¹ Hurika turagu,iau a tahoka ni ngaru dagi na tamudigu na ni vasileki nau lakea ne Deo ge bole mule ria. ² Na rana,iau a takitala narone ria,manga hini ri tahoka ni ngaru dagi ne Deo,pali kama naro ni luhoi. ³ Na rana,kama ri lohoka na naro malamala ne Deo,pali ri ngaru ni vakabele mule a narone ria kunana.Kama ri habi mule ria na naro malamala ne Deo. ⁴ Na rana,Kristo i ru virika lo na naro i malamala ne hurika bakovi ri luhoi tora. ⁵ Moses i herea i takitala a naro malamala i valai na lo."Bakovi i ramai a naro malamala na lo,ia biri made mahuri na naro i malamala." ⁶ Pali a naro i malamala i valai na naro ni luhoi tora i ta maea,"Nahani ta pololilo na tamudimu maea,'Erei ge dili na hunu?'(Ra hini nga bara ni bole e Kristo i puru valai). ⁷ Nahani ta maea,'Erei ge lakea na tanga ne huriki ri mate?"(ne vona ni bole Kristo ge rike mule polomeli na tanga ne huriki ri mate). ⁸ Pali ra hini nga i ta navai?"Ngava i tabuli tabukoi vomu,pololilo na ngavamu na tamudimu."Ra ngava na ni luhoi tora mete takitalea. ⁹ Na rana,pali ra na ngavamu o takitala maea,Isu ia e ViriDagi a ni luhoi tora na tamudimu i maea,Deo i vaka mahuria na ni mate ne hurika bakovi ri mate,pali e Deo biri bole mule ioe. ¹⁰ Turana tamudimu,bakovi i luhoi tora na naro i malamala turana ngavana,bakovi i vakalongo ne Deo i bole mulea. ¹¹ A ni tane Deo i ta maea,"Hurika bakovi ri luhoi tora vona,kama rigi maruhu." ¹² Na rana e Juda turane Grik i palupu kunana.ViriDagi ia i taku i dagi ne virika maki lobo ia i kara ni rata kamumu ne hurika bakovi ri galea. ¹³ Lakea e hurika bakovi ri kara ni gale na rane ViriDagi,ia bari bole mule ria. ¹⁴ Pali re ria kama rigi luhoi tora vona,rigi gale navai?Pali kama rigi longo,rigi luhoi tora navai vona?Pali ra bakovi keme ge takitala ngava rigi longo navai? ¹⁵ Bara ri takitala navai a ngava,re ria kama rigi rudu ria rigi vano?Manga hini ni here i tabuli na buk,"Hurika bakovi ri valai ni takitala velenga kamumu ni vaka vivi a vahane ria i kamumu hateka." ¹⁶ Pali kama ri longoa velenga kamumu,manga hini taki a buk e Aisaia,"ViriDagi,erei i luhoi tora na ni tane mateu?" ¹⁷ Lakea ra ni luhoi tora i bele na bakovi i longo toto,ni longo a ngavane Kristo. ¹⁸ Pali iau a ta,"Kama ri longo?"E,ia i muholi."Lohone ria i lakea na tanga lobo a ngavane ria tara i lakea na tabekena malala lobo." ¹⁹ Iau a ta tabu maea,"Re Israel kama i lohoka?"Muga e Moses i ta maea,"Bara ratoe boro tamudi hale na tara popote ri uka rane ria bara ratoe i madihi a hatemu ne huriki ri uka ni luhoi." ²⁰ Aisaia i ta dagi maea,"Hurika tara kama ri puruvisau bara ri matakanau.Iau bara bele kavakava ne hurika tara erei kama ri nana ne nau." ²¹ Pali e Israel ia i ta,"Na parava lobo iau a ru a limagu i lakea ne hurika tara ni longo taro a ngava ni tamudi tora."