1
Na hetelanga na ni tubuna parava na tahuna,ria to valai na matmat,ri bole ara maki mangi sipa ri rupuru.
2
Ria ri matai maea ra kedo ni tukara matmat vona ni ru tala.
3
Ria ri dili,pali koma ri masia podane Isu.
4
Tara maki i bele maea,na tahuna ria ri luhoi lege vona ra hininga,vaka turutu,bakovi aka rua ru pesi na dahane tou turana varikia ne tou i parahidi.
5
Pali ra ngatavine nga to mangenge hateka pali to lolu puru na malala,pali tou to nana maka ngatavine maea,"Navai moto matakanea bakovi i mahuri na palane huriki a bakovi ri mate?
6
Ia koma ia koia,ia i hadongo mule pali!Ia i taki matou pali o Galili,
7
ta maea Tuna Bakovi bari ni habi na limane hurika bakovi ni rata naro hale pali bari bimatea,pali na parava i tolu ia bari pesi rike. "
8
Pali maka ngatavine to luhoia ngava i taki tou vona
9
pali to hamule to taki ra murimuri to ala ravulu taku a polona i taku pali e huriki ranga.
10
Ngane e Maria Makdala,e Joana,e Meri kinane Jems,pali ranga ngatavine ri vano ri habia ne huriki a aposel ra maki bele.
11
Pali hurika aposel ri luhoi maea i rata lulu a maka ngatavine, pali koma ri luhoi torea ra ngava ea.
12
E Pita i pesi rike i nunu lakea na matmat,pali,i pesi i mata dili,i matai a varikia tou to kapo e Isu vona.pali hamule na tanga,i luhoi lege vona maki bele.
13
Malaviriri kunana, a murimuri vona i ala rua ru vano ru lakea vona tara tanga ni gale Emaus,i manga kilomita i ravulu taku basi ne Jerusalem.
14
Rua ru vata vona maki bele.
15
tara maki i bele maea,natahuna rua ru vata ru vanana palupu,to vakorokoro Isu pali to laho palupu to vano.
16
Pali rua koma ru matakilalea.
17
Isu i taki ru maea,"Ara muru takia na tahuna marua muru lalaho?"Ru pesi matasia.
18
Tara ne rua,rana e Kliopas, i kolia,"Ri ioe koma o longa ara maki bele o Jerusalem?"
19
Isu i taki rua maea,"Ara maki?"Ru kolia maea,"hurika maki ne Isu a bakovi o Nasaret,a propet,i rata maka mirakel pali habi a maka ngava i kamumu na matane Deo turana bakovi,
20
Pali navai i bolea e huriki a mugamuga a matakari ri habia ni bimate i mate ni vakatau.
21
Pali mia m luhoi tora maea ra bakovi ea ia bari kori mule hurika bakovi a ngatavine o Israel na limane hurika bakovi hale.pali,ara tabu,i tolu ngane a parava i polo vona ra hininga i bele.
22
Mavonga, ranga ngatavine a turane mia to rata mia mi turutu,nara tou to valai na matmat na hetelanga ngane.
23
Na tahuna tou koma to masia podane Isu,to hamule,to vakalongo maea tou vonga i bele taho tou a maka engel pali to taki maea ia i mahuri.
24
Ranga bakovi ne mateu to nunu lakea na matmat to matai ara maki taki mateu vona maka ngatavine."
25
Pali e Isu i taki ru maea,"Hurika bakovi a manga pali uka ni tamudi rike ni luhoi tora na maka maki taki a maka propet!
26
Re mua koma mu palala maea Kristo ge bole taro a ni madihi, pali muri ia bari dili na bagetuanga vona?"
27
Pali ia i vakatubu ne Moses lakea na maka propet,ara ngava i taki ne vona i tabuli na buk e Deo.
28
Na tahuna tou to valai tabukoi na tanga to lakea vona,pali e Isu i rata maea ia i ngaru ni lokovonga.
29
Pali rua ru takia, maea,"Made turane maria,nara i malunga ngane a hiningi popote bari rodo."Pali e Isu i made turane rua.
30
Tara maki bele maea,na tahuna to made togo kani,i bole bret,i gamai, i habi ne tou.
31
Muri a matane rua i mapaga,pali I palala vona,pali ia i velu tavula vonga.
32
Pali rua ru vata ne rua maea,"Muholi hateka na tahuna ia i laho turane maria na dala, ia i taki a maka ngava na buk ne Deo,pali maria miri turutu?"
33
Ru pesi rike ru hamule tabu o Jerusalem. Na hini bung vona e huriki a murimuri vona turane huriki ranga,
34
ri tamaea,"Muholi hateka Viri Dagi i mahuri mule pali,pali bele ne Saimon."
35
Pali ru taki ara i bele ne rua na dala,pali i navai ne rua ru matakilalea na tahuna ia i kevea bret.
36
Na tahuna rua ru tata,Isu i valai pesi turane ria,pali tamaea,"Ni vivi ge tabuli turane mua."
37
Pali ria ri mangenge hateka, pali ri luhoi maea ri mataea hanitu.
38
Isu i taki ria maea,"I navai mu mangenge? I navai mu luhoi lege na tamudine mua?
39
Mu mataia limagu a pakagu, mu nugau mu matai Iau.pali a hanitu i uka kakaina pali a tuhana,pali my matai Iau a tahoka."
40
Na tahuna ia i taki ra hininga i vakasiri a limana turana pakana.
41
Na parava ria koma ri vivi ri luhoi lege, Isu i nana ria,"Mua mu tahoka ranga maki ni kani tabuli mugu kani?"
42
Pali ri habia vona tara manu ni kuku na naru tavula,
43
pali bolea i kania na matane ria.
44
Isu i taki ria maea,"Na parava Iau a turane mua,Iau a taki mua maea hurika ngava lobo ni here na lo e Moses ne hurika propet pali na buk e song ge bele Mavonga. "
45
Pali rata ni luhoi ne ria i mapaga,pali rigi palala vona virika ngava i tabuli na buk e Deo.
46
I taki ria maea,"Ni here maea,Kristo bari bola ni madihi bari mate muri na parava i tolu ia bari mahuri mule na ni mate.
47
Mavonga a leho ni pula tamudi turana ni paga voroki a sin na viri na rane Isu ge vaka tubu o Jerusalem.
48
Pali mua kunana bari mu taki talea ra hurika maki nga.
49
Masia,Iau bara rudua tara maki bari valai ne mua maki i ta gamaia.Pali mua mu dava o Jerusalem vano na tahuna mua mu bolea ni tora i valai polomeli. "
50
Pali bole tala ria e Isu na tanga dagi pali ri valai tabukoi o Beteni.Isu i toto rikea limana i gamai ria,ia i hataro ria pali sike na hunu.
52
Pali ria ri turume puru vona ri hamule lakea o Jerusalem turana ni vivi.
53
Ria na parava vakaroro pololilo na tempel,ria ri kavurikea rane Deo.