1
Sawul ima rekazono na bere achaza ama dushi ushak, har na amaunza alamajiran ubangiji, iwari ka piyi ibgaki upirist.
2
Inyi magisa uwasiku makana ga madhazha momyi aka yu ujina ungu, ayarumi na yini, i yende yain ushalima ashishi yeni.
3
Monna ima su jara, muma wana kapa kami ni ma potora udimasku, madbok matus ma wur uga shiri manrha ma balla yi ungho.
4
Yi ijigi kajas abata nidho nimi nishi kumi agu, shawulu, shawulu iyan ideni pimpi yisami akidere?
5
Yawul isere agu mon iyi pugu, ubangiji?" Ubangiji ugu, mi unyi Yesu napi yishami akidere.
6
Pibbi cokon, ariyha ungho kudho, angya dama paradu ukusu na pideni.
7
Ayer ami ajara ayina shaul yani ayhazahna akizani natik abizapidak.
8
Shawul icoko doga kajas, abgana ayishi aiyi, bamo yita kadammha, yeni apuru i cara yini a yini yi kazono ayeddi uyho ubiga udimasku.
9
A tuk atar ana meni katege, ana su reyi ansu shezhi.
10
Adhe pidong almajiri admashku ide nizogi agu Haraniya, na kashiri kama bere yi unyho uwahay, agu Hananiya; "i magu, yita, mayi mumma mu ubangiji".
11
Ubangiji ugi agu, "coko awarabu akuturabi kun ayasha agu mikakke, a karari kapidong na ayashi agu yahuza aribi pidak na unagi agu shawulu, umi igisa kashiri.
12
Ima yita unyho uwahayi piyer ide nizagi Hananiya isu rinzha ama shishiyi kacara, ama gu ayizi aiyi abgata.
13
Amhananiya ima shere, "ubangiji unpoton kutepu kayer abgaki ka piyer un'u na ukusumi umakari ni yisan ayer amu avussa ami ayi ushalima.
14
Adugi izini iwor ka piyi ibgaki kupirist, ipur piyer umi iyasha ani zagi niyi;
15
Ubangiji ugi agu, "worobu, ayi na usamgan piyu utuma unak. Umi dama basha nizagi ninak kaya ayani kashiri, na gomo na nono na isaraila.
16
Magu indama barayi imis ukedere kin nina she-she abara anizagi ninak.
17
Hananiya wori, ariya ugirumi atarkya yi icara anici, agu, kwoni shawulu, ubangiji yesu, umi kiddan nici niyi upu aujina akapa kami na pida mawana, ikunumi agu pisere mayi makatege, akura na uruhu uvur.
18
Akarikam kadanmana kayi na kubgakshi ijigi ana yizi ashawulu, izaga ma yita katege, icoko ayisha yi ubaptisma.
19
Imare manunaru ashiranayi izoma na almajirai u dimasku ana tuk abgaki.
20
Akapa kami ipuru mayishi abere ashiri kayasillaci unyho uhaikali, asu kuma azu ayi iyi kono kashiri.
21
Ayami ama pota kenna ikuma apota umamaki agu"azan piyami iwunza aya sillaci u shalima ayasha uzo ni zagi nini? itumi na agu shi-shizi aya bgakazi u piristoci.
22
Ama shawulu igugi uiko ubgaki, kuma idassha muza dugan na masu doza kacaci na yahudawa ami azomgi udimashku ama gu muyi kene agu yesu iyi almashihu.
23
Ana tuk a cini abgaki, ayahudawa ashiri abere awunayi .
24
Ama macamsona mayoni ama wana ma maya ushawulu, asu nari kaya amente karak kubiga katu nan mi magu awunyi.
25
Ama yi kacaci katuk almajirai aiyi azha yi a kabende, asurkaniyi akuguba.
26
Kapa kami nima katumu ushalima, shawulu idene kazugu kabgakyo nici no almajirai, naduk nayi agu yima iwani almajiri.
27
Barnabas ima zha yi ajayi niyi kuzamanzoni abere kanna shawulu imani na ubangiji aujina, kashiri ka bere nayi. Shawulu ima yisha abere ungho nizagi ni ubangiji Yesu.
28
Ima mana na yeni akapa kami ama suninzha asu cizza ushalima. iyish abere shiri maza ushad unyho nizagi ni ubangiji yesu.
29
Kuma isu nibana Yahudawa aki Helinci, ama yani asure kagono ko mawuniyi.
30
Akapini ama yakaro kene azha yi ayende ukaisariya, anuri yi majaga utarisus.
31
Kapa kami eklisiya naduk imayizi mu yahuda, Galili na usamariya ama zuga manoki mamzugu na shiru; are kagono na ujaru ungho ushad ubangiji na mazugani manazugu nu ruhu uvur, ekilsiya ipirgura na ubgaku uya sillaci.
32
Har mu katumu, kenne Bitrus ima manra mayizi matikam naduk, aguri yi ka yu bi ami azamzi akude ku lidda.
33
Akuri ni ima yita pidong uyer ide nizagi ini yesu, ikiti usuku ukacara kadha imashi ade kiwo manaziba ayi uzo kakami.
34
Bitrus igi agu "iniyasu; yesu almashihu igarganan bu caka upirkya kumashi kumu, "akapa isade acoko.
35
Yani ata zomo amayizi mu idda na mu saran yeni piyami, a tuburga yeni kubangiji.
36
Mina kuma uyafa ade almajira, na ana yisha agu Tabita, agu magura gu "dokas" piyini ungu ikuri na ukusu mudugan na kumina kukidere ni yisa ga aya mani,
37
mu wana aguragu ana tuk ari a wori ima ganomo ake ma, ama guzu kuyaza kum azha atarkya uzo ubene.
38
Tunna ulidda upati ayafa, almajirai apotha agu Bitrus iyi kuri, yani akunu aya ba uyi. Yani agishi, "wana uwur azu isa yazhane udong katage.
39
Bitrus i coko awani na yani nama katimu ma yeni, ajagiyi au bere umi, zai agugami naduk uyeni ayazanzhana apati yi asu shibana, yani azha mariga na usutura Dikos ima tusza akapa kami nima yi uyeni.
40
Bitrus ima cidda yani naduk ungho kidoghakim, akagyano, agisa kashiri, a kubbuarga akuyaza kum.
41
Agu, Tabitha coko, ibgana uyizi, ayi, ima iyita Bitrus zi igomo, Bitrus i daska kacara kayi acokona yi, akapa kami iyarkya aya azab kashiri na agugami ami, adakana yani igara.
42
Ama ma yokotayi naduk uyafa, aya sillaci agbaki ama shere kashiri ubangiji.
43
Ima zomo, agu, Bitrus izomo ana tuk abyaki uyafa yenna pidok uyer na ana yesha agu sainu; pisunkum.