¹ Unyho iklisiya imi yi antakiya, ni de annabawa na mamalanmai Barnabas, saminu, (umi na yashi agu ushiru) na lukiya Bakurame na manayin umi na ama ninayi na pigomo Hiridu piyu mulki) na shawulu. ² Kapa kami na yeni ama su yisa kashiri kidere, na mayiznon kene, uruhu uvur azu, jikinmi Barnabas na shawulu, amu gu utuma umi nan unyho kan yanim. ³ Kacini kamakanusura yani agisa kashiri na mayizanon kene, yani adene kacora mi, agu aworani. ⁴ A shawulu na Barnabas ado kashiri; ubgaku na ruhu uvur aworani zulukiya, akati kama yini a rabkya makana akabyatu ku kuburus. ⁵ Kapa kam na amayi u'salami, abasha abere ashiri amadnagha ma yahudawa, yani ayi na yahaya, markus pimukan uyani. ⁶ Kacini kama maryi kubgatu nadug na Bafusa, aka tikam yani azuga pidog Bayahudi ide nizigi ag bara yeshua puyu tsafi kuma annabi akabere. ⁷ Piyi usafin nayi na makaddas, yi sarju, Bulus apiyer wa bere ashiri piyami ima yakya shawulu na Barnaba agu imani ma pota abere ashiri. ⁸ Elimas piyu "tsafi" agu kenna nizagi nin niyi) iyisha muza dugan nayoni, amani mazu iyishi makaddas akidere ama gu nipin. ⁹ Shawulu unna ana guyi agu bulus ikuri na u'ruhu uvur igingha yi auiyi. ¹⁰ Agu puyi kona kibilis; pikuri na naiyan imari panyi na magunta. Pu piyi pijami ukusu udugan, pi dama jikyabu makarta kijina kirki yazhazi ba? Ki ubangiji. ¹¹ Mina ga kacara ku ubangiji, pi dama wanna pidumi mi. Pi dama yita bu unmi minna na kadog kapa. "Katikam sai ga kubumi na majin icigya ujaru nakabgen ka ya sillaci agu adeni kuja gara. ¹² Kacini kami na makaddashi mama yita ukusu cinzanan mado nipin magu ma poton umamaki uma bashi ma ubangiji. ¹³ Bulus najami acamsana a rabkya akujirgikumani mashir awor bafusa makana firilya, a bamfiliya. Yahaya ima jikya yni mi aguru yi ushalima. ¹⁴ Bulus na ajami aworani u'firjiya makana antakiya ma-yinji u'Bisidiya. Akati kam nayani a mariya kudagha kwushiri azomzono katuk kasabar. ¹⁵ Kacini yani akaranta idokoki na annabawa, mashugabani ma kudagha kwashiri manura ukun agu, "akwani, unna ide udog ukun utcitari na yasillaci ibara." ¹⁶ Bulus ima coko adena alama akacara agu. Ayasillaci u'saraila yin nayami aduksha kashiri ubgaku potin. ¹⁷ Kashiri ki isaraila ka samgan abugana wur apiszya yani akapa kanna amayi amayinzi ma'masar kenna ubgaku u'iko uma cidda yani unyho umani. ¹⁸ Ima dene uhakuri na yeni unyho karimi kakiwa ituru inas. ¹⁹ Kacini ka mawunza mayinzi kushere unyho u'kanawa, ada abugana mayinzi mani ugado. ²⁰ Nnkusu mummu muma ciyha kiwa madari manas ai'turu kishi 450 imi iwori, kacini kanka, kashiri kado yini aya matha. Har katukan na annabi samaila ima tumu. ²¹ Aya sillaci agisa aduk pigomo. Kashiri kadho yini Saul kono ka kish. Piyar iciri aima Binyamin iwana pigono har ucogo ukiwa ituru inas. ²² Kashiri kama cidda yimi ako zoni kaki gomo. Ajabkya Daudi iwana pigomo yeni au'u Dauda na kashirimagu, un zugi Dauda kono ka yessa, piyar unna kazugu kanak kamani idoma yishi ukusu na kasugu kamani kani. ²³ Unyho uzuriya upi yan'u na pigaskan idama ciri, Yesu kenna ama kawarta mu wan kene. ²⁴ Mummu muma awanimi kamin matumu ma Yesu. Yahaya ima basha ubaptisma uma tuba maya sillaci Isaraila. ²⁵ Kapa kami na yahaya ima duru utuma uyi, imagu awan iyi migi akumina kuyin? Ayami unyi yi. Agu rakurgin, pidog ido wana kacini kanak umi nan dama iyami mabii maballi maraka ayi . ²⁶ Akwani awur unyho uzuriya Ibrahim, na yami ayisa kashiri kidere unyho uyin mazu wuri mana dupyana ukun uma gaskidi. ²⁷ Na yami agomji ushalima na ya kigomo kiyeni ayokoton ani yi, akiri mabashi ma annabawa anna akaranta ko ushe unmi masabar ama wana mayi. ²⁸ Mmagu yini azugi ani udalili umake uyi ba, agsa Bilatus agu iwun yi. ²⁹ Ama duru ukusum na aykaran ayi, adoddo yi kajes kama dankari yi adeni yi unyho kushek. ³⁰ Kashiri kama cokanayi unyho makitaru. ³¹ Aya sillaci ama wana nayi awor ugalili na ushalima ama dukara yi ana tuk abgaki ayar angha ayi ishaidu iyi har amina. ³² Ki yaddeni kuteku kurentu kuni kawali nim na amdene apugana. ³³ Ubangiji ayirkandi alkawali. Mumu yikene icikona Yesu unyho mayaza kenna muyi anitafi ni zabura u'iba. Pu piyi kono kanak ukyaru na wani picumu.' ³⁴ Ukusu unna dene acokana yi unyho mayaza muni magu nipum niyi ni za bozo ibere masuna undama dine albarkun Dauda ni vur niza dara. ³⁵ Mummu miyi kene ni ima bere adog u'zabura, idama jikini puyu uyi ivur iiyita mabozo ba. ³⁶ Kacini kan na Dauda ima isha kashiri kidere unyho kasugu kayi na munna koshi kamani, ikini anisha yi. ³⁷ Piyi mi na kashiri ka cokonan iyirani mabozo. ³⁸ Akwani, yokotin agu aka piyar unu na ama zuga ayishi abere ashiri aciddi nimou aibag. ³⁹ Auyi na piyer idugi nibin acidden yimi magu ikuburan akusum na daka umusa ya yantar na yin ba. ⁴⁰ Tun muyi kene matini na ukusu na annabawa abare unuzu cigha uyin. ⁴¹ Yi iyi aya azhabha aci, idama yude sabo nu'umamaki, idama dara sabo na un yisha utuma anatuk ayin, utumumi ni dama dumini ko nana bidog ibarani. ⁴² Ana Bulus na Barnaba amasu cisza kenan, aya sillaci a gisa yeni, apa gurmi ayisha abere ami katuk ka sabaci ama tumi. ⁴³ Kacini kam namagisa mashiri madara, ayahudawa abgaki na kuma aya righan addi u'yahudawa azoboro Bulus na Barnaba. Yani ashirana yeni agu ari kozono na utuma shiri wa alheri. ⁴⁴ Ana asabaciana manrya, aya kudho kusan na duk akossura magu yani apoti abere ubangiji. ⁴⁵ Kapa kami na yahudawa ama yi makau usura ma ya sillaci yani akura nipuktuni asu cipanza akusum na Bulus ibasha yeni ana dama ni nayi. ⁴⁶ Ama Bulus na Barnaba ya abere ba ushad agu, audole acig abara yeni abere ashiri. Aman tun muyi kene ni iduya nan uni ibaran agu iduganmi masere nifataru naza dara tunna muyi kene kida matubbura ka ya aza yho kashiri . ⁴⁷ Mu yi kene Ubangiji idugidi umurni agu, undugini matus ga aya ayhoni kashiri magu iyenden masere mashiri au'ya.''' ⁴⁸ Na aya az yho kashiri ama pota kene yani ayisha nizagha asu bgakan-zha ukauna ubangiji, aya na kashiri ka maru tara ado nipin, azuga avataru azha dara. ⁴⁹ Ukalma washiri urigya ka kashe karege kamayinzi mam. ⁵⁰ Ama ayahudawa apepe adog ayini ayisha usujada, aya na apok uyani na ya abgakazi ayarumi akudho kum, mummu muma cokona ukusu uza dugan u'Bulus na Barnaba, ama cidda yani anyho uteu uma yinzi mami. ⁵¹ A Bulus zi na Barnabas yani aveske ipini yony, aworani akudho koniya. ⁵² Aman almajirai ami ama kura na nizagha na ruhu.