¹ Muri e Isu i laho ne huriki a tanga dagi turane huriki a tanga kiroko,i taki talea velengana na harikianga e Deo.Pali a murimuri vona to ala ravulu a polona i rua to turana, ² pali huriki a ngatavine ranga ri muri vona.Re huriki a ngatavine i rata voroki a Spirit hale ne ria pali vaka lo o a gilanga ne ria.tara ne to e Maria,ni gale e maria Makdala,Isu i rata voroki vona Spirit hale i polo rua vona ra ngatavine ea. ³ Viri tara e Joana,e girihine Kusa,is mugamuga na ruma e Herot ;Susana pali ranga ngatavine,erei to haba maki ne tou ne Isu turane huriki a murimuri vona. ⁴ Na tahuna e huriki a bakovi a ngatavine ri valai ri vapopo ne vona,ria ri valai ne huriki a tanga kiroko,Ia i takia tara ni ta vaka kika: ⁵ "A bakovi ni leho na hania i vano ge varo a vutu.Na tahuna ia i varo,ranga i boru na rerena dala pali ranga i boru na dala,pali ni laho langa vona,pali ranga i kani a kadirovo. ⁶ Ranga i boru na kedo,pali na tahuna i koru rike popote i mate,nara i uka naru ge koru vona. ⁷ Pali ranga i boru langa na barakau,pali rako turana i kini matea. ⁸ Pali ranga i boru na malala i kamumu pali vua haleliu. "Muri ne Isu i taki ra hininga, Ia i gale tala,"Erei tahoka tulina ge longo,rua ge longo kamumua." ⁹ Huriki a murimuri vona ri nanea i navai ra ni ta vaka kila ea. ¹⁰ Ia i tamaea,"Ni lohokanga na maki kapiloho na harikianga ne Deo ni vaka kava ne matou,pali ne huriki ranga Iau a taka ni ta vaka kika, pali ria koma ri mata kilalea, pali ri longoa koma rigi lohoka vona.' ¹¹ A vuhuna ni ta vaka kila i maea:A vutu ia ni nane Deo. ¹² A vutu i boru na dala i manga e huriki ri longoa,pali valai e satan bole vorokia ni tane Deo na hatene ria nara marigi luhoi torea pali ge bole mule ria e Deo. ¹³ Pali a viri boru na kedo i manga viri,na tahuna i longoa ngava,longoa turana ni vivi.Pali ri uka kane ria;ri luhoi torea na parava i popote,pali na parava ni tonia ria mala viri kunana ri boru. ¹⁴ Pali a vutu i boru langa na barakau i manga e huriki ri longoa ngava,pali na tahuna ria ri laho,ria ri luhoi hateka ria pali a maki ne ria pali a ni vivi na kakaine ria,pali a vuane ria koma i tora. ¹⁵ Pali a vutu i boru na malala kamumu,ia i manga e huriki erei,longo kamumua ngavane Deo turana ni tamudi kamumu,pali nugu kamumua ia bari vua kamumu. ¹⁶ "I uka tara viri ge namia lam pali ge kavatagua na maki o ge rua polotano na kiri.Uka,ia bari rua na murina pali e huriki ri dili na ruma ria bari masia ni para. ¹⁷ I uka rata maki nigi rahilolo koma ge bele kava,pali uka tara maki ge kapiloho koma ge bele kava bari bele kava lobo. ¹⁸ Longo kamumu,na viri tahoka maki,Deo bari habi tabu vona ranga maki,pali na viri uka maki,Deo bari bole voroki tabu vona ranga maki ia i luhoi maea ia i tahoka ia bari ni bole voroki vona." ¹⁹ Muri e kinana turane huriki e tarina ri valai vona,pali ri keri ni valai tabukoi vona nara i kopo hateka e huriki. ²⁰ Ia ni taki,"E kinamu turane huriki e tarimu to pesi polovavo,to dava ioe." ²¹ Pali e Isu i koli ria i tamaea,"E nana e tarigu e huriki ri longoa ri ramaia ngavane Deo." ²² Pali na parava tara i rike turane huriki a murimuri vona na bout,pali taki tou,"Te lakea na gaga lake."Pali to vano. ²³ Na tahuna tou to vovore Isu i mahita. I bele ne tou a taiava na lomu,pali a bout ne tou i vonu vona naru,popote togo mabubu. ²⁴ Muri i tara murimuri vona i valai ne Isu I vangoa,i tamaea, "Viri Dagi!ViriDagi!Teu bari te mate!"Ia i pesi rike pali ta dagi vona vilu a naru,pali lobo a vilu i malilo a naru. ²⁵ Muri i taki tou,"I vai a ni luhoi tora matou?"Pali tou to mangenge to turutu,pali to vanana mule ne tou,"Erei ra bakovi ea,i takia ra vilu a naru rugu lobo,pali ru longo maia?" ²⁶ Pali to vote vano to bele o Gerasenes,na tabekena lomu tara o Galili. ²⁷ Na tahuna e Isu i paha malala,i tahoka tara bakovi i rata pilea Spirit hale. I tabaka pali koma i roda varikia, pali uka ruma ia i mahita na tanga ne huriki ri mate pali. ²⁸ Na tahuna i masia e Isu,ia i tangi i boru puru muga ne Isu pali ta dagi,"Ara go ratea nau,Isu,Tune Deo i made polomeli?Iau a nana ioe,nahani rata pile iau." ²⁹ Pali e Isu i vakukua ra palakatona Spirit ge pagitala vona ra bakovi iea.Ia ni kolo tata na sen ni mata kari,pali na tahuna i tavage rike a palakatona spirit ia bari bikudua sen i vano i lakea na tanga i uka bakovi vona. ³⁰ Muri e Isu i nanea, "Erei a ramu?"I koli i tamaea,"Tausen,"nara i kupo e huriki a spirit ri dili vona. ³¹ Ri nanea e Isu ge nahani rudu ria rigi dili na lovo i uka rerena. ³² Pali tahoka kabuna boro i kakani na ganana lolo. Ra spirit hale nga ri vakukua e Isu ge rudu ria rigi dili vona ra hurika boro nga,pali e Isu i taki ria ri vano. ³³ Pali ri pagi tala na bakovi ri dili na boro,pali ri nunu varede puru na gali ri dili na naru ri pasiri. ³⁴ A tahona boro i masia e Isu i rata ra hininga, ria ri nunu lakea na tanga dagi turane huriki a tanga kiroko ri vaka longo. ³⁵ Pali e huriki ri valai ni masia ara maki bele,ri valai ne Isu pali ri masia ra bakovi i pagi tala vona spirit hale.Ia i made tabukoi na pakane Isu,i roda varikia pali i tahoka ni luhoi kamumu; ria ri mangenge. ³⁶ Pali e huriki ri masia ara maki ratea e Isu ria ri vani ri vaka longo. ³⁷ Pali e huriki lobo vona ra tanga e Gerasenes ri nanea e Isu ge hataro ria,ria ri mangenge. Pali ia turane huriki a murimuri vona ri rike mule na bout ri hamule. ³⁸ Ra bakovi pagitala vona spirit hale i nanea e Isu ge muri ne tou,pali e Isu i takia ge hamule,i takia i tamaea, ³⁹ "Hamule na tanga vomu o vaka longo e huriki ara maki ratea vomu e Deo."Pali ia i hamule na tanga ,i vakalongo e huriki ara i ratea vona e Isu. ⁴⁰ Ngane e Isu i hamule,Kabuna e huriki ri ta kamumu vona,na ra ria lobo ri mamata vona. ⁴¹ Malaviri kunana,a bakovi a rana e Jairus,a mugamuga na roho e Deo,valai i boru puru na vahane Isu,pali nanea ge valai na ruma vona ⁴² nara e tuna ngatavine i ala taku kunana i tahoka pida i ravulu a polona i rua,i mate.Na tahuna e Isu ge loko vonga,huriki a bakovi a ngatavine ri kapi karia. ⁴³ Pali tahoka tara ngatavine ia vonga i dara na pida i ravulu a polona i rua i voroki lobo a moni vona,pali koma i lobo. ⁴⁴ Ia i valai na bitone Isu i tugu kunane harena varikia vona,mavilangau kunana i lobo ni dara. ⁴⁵ Isu i tamaea,"Erei nugau?"pali e huriki ri tamaea uka,e Pita i kolia,Viri Dagi,i kupo e huriki a bakovi a ngatavine si laho palupu si vapipi. " ⁴⁶ Pali e Isu i tamaea,"Tahoka viri nugau, nara Iau a hataki maea i pagi tala nau a ni tora." ⁴⁷ Na tahuna ra ngatavine e i matai maea ia koma ge kapiloho,ia i valai i boru puru muga ne Isu.Na matane huriki lobo pali takia i navai a hiningi i nugua e Isu pali ia i lobo liu a gilanga vona. ⁴⁸ Muri e Isu i kolia i tamaea,"Koma ngatavine a ni luhoi tora vomu kunana i rata ioe o mahuri.vano turana ni tamudi kamumu." ⁴⁹ Na tahuna e Isu i tata, i valai tara mugamuga na roho e Deo,i tamaea,"E tumu i mate.Nahani vaka paea tabua e vinara." ⁵⁰ Pali e Isu i loonga ra hininga, Ia i kolia e Jairus,"Nahani mangenge;o luhoi tora kunana,pali ia bari mahuri." ⁵¹ Na tahuna Ia i valai na ruma,ia koma i ngarua tara viri ge dili turana na ruma,e Pita e Jon e Jems pali e tamana e kinana kunana to turana to dili na ruma. ⁵² Pali e huriki lobo ri tatangi ri dodoa ra koma ngatavine,pali e Isu i takia ria maea,"Mu nahani tangi;ia koma i mate i mahita kunana." ⁵³ Pali ria ri nongo vakia, nara ria ri luhio maea ra komae i mate pali. ⁵⁴ Pali e Isu i nugua na limana i galea,i Tamara,"Koma,pedi rike!" ⁵⁵ Pali a spirit vona i hamule dili vona,pali malaviriri kunana ia i hadongo mule.Pali taki tou maea ia i vitolo. ⁵⁶ Pali e tamana e kinana ru turutu,pali e Isu i taki tou maea nahani rigi taki ne huriki ranga ara maki bele.