1
Pol, eia la tahalo la igolula te Isus Kraist, la Uru tola eia guvi mae la Aposel la uru hilovi polo eia tela merera te Deo.
2
Ale eia vei sele tia gatou mamugati tela vipoupou, egite propet veipalea oio tela merera te la tahalo uru ale maroka,
3
Via e latula ge la hili le Davit ale loio tela vovo.
4
Loio moli tela kalulu maroka eia veipalea vikapopo me la vagarila veia eia ge e latu le Deo loio tela hiliti rivula tetala loio te la pileho,e Isus Kraist la Uru te gato.
5
Loio moli tetala etato tahokati la gilogo tela Aposel oilo tela iroromuli la ale oilo tela tautaulailo kabili tegite la mautula magasa, lavuhula tela isala moli.
6
Kabili tela mautula, la uru tola ti eme via eme ge te Isus Kraist.
7
La merera ale goio tamutou tomi ale oilo e Rom ale e Deo masaga amuto me eia tola amuto via amuto ge la valua tetala ale maroka sele: la gilogo ge tamuto mela tia madila ale loio te Deo tama gatou me la uru gatou e Isus Kraist.
8
La mulugala, eau vei taho la uru taku te Isus Kraist me amuto tomoli, la vuhula la tautaulailo tamutou vei pala tia sogala tela mautula magasa.
9
E Deo eia la tahalo la veiselela, eia moli eau igolu lotalo tetala oilo tela kalulu oilo tela merera te latula, mae ale la imala tomi eau vevei amuto.
10
La imala tomi eau tahi oilo tela kilaka taku mae oilo tela papaga tomi age sibitala taho oilo tela masagale Deo ale loio le ge gomai tamutou.
11
Eau masaga sele ge hilo emei, la vuhula eia ge abiamu la vabila tela kalulu maroka, ila age abiamu la vagarigarila.
12
Age maele, eau masaga sele ge vitame tabara tomi le emei ge igo vagarigari emei, soio la tautaulailo tegite ale isahari, taume me taku tai.
13
Ala eau kama masaga amuto ge pou mae la pauala, tabarabara gu, tagara usu eau tovolaia viage gomai tamutou ( alamoli eau visikala selea kara igoe), oilo vola la ilukuluku ge guvi kabili tamutou. maemoli ale eau lolo tia kabili tegiteu tomi e Gentael.
14
Eau tahoka la makodo oio tegite Greek me oio tegite ale lobali, me oio tegite ale mari me egite ale paua,
15
Mae, omai sele taku, eau valolo ti la merera te uru soio tamuto ale oilo e Rom.
16
Ala eau kama koramuli ge mahela la valolo la merera la selela, la vuhula eia la vagari le Deo ale ge vimahuli egite tomi ale ge tautaulailo, egite Juda ge la mulugala goio egiteu e Greek,
17
Me oilo vola la marokala te Deo ge sibitala oilo tela tautaulailo goio la tautaulailo lou, mae moli la merera kekesi tia," egiteu ale magiri matata ge mahuli molila la tautaulailo."
18
La hatemasila te Deo ge guvi palala loata la ilolalage tavu egiteu ale kama rovi e Deo me la vulovulo gite la valua ale kama maroka la vulovulo gite alele igoa egite sautola rivu la merera la selela.
19
Ale la vuhula la rova etato rovi tia oilo te Deo a tabuli matagaga tomiti soio tegiteu. lavula e Deo tau matagaga tia soio tegiteu.
20
La vulovulo le Deo ale tartigi usu tabuli kovu, isa la isala la vagarigarila ale la tapasila ouka mela la vulovulo le Deo, etato hilo matagaga selea, eia araura ti tela imala eia vipou la mautula. oilo tela papaga ale eia vipou tia, ala egite la igo pahila ge ouka.
21
Ale la vuhula, egite tai rovi sele e Deo, alamoli egite kama visale eia mae eia e Deo, akama maele, egite mae ale paua lou oilo tela gabutala giteu, mela hate gite ale kama rovirovi a maligoma.
22
Egite via egite mari, alamoli egite guvi lou mae ale paua.
23
Egite vabi baolila la taro le Deo ale la kaluvula ge ouka mela taro la tahalo ale ge kovu bulahu moli, mela malumalu, la kalia ale vaha gite iva, me egite la papaga ale galala otalo la magasa.
24
Oilo vola e Deo sugutaro egite soio tela masagala tela hate gite ale kama maroka, mela tilogo kabili tela vovo giteu ge ouka.
25
Me egite moli male vabi baolila la merera la selela te Deo mela vasigologolola. me egite lotu tavu egite la vipoupou me Deo sele ouka, ale ge visalea mela tapasila ge ouka. Amen.
26
Ale la vuhula mae, e Deo sugutaro egite soio tela gilabulabu ale la tilogo ouka, me egite hatavile tegite vabibaolila la vulovulo la vibole mulila tela paga ale kama tela vovo.
27
A mae moli tai egite la valua egite piligi taro la vulovulo gite ale vikapopo tomi la tavile mela masagala vovo kabili tegite isasa. Ale egite la valua ale sugutaro egite soio la vulovulo ale egite igoa soio tegite la valua mela mahela gite ouka me egite abiti la mapa la vulovulo gite ale kama kora egite igoa.
28
La vuhula egite kama igo vagari selea via egite tahoka e Deo oilo tela irovi tegiteu, eia sugutaro egite soio tela gabutala la marapala, ale via egite ge igo la papaga ale kama koramuli.
29
Egite volu mela vulovulo tomi ale kama matata, la vulovulo ale kama kora, la masagala ale kama kora, la gabutala la ilabi la paga tela tahalo polo. egite volu mela hatekala, la vulovulo la bilili, la visuku tavula, la gabutala ale kama tartigi. Egite la valua la veimulila,
30
la vasigologolola, kama masaga e Deo, la igo marapala, la kalisaela, la vei tahola, visibitala la gauru ale kama tartigi, egite kama lolo e tama me tila giteu,
31
Egite kama gabutala mulmuli la papaga, la tautaulailo ouka, la hate gite kama oio tela valalua, me la gilogo ouka.
32
Egite rovi la viturila te Deo, via mae egite ale tovolalai la papaga aleie egite ge abi la mapala la pileho. Alamoli kama egite moli igigo la papaga aleie, egite rovi matagaga selea via egite isahari male igigo la vulovulo alele