¹ Ba nyigh mu fentikus muma tumu, naduk uyeni ayi ati kadha. ² Nawo'u sai ga marata ma wur uzo shiri masuno uvunu ugbaki uma toro akuru ugirumi na yani azamzim. ³ Saiga adongami asuma ura aciri uyeni atusa yani, azamzana apatazi nikabina. ⁴ Naduk uyeni ama kura na uruhu uvur yeni acigha abere nadog ami, kenna uruhu uma doyeni uiko wobere. ⁵ Akapa kami ayahudawa ami ama zomzi ushalima, ayer ashiri, awarso ko mashe mayinzi mukarkashi ngo shiri. ⁶ Ama potya mabhoto arimyigh konusura a kaci kade ba mamina. saba na kowan imasu berbene arimgigh niyi nibakti. ⁷ Yeni a yisha umatuka umamaki agu,"ayangha azan aya ciri usuku galili"? ⁸ Kipok yani naduk asu berbene a rimyigh nimi na a wabanzan dimi? ⁹ Fisiyawa na mediyawa na Elimawa, na uyahudawa na kafadokiya ungong Fontus na Asiya. ¹⁰ Unyong usahd Bamfiliya, uyho masar na mayinzhi madamade libiya usuku sur, na ajan awor urom. ¹¹ Ayahudawa na ya asheri kashiri uyho wayahudawa ukiretawa na larabawa, duk ki poton yani bgaki mu bere ashiri". ¹² Naduk uyeni aisa umamaki a rinikura, agu aci ayeni agu, iyan iyi ma'ana mukusunwu. ¹³ Adong ama yisha kibata ana gu, "yeni asheshen mani mapas ma innabi". ¹⁴ Amma Bitrus icoko aparkura na ya pituru akada kam, azapko rimyigh agu ayer uyahuda naduk uyin izomzhi urshalima, yokotin mummu arakurga abere anag. ¹⁵ Kaduniya kadara masheshe nakam kenni iman, domin mina akapa ka kutoringkani katokan urenkene. ¹⁶ Amma ukusungwu awun na abaran a kano ka annabi yowel. ¹⁷ kishiri kakugu, kenna mudamawana myigh mumadara,un dama dene uruhu unak kayer naduk, nono nayin na umi na yani na dama nimri, kuma nasambi na yin madama ita uwahayi kuma au ayin adama isasha amura. ¹⁸ Kene kuma adua ayarumi na yini, anatuk an ungho dama dene uruhu unag ayini kuma ajagra. ¹⁹ Un dama sagana alajibai anag uzo shiri yanna alamu uzo uya mayho na ura na wuriru. ²⁰ Myigh mu dama guru majinmi, upi nguru mayhonu, kafin myigh mubgaki mukashiri mutum. ²¹ Mu dama wana duk piyi yarkhan ani zagi unubangiji adama gaskiya. ²² Yin ayer isaraka, dukanin ato ana lerenmi, Yesu Banazare piyami na kashiri kadugini akasugu ankusu mayuka nmamaki na madokanzi ma shiri na kadeni nyi akacaci kayin koman kenni iyho kamar kenne ana ci ayin iyho. ²³ Soba na utabbotacce ushiri na mayho makoshi, na nma doyi, yin kuma, aicara yer aya macokonzhi nasugu sagarayi a wuniyi. ²⁴ Kashiri kacokonoyi kacini kama ciddayi makaza mamake mi, sabo na mudamawana munimi make mami ma datey. ²⁵ Na muyi nayi, umen ubangiji kazono kanag ke kashe kapa, dami iyi ako peshe pituga picara karag kare magu ungu gattha. ²⁶ Tunna muyi kene kazugu kanag ka bok napuk, nirem ninag niyi anizagha. Nipum ninag ni dama gomo natek. ²⁷ Gama dama saskeni nipum ninag ati kanagashi ba kuma adama jikeni nipum ni piyar ifur ni bazo ba. ²⁸ Mingana me ujina uni vataru, ayan mumu hida, ma kurgammi nanizagba. ²⁹ Akwan, undama bere ba usak na picu uwur Dauda ima ke a nissha yi, kuma kushek kuyi ku yimi na wur har ukyaru. ³⁰ Tunna yi iyi piyu umajara ayo kashiri na ideni kani nikawali na mashiri agu uyho uzuriya uyeni adama ciddapidog akursiya uyi. ³¹ I mayita namuri akuma dera a macoko ma'almashihu, ama wurunani nayi oulahira nipum niyi nima bazanini. ³² Yesu ngu kashiri ka cokononyi, awur naduk uwur kiyi ishaida yi. ³³ Tunna muyi kene na ama cokonayi makana usuku ukacara kare kashiri kuma ishere nikowali niruhu ufur uwor kapicu, yi ma denidi ukusun un'u na kimen asu potanzha. ³⁴ Dauda ma tugiyi makana uzo shiri ba, ima gu "ubangiji uku ubangiji uyi" zomo a kacara kanag kare. ³⁵ Undama guddu aya caza amu ukusu nma tussanami albirimu. ³⁶ Tunna muyi keene, jikyami karari kisaraila yani ayita nipin ni yesu umi na giciye, kashiri komo gudduyi unbangiji na kuma almashihu. ³⁷ Na yani ama poto kene nasugu na yini na wamta, yani agu Bitrus na kudege kumonzani, akwani ki deni? ³⁸ Bitrus igu yoni agu, shirin ugaskan ayisa kowani upabtisma, unyho nizagi ni yesu almashihu,magu ugafara ibag iyin, idama shere ibaiwa uruhu udugan. ³⁹ Domin alikawali mi uyin na nono nayin naduk na yami adenganzan, duk iyaka wa yer ami na ubangiji almashihu iyarkhon. ⁴⁰ Na bere agbaki nakam ima doh ushaida ukarfafa yani agu yani agaska niyeni daga unogayi ukusana". ⁴¹ Yeni asere abere yi ayisha yani npobtisma, anmi mumi, kuma aguga mapiri mayer idubu itar. ⁴² Yeni are kagono amabashi mumanzanina uzumunta, unyho ukusu ude matini ugurasa na magisa kashiri. ⁴³ Usak utare ko nwon ide nivataru, kuma aisha unkusu mude umamaki na alomu abgaki unyho umangani. ⁴⁴ Duk ya ama shere kashiri akumkan ka iyan iyini ni ikumkan yani. ⁴⁵ Yani kuma azigagah unkusu muyeni na ko iyon na piyami de atusa kawani, uzah ama iya ma kowan. ⁴⁶ Ko unshe unmi yani are kozono kubkan aci na kumina kumatini, usu tusuru ugurasa anarari, asutusa maninaru annci yeni unyho na zugu napuk nu tamaliu unazugu. ⁴⁷ Asu yisa uyobo ukashiri, na ukusu udugan azono kayer naduk, ubangiji isu piszah yaren ami na shashe kashiri.