¹ Akapa kanna Bulus na Barnabas ama riyha ikaniya arigya kudapha kwa Yahudawa ayisha abere ashiri, kenna ya sillaci abyaki daga unyho uyahudawa ama dha nipin. ² Ayahudawa ami ama yisha ni ubiyayya ba ama pepe aya za yho kashiri yinashinsa nakopini. ³ Ama zomzono akati kam adene kador kaco, asu berbene ba ushad na uiko ubangiji asu basha ukun wa riheri akani. ima yisha mummu ana lamu na al'ajibai aicara Bulus na Barnabas. ⁴ Mu ma wana kene aya kudo awarkurga kibi, adog axobo urayi uhudawa, adog azoboro umanzani. ⁵ Aya sillaci akudo na yahudawa abgena kenna ana daska matini maya cibru akudo agu aderenji Bulus na Barnabas, aruza yeni. ⁶ Ama yokota kene asumana makan amado mu ikoniya, listira na darbe na mado man ma magrha yani. ⁷ Akuri mana yisha abere ashiri a bishara. ⁸ Au listira akwai pidog izoni i cihoto ma iya macoko aibiniyi amagu ayi kagundari iwardha amawaba mayi. ⁹ Ni dog uyer ipota Bulus isu berbene. Bulus ikabya yi ayizi ayho katba yi ayokata agu piyer umi ide nipin na dama gaski iguyi agu anim nishiri,coko ayazone aibinimu." ¹⁰ Piya itubta acigha ujaru aibini yi, apuru maningrana. ¹¹ Aya kudho kum ayita ukusu na Bulus ideni. Yani acokana ami ayani asu kuma agu na likoriyanci," ai nashi na wani uyeni na war nade ukamani wayer. ¹² Asu yasho Barnabas ani zagi "Zafsa" Bulus kuma asu yeshi agu "hamisa," amagu ayi ima piri anabere. ¹³ Sai piris umi yi zafsa unna kidnagha kima yishi yi usujada kiyi akarag kubiga. Ima yende ijimi yiba. Na i paska na ama nuga na nikar, yina yasillaci ayi ami agu ayisha yi uhadaya. ¹⁴ Umanyani umi, agu ayasillaci. ¹⁵ Ayi ama kuma agu, "potin! ayasillaci iyan ideni isha ukusun u'? Wur fa ayasillaci na yin, ki yendenni kutepu kurentu. Na magu, jikin unkusu mum mu zamuni kadommanami. A gu guru kashiri kade nirataru; kanka napsa kajas nuzo na uteku na kusu mum muyi me. ¹⁶ Kazomo ama jikanmi ayer ayishi ukusu na kidama iya mayishi. ¹⁷ Mu yi kene. Ijikan yi nici yi na ushaida ba sabo ni idusha unkusu mudugan, idushi ni mani muzo. Na napa nade nibarka. Ikurganan ni na maninaru na nizhagha. ¹⁸ Duk ni kalmomi inyi dakyar. Bulus na Barnabas dakyar na ama yazakya yani ama yisha yani uhadaya. ¹⁹ Aman adog yahudawa awor antakiya na amangu ayer awur ikoniya amarinjayi makossura maya sillaci. Ama ruya Bulus yi adaski majaga akati kakudho, iyita adeguba imaru ke. Du kene ²⁰ na almajirai ama maraya yi ayazazi. icoko aguri yi unyho kudho. Awori udarba ayi na Barnabas. ²¹ Kacini kami na yani ama isha abere ashiri akudho kum azuga almajirai abgaki agurani u'listira na ikayi na antokiya. ²² Asu shiranzha nasugu na almajirai yani atere nipin, ari kazono na nini, asu kuma yani agu inna yani ajimren nakam adama marantu mashiri tunna mu wani kene yani adama she-she kidere. ²³ Ama sambga yani ayacibru ako kushe kudhagha, apuru maka gisa kashiri na mayisya nan kene. Ado yani kashiri ayami adugi nipin ukani. ²⁴ Akapa kami azboro u'bisidiya aka tumu u' Bamfiliya. ²⁵ Ama yisha abere ayoni u'Biriya," aworo asadi u'italiya. ²⁶ Aku jirgi ku mani makana u'antakiya akari kam na ama dokana yani ana alheri ashiri amagu utuma umi na yoni aduri mina-mina. ²⁷ Na maka tumu mayani u'antakiya akonasha aya kudhagha ati kadha, adho kutepu ku ukusu na kashiri ka deni uyani, na kenna ka bganan yani karog ka alumai ka nipin. ²⁸ Ama zomzono ayi na almajirai akapa kaco.