¹ Iau a ta tabu,pali re Deo i habi a bito ne hurika tara vona?Keme ge kara ni bele maea.Na Rana,iau tara iau a bakovi o Israel,iau a hamule Abraham turana tara ne Benjamin. ² Deo kimi habi a bito ne hurika tara vona,erei ia i lohoka paru vona hosi.Pali re mua kama mu pala na nitane Deo,i ta ne Elaija na ara dala ia i vasileki i luhoi kado e hurika Israel ne Deo?Elaija i ta maea; ³ "ViriDagi,huriki ri rabalaki e hurika profet vomu lakea ri puka puru virika altar vomu.Iau kikeri a made ri leho ni matakana iau rigi rabalaki iau. ⁴ Pali,ara ni koli e Deo lakea vona?"Iau a ru e hurika bakovi nau ri 7 tausen,erei kama ri pasikepuru ne Baal." ⁵ Palupu manga na tahuna ngane,i tahoka ranga tara ri made,ria ri made pololilo na ni dodo kunana. ⁶ Pali,re ia ge pololilo na ni dodo,pali kama na naro ni leho hateka.Pali re ia naga naro ni leho hateka,pali a ni dodo kimi manga ni dodo tabu. ⁷ Ia ge navai ngane?Maki e hurika Israel ri leho ni matakanea,ia kama ri bolea,pali e hurika tara ia i pasi ne vona,ria ri bolea e huriki ranga i tora hateka tamudine ria. ⁸ I manga ngava i tabuli pali;"Deo i habi a spirit na uvo a matane ria kama ri kara ni matai turana talingane ria tara kimi kara ni longo a ngava i valai mona vona ra parava iea." ⁹ Muri e Devit i ta maea,"Rua tebol ne ria ge bele manga tara vuko i bele manga hoa,lakea biri manga kedo i vakaboru ria biri habi a ni mava ne ria. ¹⁰ Rua a matane ria ge uvo liu,lakea nahani rigi kara ni mata vakaroro bara i modo a bitone ria." ¹¹ Iau a ta tabu maea,"Pali ra kedo i padi a vahane ria ri boru?"Uka,nahani ge bele mavonga.Pali,na naro ni longo taro ne ViriDagi,Deo i bole mule e hurika tara ranga,ne vona ni vano rike a tamudine hurika tara o Juda ge mava tamudine ria. ¹² Ngane,pali ra ni longo taro ne ria i bele ne virika maki kamumu ne huriki ranga.Ia ge navai na tahuna ri bele na ni lobone ria? ¹³ Pali,ngane iau a taki mua e hurika tara ranga iau a made manga aposel ne hurika ranga,iau a vivi hateka vona a leho iau a ratea. ¹⁴ A luhoi,bara iau a vakabele a ni luhoi hale ne hurika tara nau.Na hini nga,a luhoi,bara mi bole mule ranga ne ria. ¹⁵ Na ranga,ra ni longo taro a ngava ne ria ge bole mule hurika tara vona malala rigi lakea ne Deo,pali ara maki ge bele ne ria bara ri ramai a ngavane Deo,a luhoi ra hini nga biri habi a ni mahuri ne huriki ri mate pali? ¹⁶ Pali ra tabunga tuna kai i tabana,ia tabekena plaua ni rata bret ge tabana.Pali ra kana kai ge tabana,a rahana tara ge tabana ni tabuli. ¹⁷ Pali,ri ranga rahana kai a oliv i maputu tala pali re virika rahana oliv na robo i valai i madoko turane ria lakea mu bole a maki ni kani kamumu i valai na kana rahana kai a oliv, ¹⁸ Nahani kali rike mule mua na rahana kai tara.Pali,re mua mugu kali rike mule mua,matou a rahana kai kunana kama mu habi a ni tora na kana kai,uka,a kana kai i haba ni tora ne mua. ¹⁹ Mua bara mu ta maea,virika rahana kai ri maputu tala lakea iau a valai a madoko dili pololilo na kai." ²⁰ Ia i muholi hateka,na rana,kama ri luhoi tora maea lakea ri maputu tala,pali mu pesi tora na ni luhoi tora.Nahani mugu luhoi ni bibi rike mule mua.Pali mu nahani made turana ni mangenge. ²¹ Na rana,pali re Deo keme ge dodo e virika rahana kai a oliv muholi,mua a tara polovavo lakea keme ge dodo mua. ²² Matai tabua a naro ni ngaru a naro ni hate madihi ne Deo.Na ara tabeke,na ni hate madihi ne Deo i valai ne hurika tara o Juda erei ri boru,na tabeke tara a ni dodo ni ngaru ne Deo i valai ne mua.Pali re mua mu tabana na ni ngaru ne Deo.Lakea re mua mu longo taro a ngava,ia bari kope tala mua. ²³ Ne tou ranga,kama to ramai a naro ni pea a naro ni luhoi tora,pali e Deo biri bole mule ria bara ni kolo tabu dili ria na kai a oliv.Na rana,Deo ia bara i kara ni bole dili ria pololilo tabu. ²⁴ Na rana,pali re matou ge mua a rahana kai a oliv na robo lakea e Deo biri kolo dili pololilo na kai a oliv muholi,ge navai ra hini nga,pali re hurika tara o Juda erei e hurika rahana kai a oliv muholi,Deo biri bole mule ria i kolo dili tabu na kai a oliv muholi ne ria kunana? ²⁵ Na rana,hurika turagu,iau kama ngaru mua mugu matakilalea ra maki kapiloho,nahani luhoi maea mu tahoka ni luhoi kamumu.Ra maki tabuli kapiloho i maea,i kapo kunana parava pali e hurika Israel bara ri made turana tamudi tora,i kara ne hurika tara ranga bara ri dili tabukoi ne Deo. ²⁶ Muri kunana e Deo biri bole mule e hurika Israel,ra ngava iea ia i tabuli pali maea,"Bakovi ni bole mule hurika tara ri made na bavi bara ri valai o Saion.Ia biri lilitala a naro ni ramai e deo tatami i tabuli na tara ne Jekop, ²⁷ Ra hini nga bara kontrak nau turane ria,tahuna Iau bara puga voroki virika naro hale ne ria. ²⁸ Na tabekena velenga kamumu ne Deo,hurika Israel ria pile ra hini nga bara ni kamumu ne mua na tara ranga.Na tabeke tara,Deo i pasi pali e hurika Israel ria tara e Deo na ranga,Deo i made turane hurika hamone ria. ²⁹ Hurika presen turana ni gale Deo na ni mahuri na bakovi keme ge mapulo. ³⁰ Na rana,muga mua mu longo taro a ni tane Deo,pali ngane mu bole a ni dodo na ranga,hurika Israel ri longo taroa ni tane Deo. ³¹ Na naro i palupu,ngane hurika tara o Juda ri longo taro a ngava.Ngane ra ni lobona hini nga i maea,Deo i dodo mua ria ranga bara ri bole a ni dodo ne Deo. ³² Na rana,Deo i ru lobo ria pololilo na naro ni longo taro a ngava,lakea ia biri dodo lobo ria. ³³ Olaman,iau kama kara muholi ni pala na ni dagi na ni luhoi ne Deo,na rana,i polotano hateka manga dari i polotano liu.Ia i madihi hateka ni pala na kot e Deo a naroa ranga i polomeli hateka ne teu kama te kara ni luhoi. ³⁴ "Erei i kara ni pala na ni luhoi ne ViriDagi erei i kara ni habi a ni luhoi ne vona?" ³⁵ O erei pali i habi ne Deo ranga maki pali ia ge koli mule ranga maki vona bakovi iea?" ³⁶ Na rana,ne Deo plolilo vona kunana,virika maki lobo i bele.Habi a glori ne vona kunana,vakaroro vakaroro.I Muholi.