¹ Pali ara tege takia?Tege rata kunana naro hale lakea ni dodo ge kukupo? ² Kimi mavonga.Teu te mate pali na naro hale,navai te ge made vilihui na naro hale? ³ Kama moto lohoka maea,e hurika bakovi ni vahilolo pololilo ne Isu Kristo,ria ni vahilolo dili pololilo na ni matena? ⁴ Ni tanu teu turana,pololilo ni vahilolo teu te mate.Ra hini nga i luve manga e Kristo i mahuri mule na ni mate na nitorane tamana,lakea teu ranga bara te laho na ni mahuri karaba. ⁵ Teu tege madoko turana na ni matena,bara te madoko turana tabu na ni mahuri mulena. ⁶ Te lohoka maea,a bakovine teu hosi i mate turana na kai tavalavala,mavonga ra kakaina sin bara ni ratapile lobo.Ra hini nga i bele maea ne teu tege nahani bele manga voravora na sin. ⁷ Na bakovi mate,a ngava i ta maea,ia i bele malamala liu i uka sin vona. ⁸ Lakea tege mate turane Kristo pololilo ne teu,te luhoi tora maea bara te made mahuri turana. ⁹ Te lohoka maea e Kristo i mahuri mule ni mate kimi ge mate tabu,a ni mate kimi matakari tabua. ¹⁰ Mavonga na ni mate,i mate na sin pali bari mate boloko taku kunana.mavonga ra ni mahuri iea i tabuli,ia nevone Deo. ¹¹ Manga kunana,matou ranga moto matai mule matou maea moto mate pali na sin,lakea moto mahuri ne Deo pololilo ne Isu Kristo. ¹² Mavonga nahani rua sin ge matakaria ni ngaru na kakaimu. ¹³ Nahani habia kalavana kakaine matou lakea na sin,manga maki ni ratena leho na maki kimi kamumu.Lakea,matou moto habi mule matou lakea ne Deo,manga bakovi i mate pali lakea i mahuri mule tabu lakea moto habi mule a tabekena kakaine matou lakea ne Deo manga e virika maki ni rata leho na naro malamala. ¹⁴ Nahani rua sin ge matakari matou.Na arana,matou kama moto made polotano na lo,matou moto made polotano na ni dodo. ¹⁵ I navai? tege rata sin,a vuhuna kama te made polotano na lo,pali polotano na ni dodo? Nahani ge bele mavonga. ¹⁶ Kama moto lohoka maea,ne erei a bakovi o habi ioe lakea manga voravora ioe o longo totoa ngavana? Ra hini ngi i muholi maea bara o made manga voravora na sin pali bari bole lakea ioe na ni mate o ge ioe a voravora ni murimai a ngava pali bari bole ioe lakea na naro malamala. ¹⁷ Kavurikea rane Deo.Matou a voravora na sin hosi,lakea moto ramai a ngava na tamudine matou na dala na ngava ni tovo moto bole. ¹⁸ Moto bele manga kimi matou a voravora na sin lakea moto bele manga voravora na naro malamala. ¹⁹ Iau a ta ma bakovi narana,moto uka nitora na ni ngaru na kakaine matou.Matou moto habi a tabekena kakaine matou manga voravora na naro i katoki na naro hale,na naro palupu kunana,moto habi a tabekena kakaine matou manga voravora lakea na naro malamala ni bele kiripiripi. ²⁰ Na tahuna moto made manga voravora na sin,kama moto made manga voravora na naro malamala. ²¹ Ra parava iea,ara kanena maka naro moto maruhu vona? Ra naro ngi i vakabele kunana ni mate. ²² Pali ngane moto made manga kimi matou a voravora na sin lakea moto bele manga voravora e Deo,moto vakabelea naro kamumu ni rata matou ni bele kiripiripi.Ra hini nga i vakabelea ni mahuri tabuli vakaroro. ²³ Na arana,a mapana naro hale a ni mate,pali a ni habi e Deo ia ni mahuri i tabuli kamumu vakaroro pololilo ne Isu Kristo,a Viri Dagi ne teu.