¹ "In baranni kene domin kada i ciri. Yeni adama ciddi ni a majami'u. ² Amma kapa ka damawana kanna idan na pidon iwuni ni, idama degu autuma u Kashiri na iyisha. ⁴ In baranni makusu mamma dmin inna kapa na mudama wana kene ka wani, yi mingya agu in baranni. In baranmi ni makusu mamma tun kazono, domin inyi na yin. ⁵ Mina kuwa indama woromi ka piyar ikuni mi, duk na kene unyong uyin, ba pidong i ribimi, 'pi kana inki yo?'. ⁶ Abara na inbaranni makusu mamma, nasugu na wantanni. ⁷ Amma imbashini ribin, mu dama pirini inna nworimi. Sabona nworimi mi, piyar uma nusu kasugu idama wani uyin, inna nworimi, indama kunu yi uyin. ⁸ Inna kuwa itumi, piyar uma nusu kasugu idama cokona uya ai ibang na manang madugan na kuma u hukunci. ⁹ Gami na ibang, sabona yeni a dumun ani na mi. ¹⁰ Gami manang madugan, sabona indama kana ka picu, kuma idama sake ayitini mi. ¹¹ Gami na uhukumci kuma sabona a cesken pigomo uya ungwu u hunkumci. ¹² "Akwai makusa magbaki na indama barini, amma idama iyini mayogotya mina. ¹³ Sabona kene kapa na uruhu unibin utumi uni udama mukyani unyong ribin, domin uni udama berbene uni anici ni uni sai dai naduk ukusun na uni upoton, uni na uni udama barya, uni udama baryai ni makusu mamma dama wana. ¹⁴ Uni udama daukakami, domin uni udama zya makusu manang a barini. ¹⁵ Duk ukusu na picu ide, a unang. Don kene na inku idama zya makusu manang a baryai ni. ¹⁶ Aka kapa kacun, idama gurmi ayitini mi, aka pa kacun kuma, idama yitami." ¹⁷ Adong almajirai ayi agu ana ci ayeni, "iyan inyi na yi bashi di, 'aka dong kapa kacun idama itini mi, akapa kacun kuma idama yitami?' Na kuma 'indama woromi ka picu?'" ¹⁸ Sabona kene yeni agu, "iyan inyi nayi kuma, 'akapa kacun?' Kiyo idi ukusu na yi kuma." ¹⁹ Yesu kuwa ima yita yeni amani maribi yi, igu yeni agu, "Wato iribshi aci ayin ukusu na inyimi aunufi agu, "Bayan kapa kacun idama yitinmi, baya, kapa kacun kuma idama yitami'? ²⁰ Ribin, ribin na inbashini, idama shiba na igum, amma uya udama potya rizhagha, idama kura na nasugu na wamti, amma nasugu na yin na wamti na dama wana nasugu na bok. Piyini ina potya kuko akapa na idama waba kono. ²¹ Amma na mawaba ma kono kami, ina gurmi amingyayi kukom, domin iyi a rizhagha ni ma waba piyar auya. ²² To mina dai nasugu nayin na wamti, amma indama gurmi ayitini, kuma ba pidong ungwu idama suskanya magazyini rizhagha ninni. ²³ A katuk kami, idama ribinimi kadangma. Ribin, ribin, na inbashini, ko iyan na igisan picu unyong rizagi ninang idama doini uni. ²⁴ Har ukyaru igisani kadangma unyong nizagi ninang. Gishin, idama shere, domin rizhagha niyin niwana ni kuri. ²⁵ In baranni makusu mamma unyong ukari wa bere. Amma kapa kadama wana kanna indama gurmi a barini kadangma unyong ukari abere, au maimako kene indama barini koiyan au sarari gami na picu. ²⁶ A katuk kami, idama gisa unyong nizagi ninan kuma inkunimi agu indama yisha kagisa ka picu a madadi mayini. ²⁷ Domin picu anici niyi imani ni, domin imanim, a kuma dumya agu in ciri ka picu. ²⁸ Inciri awor ka picu, kuma a rinya uya. Har ukaru kuma indama jikya uya mi a gurum ka picu." ²⁹ Almajirai ayi agu, "ita ashi mina na pi berbene na kam, a zan unyong abere aka nisa! ³⁰ Ami na ki yogoton agu piyo ko iyan, ba sai pidon i ribbu ba. Aikene na ki dumun agu pi ciri awor Kashiri." ³¹ Yesu i shere yeni agu, "Ashe, mina i dumun ni? ³² Ita, kapa kadama tumu, i, kapa kami ka dagi na adama tirkni, kowan i guriyi ugira uyi, kuma i biskyami utami. Duk na kene kuwa azan mi utami nyi, domin picu unang iyi na mi. ³³ Nbaranni kene domin unyong unang na izugi u salama. Auya isheshen kidere, amma karfafin, nrini uya."