¹ Ia i gale a murimuri vona to ala ravulu a polona i ru to valai vona i gamaia tou turana ni tora ni vaka pagitala e satan pali ni vaka lobo a gilanga. ² Ia i taki tou togo vano togo taki talea ngavane Deo a harikianga vona pali to go vaka lobo a gilanga. ³ Ia i taki tou,"Nahani boles tara maki ni vano,a pou,o a bret,o a moni,o a varikia. ⁴ Erei a ruma moto dili vona,made vonga vano na tahuna matou moto hataroa ruma. ⁵ Na tahuna uka tara viri ge bole matou,pali matou moto ngaru ni pea ra tanga dagi ea,moto puraki tala a malala na pakane matou ge vakasiri ria maea ria ri rata naro hale." ⁶ Pali ria ri vano ri dili na tanga kiroko,ri taki talea ngavane Deo pali ri vaka mahuri e huriki na hini lobo. ⁷ Pali e Herot a ngavana ne ria o Galili i longoa ara maki rata e Isu,pali ia i luhoi lege,nara ia i longo maia ni taki e Jon ni vahilolo i mahuri mule, ⁸ Pali ranga i tamaea e Elaija, pali ranga ri tamaea a propet hosi i mate ngane i mahuri mule. ⁹ Herot i tamaea,"Iau a palakudua gine Jon.Pali erei rai ra bakovi ea a longo i rata hurika maki?"Pali ia i ngaru ni masia. ¹⁰ Muri ne huriki a murimuri vona ri hamule,ria taki vona virika maki ria ri rata.pali ia i bole tou,to lakea vona tara tanga dagi ni gale e Betsaida. ¹¹ Pali e huriki ri longo maia e Isu ia vonga o Betsaida ria ri muri vona.Ia i ta kamumu ne ria pali vaka longo ria vona harikianga e Deo,pali vaka lobo a maka gilanga. ¹² I malunga ngane a hiningi, pali a murimuri vona to valai vona to takia,"O taki e huriki a bakovi a ngatavine rigi hamule maia tanga a ruma ne ria rigi kani rigi mahita,na ra teu te made na hiningi uka maki ni mahita pali a maki ni kani." ¹³ Pali ia i koli i tamaea,"Moto haba maki ni kani ne tou."Tou to tamaea,"Teu te uka tabu a maki ni kani pali a bret lima a manu i rua nga Mavonga i kara ne teu bari te kona maki ni kani ne vona re huriki a bakovi a ngatavine nga." ¹⁴ (Re ala 5 tausen.)Ia i taki e huriki a murimuri vona, "Mu taki ria rigi made puru pali rigi made piptipipti." ¹⁵ Pali tou to rata mavonga,pali to taki ria ri made puru. ¹⁶ Pali e Isu i bole ra bret i lima a manu i rua,i mata rike na hunu,i gamaia pali keve popotepopote pali habi ne huriki a murimuri vona rigi habi ne huriki a bakovi a ngatavine. ¹⁷ Ria lobo ri kani pali ri maru,pali ara i tabuli mule to bole a murimuri vona to vaka vonu na hurika kalvana a palo i ravulu rua. ¹⁸ Na parava tara e Isu i vasileki,pali e huriki a murimuri vona ri turana.Ia i nana ria,i tamaea,"Re huriki ri taki Iau erei?" ¹⁹ Tou to kolia,"Jon ni vahilolo.Pali ranga ri tamaea e Elaija,ranga ri taki ioe a propet i mate hosi pali ngane i mahuri mule." ²⁰ Pali muri i taki tou,"Pali matou moto taki Iau erei?"Pita i kolia,"Ioe Kristo tune Deo i made mahuri malaku." ²¹ Pali ia i ta tora ne tou nahani togo takia tara viri maea ia e Kristo, ²² Ia i taki tou maea,"Tuna Bakovi bari bolea ni mava i dagi hateka pali bari koli vona e huriki a mugamuga, bakovi ni lohoka na lo,ia bari ni bimate pali muri na parava i tolu ia bari mahuri mule." Muri Ia i taki tou lobo,"Pali erei i ngaru ni muri nau,is he rupurua pali ge kalohoa bolo vona ge muri nau. ²⁴ Erei vaka gigia ia bari velu,pali erei vaka valua na ragu ia bari mahuri. ²⁵ Ara maki kamumu ge bele,i tara bakovi i kali popo lobo a mahala na malala,Pali ia i mata? ²⁶ Erei i maruhu na ragu a ni tagu.Mavonga e Tune Deo bari maruhu vona ra bakovi iea, na tahuna i hamule valai na bagetuanga vona,pali na bagetuanga ne Tamana turane huriki a engel i kiripiripi. ²⁷ Pali Iau a ta muholi ne matou,i tahoka ranga ri pesi koiakoma rigi hatakia ni mate ria bari masia a harikianga e Deo." ²⁸ I polo a parava i va muri ne Isu i taki ra hininga, i bole e Pita e Jon pali e Jems to lakea na lolo togo vasileki. ²⁹ Na tahuna ia i vasileki, is i mareli,pali a varikia vona i para hidi. ³⁰ Malaviriri kunana,a bakovi i ala rua to vata,e Mos3 e Elaija, ³¹ Ru bele turana bagetuanga, ta turana vona ni vanona, ra hurika maki nga bari bele o Jerusalem. ³² Pali e Pita turane erei to valai tou to mate ni mahita,pali na tahuna to hadongo tou to masia a bagetuanga ne Isu turana ra bakovi nga ala rua ru pesi turana. ³³ Pali na tahuna rua ru hataroa e Isu,Pita i takia ,"Viri Dagi,kamumu hateka teu koia. Te rata kape ge tolu,tara ne vonu, tara ne Moses,pali tara ne Elaija."(Ia koma i palala vona maki ia i takia.) ³⁴ Tahuna i taki ra hininga, i puru valai a bubu i kavatagu tou,tou to mangenge natahuna tou pololilo na bubu. ³⁵ A viri i ta pololilo na bubu i tamaea,"Ri ea e Tugu,a viri ni pasi;longo maia" ³⁶ Na tahuna i ta bolo,to masia e Isu i pesi kikeri. Tou to mangulu koma to takia tara viri vona makim tou to masia. ³⁷ Pali muri na parava tara,tou to hamule puru na lolo,a kabuna bakovi angatavine ri tagui tou. ³⁸ Malaviri kunana,a bakovi pololilo na palane huriki i tangi tala i tamaea," Vinara,a nanoe go masia e tugu,ia e tugu i ala taku. ³⁹ O masia,a spirit hale i vakukua ni haloho viliha;bari vakulu i vonu vona kalupena ngavana.Pali rata pilea kakaina pali koi ni hataroa. ⁴⁰ Iau a taki e huriki a murimuri vomu rigi koria pali ria koma ri kara ni koria." ⁴¹ Isu i kolia i tamaea,"Mua e huriki i uka ni luhoi tora, pali a ni luhoi matou koma i tabuli malimali.Ge bloko riva iau ga made turane mua pali a bola ni mava ne mua?Pali e Isu i takia e tamana ge bole lakea vona e tuna." ⁴² Na tahuna ni bole valai ra koma ea,ra spirirt hale ea i voroki purua na malala i ratea i vakulu hateka. Pali e Isu i tahatea spirit hale pali rata kamumua koma bakovi, pali habi mulea ne tamana. ⁴³ Pali e huriki a bakovi a ngatavine ri masia ni tora ne Deo ria ri turutu.Na tahuna ri luhoi lege vona hurika mirakel i rata e Isu,pali ia i taki a maka murimuri vona maea, ⁴⁴ "Matou moto longo kamumu:E Tune Deo bari ni habi na limane huriki a pilea." ⁴⁵ Pali e huriki a murimuri vona koma ri malala vona vuhuna ra ngava ea.Na ra,ra ngava ea i tabuli kapiloho ne tou.Pali tou to mangenge ni nanea e Isu vona vuhuna ra ngava ea. ⁴⁶ Pali muri tou a maka murimuri to vakorosi mule ne tou,maea erei ne tou ge ia mugamuga. ⁴⁷ Pali e Isu, i palala vona pali a ni luhoi ne tou,pali bolea koma kiroko i vaka madea tabukoi vona. ⁴⁸ Pali taki tou maea,"Erei i ta kamumu vona ra koma kiroko ea na ragu,ia i ta kamumu ne nau;pali erei i ta kamumu ne nau ia i ta kamumu vona viri ia i rudu Iau. Bakovi i uka rana pali made polo tano na palane mua lobo,ia i made muga ne mua." ⁴⁹ Jon i kolia,Viri Dagi,"Mateu mete masia tara viri i tahatea spirit hale i pagi tala na ramu,pali mete tahatea nara ia koma i muri ne teu." ⁵⁰ "Na hani tahatea,"Isu i tamaea,"nara erei koma a pile vomu ia turamu." ⁵¹ A parava i valai tabukoi ne vona ni hamule sike,Mavonga ia i luhoi ni lakea o Jerusalem. ⁵² I Rudu mugea tara viri loko Samaria ge taki ri rigi rata puru ranga maki vona. ⁵³ Pali e huriki koma ri ngarua ge loko vonga nara ia i ngaru ni lakea o Jerusalem. ⁵⁴ Na tahuna a murimuri vona e Jems e Jon ru matai ra hininga, rua ru tamaea,"Deo,ioe o ngaru mateu metege takia kanono ge puru valai na hunu pali ge rata pile tou?" ⁵⁵ Pali e Isu i ngala kapulo pali tahate tou, ⁵⁶ pali to lakea na tanga tara. ⁵⁷ Ta huna tou to lalaho na dala,i tara i takia e Isu maea,"Iau bara ramai ioe na hiningi lobo ioe o lakea vona." ⁵⁸ Pali e Isu i kolia,"A ligo i tahoka murina ni mahita,pali a kadirovo tara ri tahoka ruma ni mahita,pali e Tuna Bakovi i uka murina ge rupurua kina bona ge mahita." ⁵⁹ Pali muri i takia viri tara,"Muri nau, "Pali ia I koli i tamaea,"Deo,muga iau ga muri vomu iau ga tabu taroa e tata." ⁶⁰ Pali i takia,"Ru e huriki ri mate rigi tanu mule ria.Pali ne mua,moto vano moto lakea na tanga lobo moto taki talea harikianga ne Deo." ⁶¹ Pali muri i tahoka tara viri i tamaea,"Iau bara muri vomu,Deo,pali muga iau ga muri vomu iau ga hamule ga ta kamumu vone tara nau na tanga." ⁶² Isu i kolia i tamaea,"Bakovi erei i nuga vore pali na parava lobo i mata mule,ra bakovi ia koma i kara ni rata harikianga ne Deo."