya, domin kasugu kanang ka bok kawan kakuri anasugu na yeni. ¹⁴ Ndugi yeni abere amu, kuma uya umani uni uyeni domin yeni azani ayar uya mi, kena migi nzami uya mi. ¹⁵ Azan magu ingisa domin pizi yeni daga ku mungu kunku. ¹⁶ Yeni azani uyami, kenna migi inzami uyami. ¹⁷ Dete yeni domin nici nimu unyong nibin, abere amu a nibin. ¹⁸ Kenna pi kunimi unyong uya, aikene kuma na in kuni unyong uya. ¹⁹ Indeten nici ninang upu sabona yeni, domin yeni ma anaci ayeni a dete yeni upu unyong nibin. ²⁰ Inyisha kagisa ba domin ayangha uta yeni ba, amma har na ayami adama dumya na mi anabere ayeni. ²¹ Domin yeni awan adha na duk uyeni, kenna pigi, ya picu, piyi unyong unang, migi kuma inyi unyong umu. Ingisa yeni ma awan unyong uwur, domin uya udumi agu pi kuni mi. ²² Migi unyong uyeni, pigi kuma unyong unang. ²³ Domin yeni adoh unyong mawana adha, domin uya u yogoti agu pigi pi kuni mi, kuma pi mani yeni kenna pi manim. ²⁴ Ya picu, in mani ayanna pi dugi mi yeni ma azomo na mi akati na inyi, domin yeni a ita udaukaka unna pi denimi. Domin pi manim tun adoto ma napsa uya. ²⁵ Ya picu ide adalci, uya kam, uyauni pi, amma migi nyobu; kuma ayangha ayo agu a pigi pi kuni mi. ²⁶ Nbaran yeni nizagi nimu, indama gurmi a barya nini domin mani manna pi denim mawan unyong uyeni, migi kuma unzomo unyong uyeni.