¹ Mma naka, amadara makiwa pituru akanas, mma gurmi urushalima kiyi na Barnabas imma zyi di na Titus. ² Mma gurmi kashiri kama saganyami mma cidda yeni ubishara pinna iriyisha unyong aluma apituga mma berya kaya yi magbaku. Ndeni kene ma tinkatya yeni na maguragu azan usum uwam nang yimi. ³ Titus uminakiyi, baheline, ba pidong ideniyi ko igollon yi agi yishi macezye migam. ⁴ Abere ami ama coko kakwani akabere, ami ama tumu unyong uwur akanisa, yeni ayita u'yanci uwur unyong u Yesu Almasihu Yeni ama mani maguragu aguddu idi aderemi kene na manang mayeni mayi. ⁵ Kizandi aci awur adoyeni konana kapa kadha, nibin na bere ashiri adama sakurgani abara yin. ⁶ Yami na amen agu ayar amatini bakadamana na yeni amukan mini. ko yeni ayi amani mi ba mani manang na yeni. ⁷ kashiri kana shere kani piyami na ayashillaci amani. Amummu yani ama yita a domi utuma uma bashi ma abare akashiri kayalla aza cezyi igam, kamar kenne amado Bitrus mabashi ma'abere akashiri ka yella na acezhi ani yeni igam. ⁸ Kashiri kayisha utuma unyong kasugu ka Bitrus makana kaya yo kashiri, kene naka tumzana uyi makana kaya yo kashiri. ⁹ Yakubu, Kefas a Yahaya, yeni na amen adama duga ikilisiya, yeni ama yogota alheri ami na achigimi, yeni ama doidi kacara reh ku zumunci wur na Barnabas, yeni adeni kene abara magu kiworidi kaya yo kashiri yeni aworoni kayami na'adisan yeni mavurga. ¹⁰ Yeni amani maguragu ki minzi na aya caza, minde kumina ku dene kene. ¹¹ Kefas ima katumu antakiya, kima kagara nayi abarai ibang ayi kazono kayi. ¹² Kefas imma su re maninaru na ayaza zobo kashiri asu suksa adong ayashillaci aciri uyakubu. ayashillaci amatumu, ibiskya azya niciniyi mi kaya za zob kashiri. Apok usahd wa yashillaci ami amani macezye migam. ¹³ Kindezye ku yahudawa ami amayi nayi ama zoboro manang mayi makari. ¹⁴ Mma yita yeni azob manang mani mazamani unyong bishara, mma barya Kefas kazono kayeni na duk nyeni, "pizi apiyu yahudawa piyisha kazan na'ayella ayo ani kashiri kazon na a yahudawa nni na pidama dene aya za zob kashiri yeni ayisha ka yahudawa. ¹⁵ Wur kiyi a yahudawa auwab, azan "aya za zop kashiri adi ibang". ¹⁶ Yokatin, ba oidong na ndama baratar nayi aujinu matya. kate kumuni adama baratar nayeni au bangaskiya unyong u ayesu almasihu ki wari unyong almasihu Yesu amagu kizuk ubaratarwa ubangaskiya unyong u Almasihu azan a kumina kumtya, mba ilama tya, bapiyi dama zuga baratarwa. ¹⁷ Nnakigbeni kashiri kanapshi unyong u almasihu, kizugi aciwur unyong ibang kenang? Almasihu awani pidere ibang kenang? ko nacun!. ¹⁸ Nna Ngurimi asuga kumin kunang a nyazhanha a matya, mami namma tubarya mani kacini insaganan nici ninang agu ndumunmu na abere ama tya kenang. ¹⁹ Ko matya nkini kamatya, adomi madishi kazom ku rayuwa idugu rayuwa upiyi zob kashiri. ²⁰ Ama bankarya mi wumna Yesu azan miyi nyisha urayuwa, ba'a Yesu iyisha urayuwa unyong nipum ninang inyisha kani a bangaskiya ukono kakashiri, kami kamanimi ado nici nikani abara mi. ²¹ Insotonon mi alheri ashiri inna mudugan ba madishi mu kusu dugan ugbakanan, abara na bere a matya, mu wani maguragu Almasihu ikini au wam.