1
Goio eau hilo isapolo la maki oio la ilolalage egite angelo ivitu sautola ivitu la paga ale kama kora, ale lapaga ale kama korassele e Deo ge vikaluvu la tia masila tetala.
2
Me eau hilo la paga guvi mae la mago, eia mae la glas vulo vikapopo la havi . La valua ale pepe la vikuela vikapopo la taua me la puhi golo le deo ale kasele. Me egite ale pepe la vikuela vikapopo la valua me hatavile ale tahoka la isa la taua. La valua me hatavile ale magiri olau la mago ababi la gata te Deo.
3
Egite babau la bilau te Moses, la tahalo la iggolula te Deo, me la bilau te latu la sipsip. La bilau tali mae, ''La igolu taume eia uru me eia tartigi sesele, Deo eme taoka la vagarila me la vulovulomu matata me asesele. Eme King tela valua me hatavile la magasa.
4
Uru, lavalua me hatavile ge tagame, me egite ge bole vauru la isamu. La vula eme holi sesele,ala la valua me hatavilege gomai lotu tavume, la vula eme guvi matagaga la iggolu taume tartigi.''
5
Mulimuli la valua me hatavile bau kaluvu, eau hilo la luma la lotu oio la ilo lalage kope me la kapi utu ale holi oilo vola.
6
Egite angelo ivitu sautola ivitu la paga ale kama kora gali loio la kilapi holi ale te Deo. Egite kai la kairobo ale kakea ahalaba, me egite taurobo la magoro gite la kairobo ale meme.
7
Isa tegite la vipou ale mahulihuli iva abiale angelo ivitu la dis la tiamasila te Deo, ale mahululi la kaluvula ouka.
8
La luma te Deo volu la sobbu mela glori te Deo ataoka la vagarila. Isasa kakoramuli ge tiroro soilo karamae e Deo vikalvu ivitu la hate massila te tala soio tela valua me hatavile.