Koma i tabaka,kupo hateka e huriki a bakovi a ngatavine ri vapopo pali ri vapipi ri paha lae ria,muga ia i taki a maka murimuri vona,"Moto mata doko vona ist ne huriki a Parisi,turane huriki a bakovi ni tatami. ² Pali uka tara maki ge kapo loho kemege bele kava. ³ Pali ara ngava o ta kapiloho vona na rodo ia bari bele na kava na hini palala,pali ara o takia na talingamu pololilo na rum ia bari ni ta tala vona polo vavo na ruma. ⁴ Iau a taki matou,hurika turagu,mu nahani mangenge na viri ni bimatea kakaimu,pali muri ri uka maki ni rata tabu. ⁵ Pali Iau bara taki mua vona erei mugu mangenge vona. Mangenge vona viri erei,muri ne vona i bimata viri,ia i tahoka ni tora ni voroki puru mua na hel.Mavonga,Iau a taki matou,mu mangenge ne vona ⁶ A kadirovo i lima ni habi nigi kona na toea i rua?Pali uka tara ne tou ge laka burongia e Deo. ⁷ A hurika vune mua na gine mua ia i gi lobo.Nahai mangenge. Mua mahala hateka ne hurika kadirovo. ⁸ Iau a taki matou,tara viri taki talau na matane huriki a bakovi a ngatavine, Tune Bakovi ia tara bari taki talea na matane huriki a engel vona, ⁹ pali erei rahilolo Iau na matane huriki ia bari ni rahilolo a rana na matane huriki a engel e Deo. ¹⁰ Huriki lobo ri ta hale ne Tuna Bakovi, ia bari ni pagea naro hale vona,pali erei i ta hale na Hunu Kiripiripi, ia koma ge pagea naro hale vona. ¹¹ Na tahuna ni bole mua lakea na roho ni vasileki, huriki a mugamuga pali e huriki ri tahoka ni tora ni rata pile mua,nahani mangenge vona mua mugu ta navai ni kori mua,o ara mugu takia, ¹² na ra e Hanu Kiripiripi bari tovo mua vona ra parava ia ara mua mugu takia." ¹³ Pali tara viri pololilo ne huriki a kabuna bakovi a ngatavine i ta i tamaea,"Vinara,o takia e tarigu ge vaveru maria hurika mahala e tata." ¹⁴ Isu i taki maea,"Bakovi,erei i pasi Iau ge Iau a bakovi ni vavera maki ne marua?" ¹⁵ Pali Ia i taki tou maea,"Mata kari kamumu matou ma mugu ngutu,pali mugu ngara maki i kupo.Na ara ra hurika maki nga koma ge haba ni mahuri ne matou." ¹⁶ Muri e Isu i takia tara ni ta vakakika,maea,"A hania na tara bakovi i tahoka mahala i moro haleliu, ¹⁷ Pali ia i luhoi lege,i tamaea,'Ara ha ratea,na ara Iau a uka hiningi ga ru vona a maka maki ni kani?' ¹⁸ Ia i tamaea,'Iau bara rata maea.Iau bara bipuka puru a maka ruma kiroko pali ga rata tabu a maka ruma dagi,ngane bara ru dili vona maka maki ni kani turana maki ranga pololilo na ruma. ¹⁹ Pali Iau bara ta maea," ²⁰ Pali e Deo i takia i tamaea,'Ioe a manga manga,mona na rodo bari o mate. a virika maki ioe o rata puru,erei he bole?' I manga kunana tara bakovi i ngaru ni ru a maka mahala kamumu ne vona pali ia koma i tahoka mahala ne Deo." ²² Isu i taki a maka murimuri vona, Mavonga Iau a taki matou,nahani dodo mule ioe,maea ara go kania;o a kakaimu,ara go rodoa. ²³ Nara ni mahuri vomu ia maki dagi na maki ni kani,pali a kakaimu ia maki dagi na varikia. ²⁴ Isu i taki ria i tamaea,"Mu matai a maka kadirovo ria koma ri luhoi ni varo o rigi lipu a maki ni kani.Ria to uka ruma ni ru a maki ni kani vona,pali e Deo i vakani ria.Pali mua mu rede a maka kadirovo! ²⁵ Erei ne mua i kara ni kalia ni made mahuri vona ge loko vonga ranga? ²⁶ pali mua koma mu kara ni rata hurika maki kiroko,i navai mu dodo a maka maki ranga? ²⁷ Mu masia plaua,ri koru navai.Ria koma ri leho,o rigi rahi a varikia ne ria.Mavonga Iau a taki mua,hosi e Solomon ia i rodo a maka varikia i bagetu,pali a maka plaua i rede a maka bagetuanga na varikia vona. ²⁸ Na tahuna e Deo i rata kamumu pali vaka bagetua a maka plaua na parava i kapo kunana,pali muri bari ni palakudu ni voroki puru na kanono,Mua a mahala na matane Deo pali mu rede a maka bagetuanga na plaua,Mua huriki i popote a ni luhoi tora ne mua! ²⁹ Nahani mata kana maki go kani o a maki go ninu,mu nahani dodo re hurika makingi. ³⁰ Ne huriki a tanga dagi lobo na malala ri mamata vona re hurika maki nga,pali e Tamamu ia i palala maea ngaru ra hurika maki nga. Mavonga mu mata kana taroa harikianga ne Deo,muri ra hurika maki nga bari valai ne vomu. ³² Nahani mangenge,mua maka sipsip kiroko,na ra e Tamane mua i vivi ni habia mua harikianga vona. ³³ Habi ne huriki a matasia a mahala vomu.O ratea pou vomu ge nahani ropo a maka mahala kamumu na hunu i uka ni lobona,i uka panaho ge valai tabukoi,o a mogo ge rata pile. ³⁴ Hini vai i tabuli vona mahala kamumu vomu vona,a hatemu bari vona ra hiningi. ³⁵ "Mu kolo tata maka varikia mua i ola hateka, pali mu ru a maka lam mua ge hube, ³⁶ manga e huriki a bakovi a ngatavine ri mata kanea mata kari ne ria na tahuna ia i hamule na vaponga ni parangi,pali ia i valai i tutu lidi na ni hebi,pali ria malaviriri a ni hebi i mataka vona. ³⁷ Vivi ne erei a voravora i tabana ni mamata pali bele a matakari. Muholi hateka Iau a taki mua,bari ni kolotata kamumu a varikia ne ria pali bari made puru na dede ni kani,pali ia bari haba maki ni kani ne ria. ³⁸ Pali ra matakari ea ia ge hamule valai tabu na rodo,o i bloko tolu i matai tou koma to mahita,tou to davea,vivi ne tou a voravora. ³⁹ Pali mua mu palala vona ra hininga, i maea a tahona ruma i palala maea e huriki a bakovi ni panaho bari valai,ia koma ge rua ruma vona nigi dili vona. ⁴⁰ Mu dava kunanea,na ra koma mu palala vona haua ne Tune Deo ge valai." ⁴¹ Pita i takia e Isu i tamaea,"Viri Dagi,ra ni ta vakakika o takia o rata kunana ne mateu,o ne huriki ranga?" ⁴² Muri e Isu i kolia i tamaea," A voravora ge vivi nara tahuna a matakari vona i hamule valai i masia maea ia i leho. ⁴³ Ra hurika voravora maea ria rigi vivi na tahuna i matai maea matakari vona i rata maka leho vona. ⁴⁴ Muholi hateka Iau a taki mua maea ia bari rua ra voravora bari matakari a maka maki vona. ⁴⁵ Pali Mavonga ra voravora ea i ta na hatena maea,'A matakari nau koma ge hamule laviriri, 'pali ia i vaka tubu ni tepu a maka voravora bakovi a ngatavine pali kani i ninu i spak, ⁴⁶ pali a matakari na voravora i bele na parava ia koma i luhoi maea ia ge valai.Ia bari ni rata pile pali bari ni ru na tanga tara turane huriki a bakovi ni longo taro. ⁴⁷ Ra voravora, Ia i palala vona ara leho a matakari vona i ngaru ge ratea,pali ia koma i rata ra leho manga hiningi ngaru a matakari,ia bari ni hutu bloko kupo. ⁴⁸ I tara voravora koma i palala na ara leho i ngaru matakari ge ratea,pali ia koma i leho kamumu,mavonga ia bari ni hutu popote kunana.Huriki ri bola maki kupo,ria rigi habi mule a maka maki ge kupo.Pali i tara voravora i habi vona matakari a maki kupo ge matakari,pali ia ge habi a maki ge kupo. ⁴⁹ Isu i tamaea"Iau a valai ni voro a kanono na malala,pali a ngarua ra kanono ea ge nono laviriri. ⁵⁰ Iau a tahoka ni hilolo bari ni vahilolo turana,pali Iau koma bolea ma ra ni hilolo ea a hatakia pali ani madihi! ⁵¹ Mu luhoi maea Iau a valai ni haba ni tamudi kamumu na malala?Uka,Iau a taki mua,Iau a valai ni bitarida hiningi ⁵² Ngane muri ma bari ala lima na ruma i taku tou bari to vapida,tolu bari to tepu i ala rua,pali rua koma rugu tamudi taku ne tou ala tolu. ⁵³ Ria bari vapida,Tamana bari tepua e tuna bakovi pali a koma bakovi bari tepua e tamana,kinana bari tepua koma ngatavine pali a koma ngatavine bari tepua e kinana,kana ngatavine bari tepua e kana ngatavine pali e kana ngatavine bari tepua e kana ngatavine," ⁵⁴ Isu i taki e huriki maea,"Na tahuna mu masia bubu i rike na hiningi puru vona haro,malaviriri kunana mu tamaea,'A vala bari boru,'pali i boru a vala. ⁵⁵ Na tahuna i pori a nalae,mua mu tamaea,'A haro poki bari bele,'pali bele manga hiningi my taki. ⁵⁶ Matou a bakovi ni tatami, mu luhoi kado a maka ara maki ge bele na hunu a malala,pali navai koma mu kara ni luhoi kadoa ara maki i bele vona ra parava ea? ⁵⁷ I navai mua koma mu luhoi kado kamumua ara maki a naro malimali? ⁵⁸ Pali ioe turana bakovi murugu vaplakado na ngava muru laho palupu, ioe o toni ni kado malaviriria potu vomu.Ia mege bole ioe lakea na bakovi ni palakado a ngava,pali ia bari habi ioe na limana matakari na bavi pali ia bari ru dili ioe na bavi. ⁵⁹ Iau a taki matou,koma mugu pori na bavi vano na tahuna mua mu koli lobo a moni."