¹ Iau a ngaru ni ta tora ne matou maea,pololilo na ni dodo ne Deo,mua mu habi a kakaine mua manga tara ni habi i holi i kamumu hateka na matane Deo.Ra hini nga i manga tara leho kamumu mua mu ratea. ² Nahani bele manga hurika tara vona malala iea,pali o bele turana ni luhoi karaba.Rata maea bara moto lohoka na ara maki kamumu a maki malamala turana maki malimali lobo na ni ngaru e Deo. ³ Na rana,iau a ta vona ra ni dodo iea e Deo i habia nau,lakea e hurika bakovi a ngatavine ri made na palane mua nahani rigi bole a ni luhoi i polomeli hateka i redea nagi ia ge kara na ni luhoi ne vona. ⁴ Na rana,teu te tahoka virika tabekena kakaine teu i pololilo na kakaine teu i taku,virika tabekena kakaine teu kimi kara ni rata leho ge taku. ⁵ Na naro i taku,teu lobo te taku kunana pololilo ne Kristo teu takutaku teu a viri i ala taku turane huriki ranga. ⁶ Teu lobo te tahoka a presen i takutaku e Deo i habi ne teu pololilo na ni dodo vona.Pali ri tara bakovi ge tahoka presen ni ta profet,pali ia ge rata ni ta profet ramai a ni luhoi tora vona. ⁷ Pali ra presen na viri tara ia ge rata leho vona,pali,o rua ge rata leho.Pali ri tara ge tahoka presen ni tovo,pali o rua ge tovo. ⁸ Pali ri tara ge tahoka presen ni habi a ngava ge vakatora viri tara,pali ia ge habi a ngava ni kori a viri tara.Pali ri tara ge tahoka presen ni habi a maki ne huriki ranga,pali o rua ge habi a maki turana ni vivi.Pali ri tara ge tahoka presen ni bele manga matakari,rua ge matakari kamumu e hurika bakovi a ngatavine.Pali ri tara ge tahoka a ni vakasiri a naro ni dodo,pali o rua ge vakasiri a ni dodo turana ni vivi dagi. ⁹ Rua a naro muholi ni ngaru ge bele ge rata voroki virika naro ni tatami nigi bole a naro muholi. ¹⁰ Ngaru e hurika tara ranga,manga ni ngaru na palana turamu erei na kabu i taku.Manga,naro ni matakilala turamu o habi a ni togo na turamu tara. ¹¹ Nahani manegege ni rata naro kamumu turana ni vivi.Vakaroro,tamudi ge rike ni ramai a ni ngaru na spirit,turane ViriDagi,parava vakaroro o rata leho vona. ¹² Tege vivi hateka vona ra ni luhoi tora mua mu tahoka ni ramai a parava.Pololilo na tahuna ni mava,matou moto made turana ni tamudi puruma ni made pololilo na ni vasileki. ¹³ Kori e hurika tara erei ri luhoi tora ri tahoka ni mava.Vorokanea virika dala ni kori ria ni matakari ria. ¹⁴ Tamudi puruma ne huriki ri haba ni mava ne mua,ngaru ria nahani taki pile ria. ¹⁵ Vivi turane huriki erei ri vivi o tangi turane erei ri tangi. ¹⁶ Made turana ni luhoi ge taku turane hurika turamu.Nahani luhoi ni kavurike mule ioe,pali o matakilaka e huriki ri uka pede.Nahani tahoka ni luhoi ni kavurike mule mua. ¹⁷ Nahani koli erei i rata hale matou.Rata naro kamumu na matane huriki lobo. ¹⁸ Pali re mua mu kara ni rata,i kamumu ne vomu,toni ni made tamudi puruma turane hurika bakovi a ngatavine. ¹⁹ Nahani koli a potu na turamu,matou a tara nau moto kamumu,pali,rua e Deo ge madihi a hatena biri bele.Na Rana,a ngava i tabuli pali maea,naro ni koli,ia a maki nau iau bara habia a mapana i hale,'ViriDagi i ta maea." ²⁰ Pali,lakea ra pile matou ge vitolo,pali o habi a maki ni kani ne vona pali ia ge marohu,pali o haba naru vona ge ninu.Pali re matou motogo rata maea,bara mu ru a kedo i rongo na gine ria. ²¹ Nahani rua naro hale ge vaka boru matou,pali,o rupuru a naro hale o rua a naro ge kamumu.