¹ Na parava tara e Isu i vasileki.Na tahuna ia i lobo,i valai tara murimuri vona i takia i tamaea,"Viri Dagi,o tovo mateu ni vasileki manga e Jon i tovo e huriki a murimuri vona." ² Pali Isu i kolia i tamaea,'Tata,a ramu i kiripiripi.A harikianga vomu ge valai. ³ Habia mateu a bret vona parava mona. ⁴ Pali o pagea naro hale mateu,na ra mateu mete laka burongi a maka naro hale ne huriki ri rata virihi matou.Pali nahani ru a maka ni toni ge valai matou. " ⁵ Isu I taki tou i tamaea,"Ne erei matou ge tahoka turana,pali ge vano ge luve tahoa na rodo,pali ge takia maea,'Turagu,o habi nau a bret ge tolu, ⁶ na ra i luve tahau tara turagu i valai basi pali iau a uka bret ni habi vona?' ⁷ Pali a turana pololilo na ruma ge kolia ge tamaea,'Nahani pae iau.A ni hebi na ruma ni tukari pali,a maka koma to mahita pali.Iau koma ga hadongo ga haba bret vomu." ⁸ Iau a taki matou,a tahona ruma bari koi ni hadongo ni haba bret na turana,pali a turana i gale hateka,pali ia bari hadongo bari habi vona a bret i kupo hateka. ⁹ Mavonga Iau a taki matou,mu nana,pali bari ni habi matou;mu mata kana,bari mu mata visia;mu tutu lidi na ni hebi,pali bari ni tala mua ni hebi. Huriki ri nana bari bolea,huriki primate kana,bari matavisia pali huriki ri tutu lidi, bari ni tala nihebi ne ria. ¹¹ Erei a tamana koma ne matou,e tumu i nanoe na manu,ioe go haba mata vona ge bola murina manu? ¹² o ge nana kiau,pali ioe go haba haliva vona? ¹³ Mavonga, Mua bakovi ni rata sin,mua mu palala ni haba maki kamumu ne huriki e tune mua,manga kunana e Tamane mua i made meli na hunu ia i vivi ni habia e Hanu Kiripiripi ne erei i nanea?" ¹⁴ Pali e Isu i tahatea talea spirit hale na tara bakovi i ratea koma i ta.Natahuna i pagi tala ra spirit hale ea, ra bakovi koma i kara ni ta i ta tala,pali e huriki a bakovi a ngatavine ri turutu. ¹⁵ Pali ranga ri tamaea,"Ia i kara ni lili tala spirit hale na no tora ne Belsebul,a viri dagi ne huriki a spirit hale." ¹⁶ Pali ranga ri gale dagi ri takia e Isu ge vakasiri tara mirakel rigi masia maea ia i valai na hunu. ¹⁷ Pali e Isu i palala vona pali a ni luhoi ne ria pali taki ria i tamaea,"Hurika tanga dagi ri vapida na tabeke i rua ri vaubi ria bari haleliu,pali huriki ri made na ruma i taku ri vaubi mule ne ria,ria bari made hale. ¹⁸ Pali e Satan i vaubi mule turana e huriki a turana,ge navai ge kara ni mugamuga ne ria tabu?Iau a tamaea nara matou moto taki Iau a lili tala spirit hale na ni tora ne Belsabul, ¹⁹ Pali i muholi Iau ga lili tala spirit hale a ni tora ne Belsabul,pali a tara ne mua ri lili tala spirit hale na ni tora ne erei?Vona ra hininga huriki bari luhoi kado matou. ²⁰ Pali Iau ga lili tala spirit hale na limane Deo,muri a harikianga ne Deo i valai ne mua. ²¹ Isu i ta tabu i tamaea,"Pali tahoka bakovi i tahoka maki lobo ni vaubi i mata karia ruma vona,hurikia maki vona bari tabuli kamumu, ²² pali tahoka tara bakovi i tahoka hateka maki ni vaubi i vaubi turana pali pahadanua,pali is bari bole lobo a maka maheto vona ni vaubi,pali bari bole a maki mahala na ruma. ²³ Bakovi koma i pesi turagu,ia i made manga pile nau.Pali erei koma i turagu ni kalipopo e huriki, ia i valili ria lae. ²⁴ Pali e Isu I ta i tamaea,"Na tahuna a spirit hale i pagi tala na bakovi,ia bari vano i lakea na tanga i uka naru vona ge matakana ni malo.Pali ia koma i patavisia hiningi, ia bari tamaea,'Iau bara hamule maia bakovi a made vona hosi,' ²⁵ Na tahuna ia i hamule i masia maia a ruma ri palakado pali a maka maki i tabuli kamumu,pali uka viri vonga. ²⁶ Ia i vano i bole a turana a spirit hale i ala polo rua,koma to palupu na narone tou.Bari to dili na ruma to made.Ra bakovi ea muga i made hale,pali ngane bari made haleliu. " ²⁷ Na tahuna e Isu i tata,i taki ra hininga,i tara ngatavine i gale tala a palane huriki i tamaea,"Ra ngatavine i bodoe i vaka ruroe ia ge vivi." ²⁸ Pali e Isu i kolia i tamaea,ioe bari o tamaea,Vivi ne huriki ri longoa ngavane Deo pali ri ramaia." ²⁹ Kupo ngane e huriki, Isu i vaka tubu ni tamaea,"Huriki a bakovi a ngatavine vona ra parava ea ri hale.Ria ri nanea ge ratea tara mirakel rigi masia rigi luhoi maea ia i rudua e Deo ni valai.Pali tou koma togo masia tara mirakel.Ria bari masi kunanea mirakel e Jona. ³⁰ Hosi e Jona i bele manga mirakel,E Deo i vakasiria ne huriki o Ninive,Pali ne Tuna Bakovi bari bele manga mirakel ne Deo ne huriki vona ra parava ea. ³¹ Tara kwin bari valai ne Saut na parava na ni vaplakado turane huriki a bakovi a ngatavine vona ra parava ea pali bari rata pile ria,ia i valai na ni lobona malala ni longoa ni luhoi kamumu ne Solomon,pali masia,tara viri koma i karea e Solomon ia koia. ³² Huriki a bakovi a ngatavine o Ninive bari pesi na kot e Deo,bari taki tala a hurika naro hale ne huriki vona ra parava ea.Na ra ria ri taki tala hurika sin ne ria na parava e Jona i tata,pali mu masia,tara viri i dagi ne Jona ia koia. ³³ Uka tara viri,ge namia mal,pali ge rahiloloa o ge ru polotanoa na palo,uka ia bari ru polomelia na murina,nara erei bari dili na ruma ia bari masia ni para. ³⁴ A matamu i manga lam na kakaimu.Tahuna a matamu i kamumu,ioe o laho na ni para.Pali na tahuna i hale a matamu,ioe o laho na uvo. ³⁵ Mavonga, mu mataki kamumua ni para pololilo ne mua mage mate. ³⁶ Pali a kakaimu lobo i para pali uka tara hiningi na kakaimu ge uvo.Mavonga kakaimu lobo bari para manga ni para i habia lam ." ³⁷ Na tahuna i lobo ni ta,i valai tara Parisi i nanea ge kani turana na ruma vona,pali e Isu i vano turana. ³⁸ Ra Parisi ea i luhoi lege vona e Isu na ra ia koma i vahiloloa limana muri ge kani. ³⁹ Pali e Viri Dagi i taki tou maea,"Matou a Parisi moto luhoi ni palakado hini polo valo na kap a pelet,pali a hini pololilo ne matou i vonu na naro hale. ⁴⁰ Mua bakovi mu manga!Ra bakovi i ratea hini polovavo ia koma i ratea hini pololilo? ⁴¹ Habi ne huriki ri uka maki ara maki pololilo,pali muri a hurika maki lobo bari matapado. ⁴² "Iau a taki matou a Parisi,nara matou moto haba kobo turana maka maki ni kani na hania manga i ravulu kunana,pali mua koma mu ngarua e Deo,pali mua mu hataro pali a naro malimali.I kamumu hateka mua mu rata naro malimali pali mu tahoka ni ngaru ne Deo,pali koma mu hataro ranga lo. ⁴³ Iau a taki matou a Parisi,ne vomu o ngaru hateka ni made muga na roho ni vasileki pali mu ngaru e huriki a bakovi a ngatavine rigi ta kamumu ne mua na tanga ni vakona maki mi kani. ⁴⁴ Iau a taki matou.Mua mu manga tanga ne huriki ri mate pali i tabuli kapiloho,koma ni palala vona pali ni laho langa vona. ⁴⁵ Tara bakovi ni lohoka na lo i takia i tamaea,"Vinara,ara ngava ioe o takia i rata pile mateu." ⁴⁶ Pali e Isu i kolia i tamaea,"Iau a taki matou,a vinara na lo!mua mu luhoi ni haba ni mava ne huriki a bakovi a ngatavine, pali koma mu luhoi ranga maki ge kori ria. ⁴⁷ Iau a taki matou,ara matou moto rata murine huriki a propet ri mate,pali bimate e hurike tubune mua. ⁴⁸ Vona ra naro matou moto vakasiria ne huriki a bakovi a ngatavine maea,matou moto tamudi taku turane huriki e tubune matou.Na ara,tou to bimate a maka propet pali matou moto tanu tou. ⁴⁹ Vona ra hininga tabu,ni luhoi kamumu ne Deo ia i ta i tamaea,'Iau bara rudu tala ne tou a maka propet a maka murimuri nau,bari ni rata pile ria pali ranga bari ni bimate.' ⁵⁰ Ra tara vona ra parava ea,a darane huriki a propet ni bimate hosi na malala i bele, ⁵¹ tubu na darane Abel valai na darane Sekeraia,erei ni bimate pololilo na roho ni vasileki muga na altar a hini made vona e Deo.Mavonga,Iau a taki matou,huriki bona ra tahuna ea bari bola vuranga vona a naro ni rata hosi ne huriki a propet. ⁵² Iau a taki matou a bakovi ni palala na lo,na ara matou moto bole talea pali a ki ni bola ni luhoi kamumu;mua koma mu dili kikeri,pali mua mu ta kari vona e huriki ranga ri ngarua ni dili." ⁵³ Muri ne Isu I hataroa hiningi,a maka bakovi ni palala na lo turane huriki a Parisi ri vagege turana na maki kupo, ⁵⁴ Ri tonia ge puru mule ne huriki a ngava vona.