¹ Kafin ubuki u idin keterewa, akapa na Yesu ima yo kapa ka dagi na idama coko awor auyangu makana picu tunna ima mari mamani aya ayi angha yi uya ima mani yeni har har aka mangarin. ² Iblis ima maru dene akasugu ka Yahuza Iskariyoti kono ka Saminu, aguyi zyizyi Yesui. ³ Ima yo agu picu yi dugi ko iyan aicara iyi, kuma ima tumi awor akari ka maninaru, ⁴ a bini makusu manipum niyi, azya u tawul agusa nipum niyi mi. ⁵ Adene manimashir a ubangiji, a puru maguzu mi bina a almajirai ayi, asu sogoto yeni au tawul unna i gusan nipum ni yimi. ⁶ Amma tumu u Bitrus Saminu, Bitrus igu yi agu, "Kashiri, pidama guzum ibina?" ⁷ Yesu i shere agu, "Ukusu na inyisha pidama yogotya bu uni mina, amma kacini pidama yogotya." ⁸ Bitrus igu yi agu, "pi dama taba bu maguzu ibina inang." Yesu i shere agu, "Ukusu na inyisha pidama yogotya bu uni mina, amma kacini pidama yogotya." Bitrus igu yi agu, "pidama taba bu maguzu ibina inan." Yesu ishere yi agu, "Inna in guzyimi pi, pizabu urabo na mi." ⁹ Bitrus igu yi agu, "Kashiri, azan ibina urenkene na pidama guzu amma duk na ichara na nici ninang." ¹⁰ Yesu igu yi agu, "Duk piyar i zuran imani yi, saidai agus yi ibina, amma iyi ku tsarkake mi naduk, yin iyi matsarkakaku mi, amma azan yin na duk." ¹¹ (Don Yesu iyo piyar ungwu idama zyizyi yi, ukusu udeni igu, "azan yin na duk ide u tsarki.") ¹² U bayun na Yesu ima duru maguzu yeni agu, "iyo ukusu na idenini?" ¹³ Yi yasami agu 'malam, na Kashiri, i baran nateng, don kene na inyi. ¹⁴ Nna migi Kashiri na malam, in guzini ibina, muduguran magu yinma i gus ujuni unin ibina. ¹⁵ Gama indugini misali, sabona yi yishi kenna idenini. ¹⁶ Ribin, ribin na inbashi ni, pidere ipiriyi piyiu gira uyi augbaku; Kono ku kun ka piri kani piyar ikuni kani au gbaku. ¹⁷ Nna iyo makusu mamma, yin iyi ayar ade nobarka nna iyisha mani. ¹⁸ In yishami abere uyin na duk; nyo ayami na inzaban. Amma domin u nassi ukur: piyan gwu irini uburodi unang i cokon mayisha na mi. ¹⁹ In bashini kene mina kafin ukusu umi uwan kene domin akapa na ukusumi u dama wana kene i dumya amigi. ²⁰ Ribin, ribin na in bashini, piyar isheri piyar na nkoni ami na isheri, piyar kuma isheri mi isheri piyar i konimi. ²¹ U baya na Yesu ima gu kene, ima potya i urentu auruhu uyi, idene u shaida agu, "lalle ribin, na inbashini agu pidong unyong uyin idama zyizyi mi." ²² Almajirai ayi ayita aci ayeni, asu mingzya ba wan na i sheri mi. ²³ Piyar udeh unyong almajirai ayi, unna Yesu ima iyi utebur, a tengen akasugu ka Yesu. ²⁴ Siman Bitrus igu almajirai ami agu, "barya ayar ba uwan na i berbenem." ²⁵ Igurmi a tengura a kasugu ka Yesu, agu yi agu, "Kashiri, awan o?" Yesu ishere, "ayi na ndama togo kudeze ku burodi adoyi." ²⁶ Sai na ima togo kudeze ku burodi ado yahuza kono ka Siman Iskariyoti. ²⁷ Ama duru uburodi, shaitan i rinya yi, Yesu igu yi agu, "ukusu na pi yisha, dene uni na wor." ²⁸ Ba pidong autebur ima yo u dalilingwu madene yi gu yi kene. ²⁹ Adong ama degu tunna Yahuza ima de kupokuri kui korgo, Yesu ima guyi agu, "zamana makusu na kimani don u idi," Ko kuma i dakani kadangma sabona ayar aza gassa. ³⁰ U bayan na Yahuza ima shere uburodi, ima cira awori nawou. Ama yi katuk mi kuwa. ³¹ A ubayan na Yahuza ima wori, Yesu igu, "mina a daukakan kono ka piyar, kuma a daukakan Kashiri unyong u kani. ³² Kashiri kadama daukaka kani unyong ukani, kuma kadama daukaka kani mina mina. ³³ Nono nacun, inyi nayin akadong kapa kacun. Idama gbenemi, kuma kenna nbaran a Yahudawa, 'kati na indama kana idama iyanni makana.' Mina kuma nbashini kene. ³⁴ In dugini u doka upas, manin aci-ayin, kamar kenna in mani ni, aikene na idama mani aci-ayin. ³⁵ Sabong kene kowan idama yogotya agu iyi almajirai anang, inna imani aci-ayi. ³⁶ Siman Bitrus igu yi agu, "Kashiri, pina kana inkiyo?" Yesu ishere agu, "Kati na indama kana, pidama suskanyabu mazoboro mi mina, amma pi dama zoboromi kacini." ³⁷ Bitrus igu yi agu, "Kashiri, don iyan na indama suskanyami mazoborobu mina? Indama dakanya nivataru ninang sabona pu." ³⁸ Yesu ishere agi, "Pi dama dakanya nivataru nimu sabona mi? Lalle ribin na inbasha bu, kafin kugono ku gokori pi dama gu piyompi sau kitar."