¹ Iau e Pol,iau a aposel a voravora e Isu Kristo,i galau ni bele manga aposel,pali ia i pasi iau ni takitalea velenga kamumu e Deo. ² Ia ra velenga kamumu i gamai hosi hateka na ngavane hurika propet i tabuli pali na buk e Deo, ³ a velenga kamumu ne tuna bakovi,bari bele na tara ne Devit manga kunana ne hurika bakovi ranga. ⁴ Na tahuna e Deo i vakahadongoa na tanga ne hurika bakovi ri mate,ri takitalea maea i tora hateka e tune Deo na nitora na Hanu Kiripiripi,e Isu Kristo a Viri Dagi ne teu. ⁵ Nevona kunana,te bolea pali a ni dodo turana ni leho manga aposel ne hurika bakovi a ngatavine na malala rigi luhoi tora ne Isu,rigi murimaia ngavana. ⁶ Na palane hurika bakovi a ngatavine vona malala,matou ranga e Deo i gale matou ni made manga tara e Isu Kristo. ⁷ Ra rau kea iea i lakea ne mua e huriki mu made o Rom,e Deo i ngaru i gale matou ni bele manga tara na bakovi a ngatavine vona.Ani dodo turana ni tamudi madoru e DeoTata turane ViriDagi ne teu e Isu Kristo ge tabuli turane matou. ⁸ Muga,Iau ga ta kamumu ne Deo nau pololilo ne Isu Kristo ne mua lobo,na arana,ani luhoi tora matou ni takitala na tabekena malala lobo. ⁹ Na arana,e Deo ia bole kori nau,pali nevona Iau a rata leho vona pololilo na Spirit vona,na velenga kamumu e Tuna,na parava vakaroro Iau a taki matou ne Deo. ¹⁰ Vakaroro pololilo na ni vasileki nau a nane Deo maea,ni ngaru e Deo biri tahoka dala,ne Nau ga valai ga matai matou. ¹¹ Iau a tahoka ni ngaru dagi hateka ni valai ni matai matou,pali bara habi matou ranga ni gamai na Hanu Kiripiripi ge vakatora matou. ¹² Iau a ngaru maea a ni luhoi tora matou ge haba nitora nau,pali ani luhoi tora nau tara ge haba nitora matou. ¹³ I ngane, kama ngaru matou a turagu ni luhoi maea,a luhoi ni valai ni matai matou (I ranga maki kapikaria dalagu valai mona),ni bole ranga maki ni kani na palane matou manga kunana ne hurika tara ranga. ¹⁴ Iau a tahoka makoli ne hurika Grik,turane hurika tara na tabeke ranga,ne hurika bakovi ri tahoka ni lohoka kamumu turane hurika bakovi ri uka ni lohoka kamumu. ¹⁵ Mavonga ne nau,iau a pasimata kunana ni taki talea velenga kamumu ne mua tara mu made o Rom. ¹⁶ Na arana,iau kama maruhu vona ra velenga kamumu,ra velenga kamumu iea ia nitora ne Deo ni bole mule hurika bakovi a ngatavine ni luhoi tora vona,ge muga na maka Juda muri na maka Grik. ¹⁷ Na arana,pololilo vona ra naro malamala e Deo i bele kavakava,manga ngava i tabuli "e hurika bakovi malamala bara ri made mahuri na naro ni luhoi tora." ¹⁸ Na arana,ani hate madihi e Deo i bele kavakava ne huriki a tara ri rata naro ne Deo tatami turana naro kimi malamala,pololilo na naro kimi malamala,ri nugutata mulea nita muholi. ¹⁹ A hini nga i maea,e virika make Deo i bele kavakava ne ria.Na arana,e Deo i ratea ni luhoi ne ria i bele kavakava liu. ²⁰ Lakea,a maka naro kamumu vona i tabuli kapiloho i bele kavakava,e virika vilo maea,ani tora vona i tabuli vakaroro,na narone Deo,ri mataia na tahuna ia i ratea malala,turane virika maki i rata.Bari uka tara ngava rigi ratea na tahuna na kot. ²¹ A hini nga i maea,ri lohoka vone Deo,pali kama ri kavurikea rane Deo lakea kama ri habia ni ta kamumu ne ria lakea ne vona.Pali to mangamanga pololilo na ni luhoi hale ne tou turana tamudine tou i uka ni lohoka kamumu,lakea i vonu na uvo. ²² To ta maea to tahoka ni luhoi turana ni lohoka kamumu,lakea to mangamanga pali. ²³ To puloa ni parane Deo ani para kimi ge hale,i bele manga naro turana hanune virika maki bara ri hale,manga e virika hanuna bakovi turana kadirovo turane virika livoa i tahoka vahane ria i va turane virika maki ri karaka na tamudine ria. ²⁴ Lakea e Deo I habia ne tou a naro ni ngutu na tamudine tou turane virika naro i katoki,pali bara to rata naro ni maruhu na kakaine tou,na kurukurune tou. ²⁵ To puloa nita muholi e Deo i bele manga nita tatami,ri vasileki ri rata e virika maki i rata e Deo,pali kama ri vasileki vona ra bakovi i rata re virika maki nga,e Deo,ia bara ni kavurike vakaroro.I muholi. ²⁶ Vona ra hinigna,e Deo i haba bito ne tou rigi murimai a tamudine ria ni rata naro ni maruhu,manga ngatavine i hataroa bakovi lakea i parangi mule na ngatavine ne tou. ²⁷ Manga kunana,a bakovi tara i hataroa naro ni parangi na ngatavine i rike a tamudine ria na naro ni ngutu ni parangi mule ne tou.Re hurika bakovi erei ri ratea ra naro ni maruhu iea,to bolea pali a kot ne tou vona ra naro hale ne tou. ²⁸ Na arana,kama ri lohoka ne Deo i made turane tou,lakea bara ri rata re virika naro kimi malamala. ²⁹ Ria ri vonu hateka na naro kimi malamala,a naro hale turana naro ni ngaru a maki ne huriki ranga,turana naro ni ngaru ni matai e huriki ranga ri bole a halenga.To vonu na maka vilo maea,ni ngutu,ni rabalaki a maki e huriki ranga,ni ta puhaki turana viri tara,ni tama viri ni bola maki,turana ni luhoi ni rata kunana naro hale. ³⁰ Tou a tara ni ta padikidu,ni ratapile a rana viri tara,lakea kama to ngaru e Deo.Tou a tara ni vakasiri a nitora ne tou,ri pahadanu e huriki ranga ri bole rike mule ria.Tou a tara ni vakabele a maka naro hale lakea to putupuru a ngavane kinane ria e tamane ria. ³¹ To uka ni mata kilaka,e hurika bakovi kama rigi tahoka ni luhoi tora ne ria,pali ri uka naro ni ngaru,lakea ri uka naro ni dodo. ³² To lohoka vona narone Deo i maea,erei e huriki ri rata re virika naro nga bara ri mate.Pali,kama to rata kunana re virika naro nga ,uka ri tamudi taku ri haba ni matakilaka ne huriki ri rata re virika naro nga.