1
Araura tela silokoloko la merera oio ti. me la merera oio vikapopo me e Deo,la merera le eia tai e Deo.
2
La paga moli ale isasae eia oilo ti tela silokoloko me eia vikapopo le Deo.
3
La papaga tomi eia visibitala egite me egite tomi guvi loio tetala. mae eia ge ouka la paga tai isa ge ouka mae la papaga tomi ale sibitala ti eia vipou egite.
4
Me oilo moli tetala la mahulila oio. me la mahulila eia la matagaga oilo tela tahalo.
5
La matagaga maga oilo tela maligoma, la maligoma kama koramuli ge vagotalo eia a solio pepe.
6
La tahalo isa e Deo baha eia, la isala e Jon.
7
Eia gomai mae la vei selela me eia ge valoka la matagaga le. via egite la valua tomi ge tautaulailo loio tetala.
8
E Jon eia kama la matagaga, Alamoli eia gomai ge vigali la matagaga sogala.
9
La matagaga ale sesele. ale abia la valua tomi la matagaga. me eia ge gomai tela mautu la magasa tomi.
10
Me eia oilo la mautu la magasa tomi, me eia visibitala la mautu la magasa tomi. alamoli la mautu la magasa kama rovi eia,
11
Eia guvi tavu egiteu tetala sele, alamoli egiteu ale tetala sele kama kaka tavu eia.
12
Alamoli egiteu ale usu sele abi eia soilo la mahuli tegiteu. me egite tautaulailo oilo tela isala. Tio eia lou abia giteu la muli ge sibitala mae e latatule Deo.
13
Egiteu ale kama pigo egite loio tela kasoso, ouka loio tela masagala tela vovo, ouka la masagala tela tahalo. ouka aloio te Deo
14
La merera guvi tahalo mou kabili tegatou. Me etatou tomi hilo la matagagala, la matagagala mae sele ale isa moli ale gomai loio tama gatou.
15
E Jon vikara matagaga le eia, me eia tola sogala, mago, " Aleie eia moli male eau vei palaea mago, 'La tahalo ale ge gomai mulmuli taku eia uru loata taku, me eia mamuga mulmuli eau."'
16
Me loio tela viriru la tetala moli etato tomi abi la gilogo la imamala tomi.
17
Tio la viturila egite abia loio te Moses. La gilogo mela merera la selela egite abia loio te Isus Kraist.
18
Isa palati souka koramuli ge hilo lai e Deo, Eia moli ale pouti oio la bali le tama gatou, me eia moli male visibitala e Deo egite rovi eia.
19
Aleie eia la vikara matagaga la te Jon la imala egite Juda baha egiteu e Paraseo me egite Livai soio tetala loio e Jerusalem g tahi eia, " Eme ere sele?"
20
Me eia vei palaea ___ eia kama vei roboa, me eia veipalea" Eau sele kama e Kraist."
21
Egite tahi lou eia," me eme ere loue? Eme e Elaija?" Eia vei mago, " Eau kama eia. " Egite goio vei mago, " ila eme la Propet?" Eia goio kolia gite mago, "ouka."
22
Goio egite veiala mago," Eme ere sele, veia mite ila amite ge abi rivu la kiloli la merera soio tegite ale baha amiteu? Me ila amuto veia oio tamuto lou mave?"
23
Eia goio vei mago, " Eau la golu moli, taitali oilo la ba la kue pa: 'Igo la gauru tela Uru ge matata,' mae moli ale e Propet Aisaia vei tia."
24
Tio egite goio baha isahari loio tegite la Paraseo,
25
Egite goio tahi eia me egite goio veiala, " Ilava eme vuhi egite la valuala Alamoli eme kama e Kraist ouka e Elaija ouka la Propet?"
26
Goio e Jon kolia gite mago," Eau vuhi la lalu. Alamoli kabili tamuto la tahalo isa magiri tamuto kama rovia,
27
Eia moli male ge gomai mulmuli taku, la mota la vapolo tetala eau kama koramuli ge lulu taroa."
28
Egite la papaga aleie a sibitala oilo e Betani loio la gale le Jordan loio, la ba ale e Jon vuvuhi ovola.
29
La logo ale galgeli mae e Jon hilo e Isus loio gomai tetala a goio vei mago, " Hiloa, male la sipsip te Deo ale ge abitaro la iruru tomi tela mautu la magasa!
30
Ale la tahalo ale eau veia muto ovolao,'La tahalo ale ge gomai mulmuli taku eia uru tavua gu, la vuhula eia mamuga taku.'
31
Eau kama rovi eia, Alamoli age maele la vuhula eia ge tau pala eia soio tegite Israel mae eau gomai ge vuhi molila la lalua."
32
E Jon Jon vikara matagaga, eia vei mago,Eau hilo la kalulu maroka sivo loata la ilo lalage mae la malu la kuru, eia goio pou oata te tala.
33
"Eau kama rovi matagaga eia, alamoli la tahalo ale bahataro eau ge vuhi egite la valua me hatavile oilo la lalu veiagu mago,'mae eme ge hilo la kalulu sivo loata tere a pou loata tetala,la tahalo moli alele eia ge vuhi la valua me hatavile oilo tela kalulu maroka.!
34
Eau hiloa me eiau veipalea mae ale Eia e latu le Deo."
35
Goio la logo isa lou polo, laimala ale e Jon magiri vikapopo me mela disaipel tetala ilua,
36
egite hilo e Isus loio tatuga ,me e Jon vei mago, "Mata soio, la Lem te Deo!"
37
Egira disaipel tetala ilua loloa vei maele me egira goio timuli e Isus.
38
Goio e Isus vulo eia goio hilo egira timulia me eia tahi egira mago, "Amula masaga la rova?"Egira koliala mago ,"Tahalo la vimari ","Eme popou oiove?"
39
Eia veia gira mago, "Gomai hiloa. "Goio egira gomai hilo la ba ale e Isus popou ovola ;egira pou tomi le Isus la logo alele, alele tela mata la haro ale savulu sa.
40
Isa tegira ale lolo la merera te Jon me agoio selea tilimuli e Isus e Endru, e tabarabara le Saimon Pita.
41
La muluga la tahalo ale eia pogea e e tabarala e Saimon me eia goio veiala mago, "amite poga ti la mesaia" (ale la masovala mae: e Kraist).
42
Tio eia goio puli eia soio te Isus, goio e Isus matavua me goio veiala mago, Eme e Saimon e latule Jon. Eme ge tola le emei e Kepas" ( ale la masovala mae e Pita).
43
Goio la logo isa lou, la imala e Isus masaga viage goio e Galili, eia goio poga e Pilip me agoio veiala mago," Tilimuli eau. "
44
E Pilip ele eia loio e Betsaida, la City te Andru me Pita.
45
E Pilip poga e Nataniel me eia goio veiala mago, " La tahalo ale e Moses kekesi le eia oilo la viturila, me egiteu la propet, amite poga ti eia: e Isus e latule Josep, eia loio e Naseret."
46
E Nataniel goio veiala, " Akoramuli la paga ale tartigi isa sibitala loio e Naseret? " e Pilip goio veiala mago, Gomai hiloa."
47
E Isus goio hilo e Nataniel loio ge gomai tetala me a goio veiala,"hiloa, la tau Israel ale sesele, oilo tetala la vasigologolola ouka!"
48
E Nataniel goio veiala mago, " Eme rovi eau mave? " Mamuga teale e Pilip ge tola emei, la imala ale eme pou lotalo la miau la obu la Fik, eau hilo pala ti emei."
49
E Nataniel goio koliala mago, "Rabi, eme e latule Deo! eme e suara tegite Israel!"
50
E Isus goio koliala mago, la vuhula eau veiamu mae, ' Eau hilo eme lotalo la obu la Fik,' Eme tautaulailo ti? Eme ge hilo lou isahari la papaga ale ururu loata te aleie."
51
Goio eia vei mago, ale la selela,me a sesele, Eau veiamu, eme ge hilo la ilo lalage ge kope, me egite la Angelo te Deo ge lovo soata la ilo lalage me ge lovo sotalo loata te e latu la tahalo Uru."