¹ Kupiris kubyaki kugu, "mummu na yini augaskiya. ² Istafanus isere agu, "yin akwani nacu, rakurinmi. Kashiri piyu cinbru kacandurgan ga picuwur ibrahim tun yi kuri amayizi mesofotamiyo, katin izomo amyinzi mu haran. ³ Igu yi agu, jikya mayinzi mamumi nu donzimu, aworobu amayizi man na damabarabu. ⁴ Ibrahim ijika mayizi mu kaldiyawa ama zomo uharan, mi kuri, kaacini kamake ma piwahan uyi; kashiri ka yarkya yi makona amoyizi mami na yeni ayini uyho. ⁵ Ama kashiri kama dokani yi mayinzi mugoado, ka nacun na kuraka kwapina kayi, ama ima dene nikawau-ka na magu itado maaba, kenna ada madi mayinzi mugado yeni na uzuriya uyi, na wocini. ⁶ Kashiri kama bere uyi agu uzuriya uyi udama dene nibarka amadong mayinzi. Ayer amayizi mami adama ita yini anyizi asen yani adama wana ader akuna adarinas. ⁷ Kuma undoma hukumta ayasillaci ami adeni angha hautar na yani, kashiri ka kugu, yani adama ciranimi amayinzi mami, ayisa kashiri ubauta. ⁸ Kashiri kadugu Ibrahim nikawali nimaceske pigam. Ibrahim ita waba Ishaku ya yisini pigam anmi mu manziba Ishaku iwaba Yakubu, Yakubu i waba accu isaraila yani pituru ana yaba. ⁹ Yangha anikobina niyani apuktunu kapini Yusufu azizi akidere umasar ama kashi kayi nayi. ¹⁰ Kashiri ka ciddi yi uyho wayi ipuktunu ayi wato akobini; kashiri kuwa kadi mudugan na kumina kagono kafira'auna, pigomo umasr. Fira'auna iguddu yi piyu utuma ukigomo umasar na ukusumi nide aduk. ¹¹ Ibgom ima zuga mayinzi ma masar na mukanana, acu yani asheshe kidere amazamamaninaru. ¹² Kapa kami na Yakubu ima pota agu maninaru mayi umasa ikunu acu awur akadhar kazina. ¹³ Ama kana akadhar kiba, Yusufu icidda nici niyini ka kabini, akapa kami na Firaauna ima akabini i Yusufu. ¹⁴ Yusufu ikunu ababini yani ayande picu Yakubu aduk unkusu munade, kobini ajaga umasar, naduk uyeni aya sillaci aya ituru kushere a kisi. ¹⁵ Yakubu iworo yi aka zamo umasar yi na yayi har make mayi. ¹⁶ Azha yani ajaga ushekem anissaha yani akushek kunna Ibrahim ima Jahmana ai korgoya aurfa ai cara inono na Hamor ushekem. ¹⁷ Kapa kami nalikawali nikashi nima patona nin na kashiri kama bara Ibrahim, aya sillaci ama pirgura nuwab uyho masar. ¹⁸ Ama zuga pigomo masar umi iyoyi Yusufu. ¹⁹ Pigomu'u ima cibanza apugana awur ayisa yani muza dugan nakham, muka tuma amagura gu ama jissha isen mi uyho mucaza amagu yeni agaski avatacu ayani. ²⁰ Akapa kami na ama waba musi ivura anini uyho ugira ipi tar ayi aima ipucu awuki. ²¹ Kapa kan na ama royi, pijinni Fa'auna izhayi anina yi kaman na uwaban uyi. ²² Ama basha musi mayakar na makaronta mu uri umasar, i wono piyu ubgaki, uma poti nayi na unkusu munni isha. ²³ Ama kapa kami nimatumu kiwa iturunas adene kazugu ka kasumagha akobini, isaila. ²⁴ Ima yita asu katarya ba israila musa imukya piami na akhatarha a wuna Basamarcumi. ²⁵ Kumina ku Musa akobini adama yisa kumina ku mayokari utaimako ukashiri udam zuga yani ama unu woninu me, ya agha yokaton yani. ²⁶ Ama ca yi nikata isaraila isu citini anikobina niyani, idene kasugu ka gasa ayami, agu yani agu, kumalami, ayin nikobina, iyan ideni inyi citini anikobina uyin? ²⁷ Piyami na akhatarhon pijami ukazami inura musi akepentu, won idugiyi kicibru ba pitazi wapere uyani? ²⁸ Pimoni mawunami, kenna pi mura awuna masamani? ²⁹ Nayi mapoti kene, isumi iyi amayinzi ma midinawa, aka uhazi kusum ujira aka tikami ima waba nonon naba nayumi. ³⁰ Na kiwa ituru nas kima woro, mabaka macidda nici nimani uyi uyho karimi, apati kupono ku sinai, aniren ntira uyho karimi. ³¹ kapa kami na Musa ima yita urawum, umamaki upuri yi ikatta apati magu igurmi, ipota nimi nu, ubangiji nisu kuma agu. ³² Mi uniyi kashiri kacu ayin, Ibrahim na Ishaku, na Yakubu, Musa i gattan ana pa girimi azabka nici ayita ba. ³³ Ubangiji agu, yirga araka amu, katikami na pi yhazimi akati kavur. ³⁴ Ba ushakka un yitan kidere kinna aya sillaci ashezya masar. ³⁵ Piyan'u fa amusum ni igabini yi asu kuma agu, won idugi yi kigomo ka kuni akayazi na kuma piyu umagaska, kashiri ka kuni yi aicara imalaika agu iyita karmi. ³⁶ Aybaya walamu ualajibai ubaktazi a masar na ubarhamiya, Musa icidda yeni umasar na kuma uyho karimi, akapa kami na yani ama zha ujaru kiwa ituru inas. ³⁷ Piyamuru yi iyi musasu mi imagu isailaw, Ubangiji udama cokona pidong annabi uyho wakwanai. ³⁸ Piyau'u ayi piyer um iyi na aya sillaci akarimi, aukarkashir ujia goranci umalaika man mama bere uyi akupena kusinai, api yan'u ima yi na acuacu, awur, piyani u yi ima didi abere ashiri ani fataru. ³⁹ Piyan'u ayi acu awur amagabani ma uhaghazani, aciddi yime uyho uyeni, azah maguragu yeni adama gurani u masa. ⁴⁰ a akapa kami na amagu haruna, ana yisi mupyar mum mu da ma yira yeni kazono makana umasar. Agu abere amusa a acidda yani amasar, yeni ayoni ukusu uzuguyi. ⁴¹ Sai yeni apyore kono kapinaga a yadde ugumki uhaduya mi ama yisa na zugu nabok akusu nicara iyeni ipymaren. ⁴² Kashiri ka jaga yeni akidere agu yeni ayisi untatum mazu utuma kidere, kaman kenna ayakaran anavaya manipri ima dushami ihadayu nicezi inibiga niktimi akiwa ituru inas yin ayi israila? ⁴³ Iduma na kushak, ku malek, na untatum muka shiri ka rafen na kusu murnni piyamre amagu iyisi muni usujada, tunna muyi kene undama jigini akidere kazana na ubabila. ⁴⁴ Abugana wur ade kati ka ma yisi usujadam ushaida uyho karimi, kenna kashiri kama gu akapa kanna kama bere umusa, agua iyisi a salan na ubaranyi. ⁴⁵ Aifaiwa anami na abugana awur ama tumu ade, akapa, kajashwa, ukusun'u uma uma cigya manna amade mayingi mayasillaci azu yho kashiri, kashiri kama zobro yeni kazono kabugana awur. kenna ukususmi uyi a kadauda. ⁴⁶ Umi ni zugi udugan ukashiri, amagu isuk kati nidama isha kashiri na Yakubu usuhada mi. ⁴⁷ Ama Sulemanu ima suga karavi kashiri. ⁴⁸ Piyu ugbaki ina zomi akarari kanna asugi aicara, kenna annabi a ku; ⁴⁹ Uzo aukursiyi uyi, udiniya akati kuma aya manipri ami ama ganza biya wa adalci matumu, kuma ima wana aya amylmi na ya amadoyi awuna. ⁵⁰ Bazan icara inag isan unkusu mummu naduk ba. ⁵¹ Yin ayar idashe aci abgakazi, aya adeshe nazugu naza vussa, nato aza bhoso, ka kashe katuk ina purtunu uruhu uvur; asu yisa ukusu umi na apugara ayin a masu yisa. ⁵² Ashe aya manipri na apugana ayin ama dusha yani ani kidere? Awunza ami ashiri, adene igum, akuma fusasa ato ayani, naduk ayeni ajiga uyi. ⁵³ Yin iyi aya sillaci nisheri matha unna mataikuma dugi ima kiyayi ni. ⁵⁴ Kapa kami na ya makara ama pota mummu nasugu nayeni na nazuzura, har yeni akaza abak ayani agu iputunu na istafanus. ⁵⁵ Ini ukuri na uruhu uvur ini izabga ayizi ayini uzasiri, a ita ubgaku uashiri, akuma yita yesu iyazi a kacara kare ka shiri. Aya kukara azabho tazza ibinani yi, kashe karari nina zuga mi? magu muubangiji, banki ba dama vanzana? ⁵⁶ Istifanus igu Yita nzhinzhini uzo ugbantan kono kapiyer ka ngyezhi allacara kare ka kashiri. ⁵⁷ Aya matya azabho ami ashiri, adene igum, akuma gusasa ata ayani, naduk uyeni ajigi uyi. ⁵⁸ Aciddi yi ujuma ukado, aruzi aanatari, sabo nushaida yani ayira mariga mayani mabgakazi kagono ko kasambi ba aba gu kani agu shawulu. ⁵⁹ Kapa kami na amayi amaruza ma istafanus, isu yhosha ana gu, ya ubangiji sere uruhu unagi" akaghanha azabho nimi nakam, agu "ya ubangiji zu dete ibana niyi iyi anici ayeni," ⁶⁰ kapa kami na iku mummu, ata pur ummura.