¹ I ngane i uka kot ne hurika bakovi ri made pololilo ne Isu Kristo. ² Na arana,a lo na spirit ni mahuri pololilo ne Isu Kristo I rata iau a made malimali na lo na ni mate. ³ Ara maki a lo kimi kara ni rata,a vuhuna ia i uka nitora na kakaina,i rata e Deo.Ia i rudua e tuna bakovi i valai ni bolea kakaina manga teu a bakovi na sin lakea i vaka pesi na ngava e virika sin ne teu na kakaina. ⁴ I rata maea ne virika maki lobo I ngaru a lo,he bele lobo pololilo ne teu,ne teu e huriki kama te murimaia ni ngaru na kakaine teu kunana,pali te murimaia ni ngaru na narona Spirit. ⁵ Erei e huriki ri murimaia ni ngaru na kakaine ria,ri ru a tamudine ria turana ni luhoi ne ria ne virika maki na kakaine ria,pali erei e huriki ri ramaia ni ngaru turana naro na Spirit,ri ru a tamudi turana ni luhoi ne ria na maki na Spirit. ⁶ Ani luhoi ne hurika bakovi na kakaine ria,bari mate,pali ani luhoi ne hurika bakovi ri made na Spirit,ia bari made mahuri turana ni tamudi puruma. ⁷ Ra ni luhoi I tora hateka na kakaine teu,is a pile Deo,na arana,kimi made polotano na lo e Deo pali lakea kimi ge ramaia. ⁸ Erei e huriki ri ramai a ni ngaru turana naro na kakaine tou kama rigi vaka vivi e Deo. ⁹ Lakea,kama moto murimaia ni ngaru turana naro na kakaine matou,moto murimai ani ngaru turana narona Spirit.Lakea ge muholi a Spirit e Deo i made pololilo ne matou.Pali a bakovi o a ngatavine tara ge uka Spirit e Kristo,re huriki ngi kimi ne vona. ¹⁰ Na tahuna e Kristo i made pololilo ne matou,a kakaine mua i mate na narona sin,pali lakea moto made mahuri pololilo na spirit na naro kiripiripi. ¹¹ Lakea a spirit na viri i vaka mahuri e Isu na ni mate i tabuli pololilo ne matou.Ia erei I vaka mahuri e Isu na tanga ni mate,ia biri habia ni mahuri na kakaine mua a ni tora na Spirit vona i made pololilo ne mua. ¹² Hurika turagu,teu te tahoka makoli ni kolina,pali kimi na kakaine teu tege ramaia ni ngaru turana naro na kakaine teu. ¹³ Pali na hini moto ramai a ni ngaru turana naro na kakaine matou,bara moto mate,pali na nitora na spirit moto rabalaki e virika ni ngaru turana narona kakaine matou,bara moto made mahuri ¹⁴ E hurika bakovi a ngatavine ranga ri ru a Spirit e Deo i muga tou,re huriki ngi ri bele manga e tune Deo. ¹⁵ Na arana,kama moto balea spirit ni made manga voravora motogo mangenge tabu.I uka,moto bolea Spirit e Tata lakea I rata matou moto made manga e tuna,lakea bara te galea e Deo maea,"Deo,Tata!" ¹⁶ A Spirit e Deo kunana biri leho turana spirit ne teu,lakea te made manga e tune Deo. ¹⁷ Lakea ge teu a koma,pali teu ranga bara te bole a maki ne Tata,I maea,e virika make Deo nevone teu ranga.E virika make Tata ngi nevone teu turane Kristo,i muholi te kaloho a ni mava turane Kristo,bara te bolea harikianga turana. ¹⁸ Iau a matai maea,e virika ni mava na tahuna mona,kimi ge kara ni turana harikianga ge bele kavakava ne teu murima. ¹⁹ Na arana,e virika maki lobo I rata e Deo ri tahoka ni ngaru dagi turana ni dava ni mataia parava kamumu ge bele ne hurike tune Deo ge bele kavakava. ²⁰ E virika maki lobo I rata e Deo ri made polotano ne virika maki uka kanena.Kama ri bele na ni ngaru ne ria.Uka,e Deo i rata ria rigi mavonga,bara ri dava vona ra parava bari bele ²¹ turane virika maki rata e Deo bara ri pagitala na ni vora na ni mate pali bara ri valai ri made malimali pololilo na harikianga ne hurike tune Deo. ²² Teu te lohoka maea e virika maki lobo i rata e Deo,ri tangi turana ni madihi turana ni leho gao i valai ngane. ²³ Kama maki nga kunana.Uka.Teu ranga te tahoka tabuana tuna maki ni kani na Spirit teu ranga te tangi pololilo na tamudine teu te davea e Deo ge bole mateu manga e tuna turana ra kakaina ni mate. ²⁴ Vona ra ni luhoi tora iea,Deo i bole mule teu.Pali,ara ni luhoi tora mete tahoka biri bele,ia ra maki,kama mete matai ma.Erei tahoka ni luhoi tora turana ni dava ni matai a maki? ²⁵ Pali mateu metege tahoka ni luhoi tora ni dava maki kama mete matai ma,lakea bara mete dava re virika maki nga turana ni tamudi puruma. ²⁶ Na dala kunana ia,a spirit tara I kori teu na tahuna te uka ni tora.Kama te lohoka ni vasileki,a Spirit e Deo I kori teu ni vasileki turana ni tangi na tamudina. ²⁷ Ia i lohoka na tamudine teu a bakovi,ia i lohoka na ni luhoi na spirit na arana,ia i murimaia ni ngaru ne Deo I vasileki ni kori e hurika bakovi a ngatavine ni luhoi tora. ²⁸ Te lohoka maea,ere huriki ri ngaru e Deo,ia biri rata e virika maki lobo i leho palupu ni vaka bele a ni made kamumu ne ria.Re huriki ngi I tahoka leho turana ni gale ne ria. ²⁹ Na arana,ere huriki i lohoka ne ria hosi,e hurika tara i vulaki ria pali ni bele manga hanune tuna bakovi.Ngane biri bele manga e tuna tabua na palane hurika turana. ³⁰ Ere huriki i vulaki ria pali e Deo,re huriki ngi ia I gale ria.E huriki I gale ria pali,e huriki i kona mule ria i rata ria ri bele malimali.E huriki ri bele malimali,Ia i rata ria ri vonu na harikianga. ³¹ Tege taka ra vona virika maki nga?Re Deo ia ge ne teu,erei ge rata hale teu? ³² Ia kimi nugutata mulea e tuna bakovi,lakea I ru langa na kakaina a maka sin ne teu,na arana ia kimi ge habi tavula ne teu a virika maki ranga? ³³ Erei ge rata hale e huriki e Deo I vulaki pali?Deo kunana biri rata tou to malimali. ³⁴ Erei Ia biri vakapesi teu?Kristo ia kunana i mate ne teu pali kama hini ngi kunana.Uka.Ia I mahuri mule i made na limane Deo a kanena lakea ia bakovi na kurukuruna ni kori teu. ³⁵ Erei ge rural teu na ni ngaru ne Deo?E virika naro ni,kaloho a ni mava,ni luhoi lege,e huriki ranga ri haba ni mava ni vitolo uka varikia turana pile turana vito? ³⁶ Manga ngava I tabuli pali,"na ni kamumu ne matou,mateu mete bole a ni mava na parava vakaroro.Mete made manga sipsip ni rabalaki." ³⁷ Ne virika ni mava nga,te bele manga tara ni mulangi pololilo vona ra bakovi iea erei I ngaru teu. ³⁸ Na arana,ani luhoi tora nau I tora hateka a mata kilala maea,ani mate turana ni mahuri turana maka ensel turana gavaman turana maki ri tabuli ngane turane virika maki bari bele murima turane virika ni tora. ³⁹ E virika maki ri tabuli polomeli na hunu turane virika maki ri tabuli polotano na hel turane virika maki lobo I rata e Deo,kama rigi bole tala teu na ni ngaru ne Deo I tabuli pololilo ne Isu Kristo E Viri Dagi ne teu.