¹ Vona ra parava ia ,ranga bakovi ri vaka longoa e Isu maea re Pailet i taki a maka nugu maheto vona ri bole a maka bakovi o Galili ri bimate ria pali ri guru langa na maka maki ni habi ne Deo a darane ria. ² Isu i koli tou i tamaea,"Matou moto luhoi maea ra huriki a Galili nga ni bimate ria ri sin hateka ne huriki a Galili ranga Mavonga to bolea ra ni mava ea? ³ Uka,Iau a taki matou.Mua koma mu nana no dodo ne Deo na maka naro hale ne mua,mua lobo bari mu mate manga ria. ⁴ O ra bakovi to ala ravulu a polona I polo tolu i bimate tou a ruma o Siloan,mu luhoi navai ria ri sin hateka ne huriki ranga bakovi o Jerusalem? ⁵ Uka,Iau a taki matou. Mua koma mu nane Deo na ni dodo ne hurika naro hale mua,mua lobo bari mu mate ." ⁶ Isu i takia tara ni ta vakakika, "Tara bakovi i varoa kai a fik pololilo na hania na wain ia i valai ni gosia kai i vua o uka pali masia maia koma i vua kai. ⁷ A tahona hania i takia voravora na hania maea,'Masia,i polo ngane a pida i tolu pali koma masia ra kai ea ge vua.Tolo purua.Navai ge pesi ge vakalobo tavula namona malala?' ⁸ "Pali a voravora i kolia i tamaea,'O rua vona ra pida ea ga ru vona ranga maki ge ratea ge vua. ⁹ Pali ia ge vua na pida girira,i kamumu;ge uka,pali nigi tolo puru!" ¹⁰ Pali na parava na Sabat e Isu i vara pololilo vona tara roho ni vasileki. ¹¹ Malaviriri kunana,i tara ngatavine i tabuli vona spirit hale i ratea i tahoka gilanga na bito modo na pida i ravulu taku a polona i polo tolu. Pali koma i kara ni pesi tavaga. ¹² Na tahuna i masia e Isu,i galea i takia maea,"Ngatavine, i lobo a gilanga vomu." ¹³ Isu i toto langa vona limana,pali malaviriri kunana i tavaga rike pali ia i kavurikea e Deo. ¹⁴ Pali e huriki a mugamuga na roho ni vasileki ri masia ra hininga ri pula na ra e Isu i rata ra hininga na parava na Sabat.E huriki a mugamuga ri taki e huriki maea,"I tahoka parava i polo tara ni rata leho vona.Mu valai bari ni vakalobo a gilanga mua,mu nahani valai na parava na Sabat." ¹⁵ E Viri Dagi i kolia ria i tamaea,"Mua bakovi ni tatami!I navai Mua koma mu luhoi ni paga mota vona hurika donki o a kau mua mu bole ria rigi vano ri ninu na Sabat? ¹⁶ Ra ngatavine ea ia tune Abraham,erei i rua e Satan na bavi na pida i ravulu taku a polona i rua,ra ni made vona na bavi koma i kara nigi bole tala nara vuna ia parava na Sabat ?" ¹⁷ Na tahuna i taki ra hininga,e huriki ri ta hale vona ria ri maruhu,pali e huriki lobo ri vivi hateka vona ara maki kamumu ia i rata. ¹⁸ Muri e Iau i ta i tamaea,"I navai a harikianga ne Deo,pali ara maki ge kara vona? ¹⁹ I manga vutuna kai a masted i bole a bakovi i voro na hania,pali koru rike i manga kai dagi,pali a maka kadirovo na hunu ri haia nune ria na rahana kai." ²⁰ Ia I ta tabu I tamaea,"Pali ara maki Iau ga takia ge karea harikianga ne Deo? ²¹ Ia I manga ist I bole ngatavine I vuli turana plaua." ²² Pali muri e Isu i laho ne huriki a tanga dagi turana maka tanga kiroko,i tovo e huriki pali ia i loko Jerusalem. ²³ Tara viri i takia i tamaea,"Viri Dagi,i ala popote kunana e huriki ge bole mule ria e Deo?"Pali ia i koli i tamaea, ²⁴ "Mua mu toni lae ni dili vona nihebi i bala holo,nara,Iau a taki matou,i ala kupo bari ngaru ni dili,ria koma ri kara ni dili. ²⁵ Na tahuna a tahona ruma i hebia ni hebi,mua bari mu pasi polo vavo na ni hebi bari mu tamaea,Viri Dagi,Viri Dagi,mateu metege dili, "Pali ia bari koli i taki matou maea,'Iau koma palala matou o moto valai.' ²⁶ " Muri mua bari mu tamaea,'Mia i kani mi ninu na matamu pali ioe i vara mia ne hurika dala na tanga.' " Pali ia bari koli i tamaea,'Iau a taki matou,Iau koma palala ne matou moto valai vai.Pagi tala nau,mua bakovi hale!' ²⁸ Bari mu tangi i vaheri a ngingi na tahuna mu masia e Abraham,e Aisak,e Jekop,pali turana e huriki a propet na harikianga ne Deo, mua bari ni voroki tala. ²⁹ Huriki bari valai na tabekena malala lobo bari valai ri dili ri kani na harikianga ne Deo. ³⁰ Pali mu longo,huriki ri valai muri bari muga,pali e huriki ri valai muga ria bari muri." ³¹ Pali e Isu i ta lobo,ranga Parisi ri valai ri takia ri tamaea,"O hataroa hininga nara e Herot i ngaru ni bimatoe." ³² Isu i koli i tamaea,"Mu vano mu takia ra kaugara hale,'Mu longo,Iau a lili tala spirit hale pali a vaka lobo a maka gilanga na parava mona pali kuduvi, pali muri na parava i tolu Iau bara vaka loboa leho nau,' ³³ Na maki ranga,i kamumu ne nau ni vaka loboa leho nau na parava mona pali na parava kuduvi,a parava muri ia koma nigi bimate tara propet na tanga tebi uka ia ge mate o Jerusalem. ³⁴ Jerusalem, Jerusalem, erei i padi na kedo pali ri bimate e huriki a propet ni rudu valai ne vomu.Iau a ngaru hateka ni kalipopo mua lobo manga kureko i kavutagu e tuna na karapana,pali mua koma mu ngaru ra hininga. ³⁵ Masia,a ruma mua i uka maki.Iau a taki matou,mua koma mugu mata iau na tahuna mu tamaea,'Deo ge rata kamumua bakovi erei i valai na rane Viri Dagi."