1
Eiau igoe lalogo ilua mamuga la Pasova mela Festivel tela ist kama oio la bret. La mulugaluga tegite patere la walua la vimari egite vikara muli e Isus egite ge bilia mave.
2
Egite veimulia, "Kama tela logo ale ururu tela lotu, igotigi egite la walua me hatavivile ge hiloa egite ge korosi egite ge soko la vikuela."
3
Laimala e Isus oilo e Betani oilo laluma te Simion eia tahoka lailea e leora, eia popou oata la poro la ilali, la tavile gomai tetala ababi la botoli la veli ale malivili sesele la mapala oata sesele, la tavile voropola la botoli eia abiri la gama le Isus.
4
Alamoli la walua isahari korosi. Egite vikara kabili tegite lou maie,
"Lavhula ilava eia tigitaro la weli?
5
La weli aleie koramuli etato ge abi la wati la salatu itolu (300) la wati la silva, ge abiagite ale kama tahoka la vuliti. " Egite korosi la tavile.
6
Alamoli e Isus, "Amuto lolo la tavile ale. Ilava eme abiala la tikumula?
7
eia igotigi la vulovulo ale taritigi somai taku. Eme laimala tomi tahoka la tahalo kama tahoka la golugolu vikapopo eme,larova eme tahoka
8
Larova la tavile koramuli ge igoa. La tavile raragi la vovogu tela ulaila.
9
Laselela eiau weiamu, la babatomi la merera te Deo goiovola tela babatomi la magasa, larova la tavile igoa egite wei taia, egite ge gabutala la tavile. "
10
Mulimuli e Judas Isakriot,isasa tegite
ale savulusa gete lua, tuga soio te la mulugaluga tegite patere eia ge abia soio tegite.
11
La mulugaluga tegite patere loloa maie, egite sagege egite kisi la merera ge abiala la wati. Eia soko la milata tela ba bakisi eia ge abiagite.
12
Lalogo isasa mamuga egite kama tau la ist oio la bret, egite ge bili la sipsip raragi tela Pasova, egite la bilaha weia,"Mave eme masaga amiteu ge raragi,
eme geali lailali la Pasova?"
13
Eia baha ilua la bilaha aveia gite maie ,"Goilo la citi, la tahalo ge tahoka la kabala al lalalu ge pogame. Tilimulia.
14
La ba alele mave eia tiroro soilo la luma, tilimulia soilo weia le tama luma, 'E Katket veimaie, "La rum taku oiove Eiau ge ali la ilali la Pasova vikapopo tomi le gite la bilaha?'"
15
Eia ge wahiloa muto isasa la rum ale raragi. Igogolu raragi tegato oio la ba alele. "
16
Egite la bilaha hiliti tuga soio la citi. Egite poga la pagatoi eia veia soio tegite, egite raragi lailali la Pasova.
17
Tela maulavi, eia gomai vikapopo tomi le gite savulusa gete lua.
18
Egite pou oata la poro la ilali egite alali, E Isus weimaie, "Selelea Eiau veiamu, isasa tamuto ali vikapopo leiau ge tau eiau soio lairuru."
19
Egite tomi gogo seselea ,egite isasa weiala maie, "soge eme wewei Eiau?"
20
E Isus koli rivua gite,"Ale isasa tegite ale savulusa gete lua, tegite isasa tau la beret taua soilo la tia.
21
Sesele e Latu la Tahalo ge goio age beurivu loua mai eialou. Alamoli gogo selea la tahalo alele tau e Latu la Tahalo soio la iruru! Tartigi maie tilala kama ge pigoa ."
22
Egite alali, E Isus abi la bret, toi tigia ,eia putua. Eia abia gite avei maie, "Amuto abia.Ale la wowogu.
23
Eia abi la kap, toi tigia, me eia toitigi egite, egite tomi liu ovola.
24
Eia weiagite maie, "Ale la kasogu ge igo la kisitola, ale la kasosogu pagele loma taku.
25
Laselela Eiau weia mutou, Eiau kama ge liu lou loio la wawu la wain eau kama koramuli ge liu igaga lalogo Eiau ge liu oilo la kingdom te Deo
26
Maie egite bau isasa la bilau, egite tuga sogala soio la Mauten Oliv.
27
E Isus weia gite, "Amuto tomi masaga ge boru sogala, mai eia guviti, 'Eau ge bili la tahalo ale baumuli la sipsip egite ge hele tomi. '
28
Alamoli mulimuli Eiau ge hiliti, Eiau masaga ge goio mamuga taume soio e Galili."
29
E Pita weiala maie, "Maie gite heletaro me, Eau ge uka."
30
E Isus weiala, "Laselela Eiau weiamu, gageie-- sesle, lalogo ale-- mamuga la kukureko tali emei ge veia tagara tolu mai eme kama rovi eiau."
31
Alamoli e Pita weia,"Mai Eiau ge igolawa taume, Eiau kama ge veia ouka oio taume, "Egite tomi kisi la merera isamoli.
32
Egite gomai la mautu e Getsmeni, e Isus weia gite la bilaha tetala, "Pou omaie laimala eiau kakaka. "
33
Eia puli e Pita, e Jems, e Jon vikapopo eia kama maila eia abi la tikumula.
34
Eia veia gite maie, "La sol taku sautolea vagari, mai la imala la pileho. Pou moli omaie emege mama."
35
Agoio bakisi ,e Isus boru sotalo la magasa eia kaka mai la gauru oio la imala ale kama tartigi ge polopepe eia.
36
Eia kaka, "Aba, eme tete, eme koramuli ge igo la papaga tomi. Eiau masaga eme abitaro la kap lomai taku. Alamoli kama la masagala taku , Alamoli emei lou."
37
Eia gomai hilo egite mavuta, eia veia le Pita, " Saimon, eme mavuta? Eme kama kora muli ge mamata oio tela aua isasa?
38
Amuto ge mamata ge kaka igotigi la tilovolovo ge guvi tamuto. La kalulu masaga, alamoli la wowo a bare."
39
E Isus goio eia kaka, eia vei lou la merera eia weweia.
40
Laimala eia beurivua, eia hilo egite mamavuta, mai egite tomi matatutulu.
41
Eia gomai la vaka tolu la eia veia gite maie, "Amuto solo mamavuta amuto maila? Aiati. La imala guviti. Hiloa ! E Latu la Tahalo oioti lalima gite la walua la iruru.
42
Magiri ;etato he toga .Hiloa, la tahalo ale ge tau eiau soio lalima gite la iruru eia omai."
43
Laimala e Isus solo vigagia,e Judas,eia isasa tegite ale savulusa gete lua, aguvi, la walua me hatavivile gomai vikapopo eia egite abi la bainat mela obu,
la mulugaluga tegite patere, la walua la mari tela lo, egite uru la mautu .
44
La tahalo ale ge abi e Isus soio tegite la walua la iruru eia weia gite la mak, veia maie, "Ale mai eiau ge piua male moliele. Ale e Isus moliele pulia soio ."
45
E Judas guvi, Karutumoli eia gomai te Isus vei maie, "Tisa,"Eia piu e Isus.
46
Egite sautola la limala gomai egite sautola eia.
47
Isasa tegite ale magiri hagavi eia lapu la bainat tetala ge kue la tahalo ale igogolu te patere la bainat wali la gavusala.
48
E Isus weia gite, "Amuto sautola la bainat mela obu amuto gomai ge sautola eiau ami amuto ge sautola la tahalo ale vikokue ale pakalikali ia?
49
Laimala tomi eiau pou tomi amuto eiau veimari amuto oio la tempel, amuto kama masaga ge sautola eiau, la merera te Deo ge guvi sesele, "
50
Egite ale vikapopo tomi le Isus egite heletaro.
51
La tahalo isasa mahorelaba, eia tilimuli e Isus somai,kisi la kulikuli ale kakea, tilimuli e Isus. Egite sautola eia
52
eia heletaro la kulikuli ale kakea eia hele kalakalaka.
53
Egite puli e Isus soio te la mulugaluga tegite patere. Egite vikapopo tomi le patere, la uru la mautu, la walua la mari la lo .
54
Igoe e Pita tilimulia soio ala moli eia ba malau bakisi, eia goilo la bigomu luma te mulugaluga tegite patere. Eia pou kabili tegite la walua la mautu, eia pou hagavi la havi eia malulu.
55
Egite la mulugaluga tegite patere vikakpopo tomi le kansol egite tola isahari la valua gomai ge vei larova e Isus igoa egite ge bilia. Alamoli egite kama poga isasa la iruru.
56
Egite ubi leia isahari la merera la vasigolola, la merera tegite kama visauru.
57
La walua isahari magiri vasigolo isahari la merera soio te Isus ; egite wei maie,
58
" Amite loloa eia vei maie, 'Eiau ge lobe la tempel la tahalo wokula lalimala, eiau ge himagiri isasa oilo tela logo itolu kama ge himagiri la lalima."
59
La merera ale egite veia akama visauru.
60
La mulugaluga tegite patere magiri kabili eia tahi e Isus, "Eme kama ge koli isasa la merera yia?"Ale mave egite ubi lemei la merera?"
61
Alamoli e Isus makovu moli kama koli la merera. La mulugaluga tegite patere tahiloua maie, "Emei e Krais, eme Latu le Deo oata sesele?"
62
E Isus weia, "Eiau;
emei ge hilo e Latu la Tahalo eia ge pou oata lalimala e gata tahoka la
wagarila
eia ge gomai tela tuluvu la mori. "
63
La mulugaluga tegite patere sile la kairobo tetala eia vei maie, "Etato solo masaga la waisulila?
64
Amuto lolotia. Amuto masaga etato ge igo larova soio tetala?"Egite veia eia tahoka la iruru eia ge peho.
65
Egite isahari kavurasi volua egite saki lalagula la kulikuli, "Larova ge guvi muli-muli!"Egite la mulugaluga sautola eia egite kuea.
66
E Pita solotalo oilo la bigomu laluma,
la tavile isasa igogolu oio tegite patere eia gomai.
67
La tavile hilo e Pita eia kama momoge e Pita tarikokovu, la tavile gomai hagavi tetala aveia maie, "Eme tamai vikapopo le Isus le Nasaret."
68
Alamoli eia veia ouka, "Eiau kama rovi lava eme veveiale. "Mulimuli eia tuga sogala la mata la luma.
69
Alamoli la tavile hiloa eia weilouala ,"La tahalo aleie eia isasa tegite!"
70
Eia veiloua maie ouka. Mulimuli bakisi egite isahari magiri hagavi tetala veiale Pita, "Asoge emei isasa tegite, lavula eme tau Galili, "
71
Alamoli e Pita vei vagari sesele maie ,"Eiau kama rovi la tahalo amuto veveiagu ovolale. "
72
Karutu moli e kukureko tali la vakaluala. Mulimuli e Pita gabutala la merera te Isus weiala:"Mamuga e kukureko souka ge tali, emei ge veia tagara tolu, "E Pita tali bara sesele.