¹ Pali muri vona ra hininga, E Isu e pasi tala tabu i ala ravulu polo rua,pali rudu ruarua tu muga lakea na tanga ia bari lakea vona. ² Ia i taki tou i tamaea,"A maki ni kani i moro pali i kupo,pali a voravora ge bole ra maki ni kani ea i uka i popote.Mavonga moto takia e Viri Dagi ge rudu tala e huriki a voravora rigi bolea maki ni kani. ³ Mu vano,Mu masia,Iau a rudu matou dili na palane huriki kaugara manga sipsip. ⁴ Nahani bola pou na moni,o a hole,o a sedel,pali na hani ta kamumu turana rata viri na dala. ⁵ Ara ruma matou moto dili vona,muga moto tamaea,'Ni tamudi puru ge tabuli turane matou vona ra ruma ea!' ⁶ Pali a bakovi ni tamudi puru i made,is bari bolea ngavane kamumu ne matou.Pali uka bakovi maea,Mavonga ra hurika ngava kamumu matou bara i hamule mai matou. ⁷ Pali mua mu made kunana vona ra ruma ia.Pali mu kani mu ninu ara maki ni habi ne matou.Na ra,huriki voravora bari bola mapane ria.Pali nahani laho laea ne hurika ruma. ⁸ Erei a tanga dagi moto dili vona,pali ni bole matou, mu kani ara maki ni habi matou ⁹ pali Mavonga mu vaka lobo a virika gilanga i tabuli pololilo vona ra ruma ea.Pali mu taki ria maea,'A harikianga ne Deo i valai tabukoi ne matou.' ¹⁰ Pali erei a tanga dagi moto dili vona pali koma ni bole matou,mu pori ne huriki a dala pali mu taki ria maea,v 11'A habulo na tanga mua i madoko tata na pakane mateu,ia mete puraki talea ngane.Ia i vakasiri maea ara naro mu rata virika mateu koma i kamumu!Pali Mia my luhoi maea.'A harikianga ne Deo i valai tabukoi ne mua,' ¹² Iau a taki matou maea na parava na ni vaplakado a ni mava i mata hale hateka ne Sodom koma i kara ne vona ra tanga dagi ea. ¹³ Isu I ta tabu I tamaea," Dodo e huriki a bakovi a ngatavine ri made o Korasin pali o Betsaida!pali a hurika mirakel I rata ne mua,pali he kara ge bele na tanga dagi o Tair o Saidon ri kara ni ta duku na sin e ria,pali rigi rodo a varikia ni ta duku.Ria ri kara ni made puru na malala pali rigi puli kato ria na havulana kanono na kakaine ria. ¹⁴ Pali na parava na ni vaplakado, ni mava mua bari mu bolea bari dagi hateka na ni mava bari bole o Tair pali o Saidon. ¹⁵ Matou a Kapenaum,mua mu luhoi maia nigi kavurike mua meli na hunu?I uka,matou bari ni rupuru matou polotano liu. ¹⁶ I uka tara viri ge longo mai matou ge longo Iau,pali erei i haba bito ne matou ria ri haba bito ne nau,pali erei haba bito ne nau,ia i haba bito na viri rudu Iau." ¹⁷ Pali ra bakovi to ala ravulu a polona i rua to hamule turana ni vivi,to tamara pali ri takia e Isu maea,"Viri Dagi,re huriki a spirit hale ri longo mai matou na tahuna mateu mete kilalea ramu." ¹⁸ Isu i koli tou I tamaea,"Iau a matanono e satan boru puru valai na hunu manga maravila. ¹⁹ Masia,Iau a habia matou a ni tora ni pahadanua pura mata,turane hurika mata kiroko ni rata pilea bakovi,pali matou bari moto kara ni pahadanua e satan,pali uka tara maki ge rata pile matou. ²⁰ Matou moto nahani vivi maia i longo mai matou a spirit hale.Uka, mua mu vivi na ra a rane mua I herea e Deo na hunu." ²¹ Vona ra parava ia,ia i vivi hateka pololilo na Hanu Kiripiripi, pali tamaea,"Iau a kavurike ioe,Tata,Deo na hunu a malala,nara ioe o rahi lolo ne huriki a bakovi ni lohoka, pali o ro kava ne huriki a bakovi ri uka ni luhoi kamumu,manga koma kiroko.Muholi, Tata,ioe o rata maia ni rahiloloa ni ngaru vomu. ²² "Pali e Isu i ta tabu i tamaea,"E Tata i habi pali matou a hurika maki.Uka tara viri ge palala vona e Tamana,e Tuna kunana i palala vona.Pali uka tara viri ge palala vona,e Tuna pali e huriki ri ngaru ge vakasiri ria e tuna,ria kunana ri palala vona e Tamana." ²³ Muri i ngala kabulo lakea ne huriki a murimuri vona i taki tou i tamaea,"Vivi ne huriki ri matai ara maki mua mu matai. ²⁴ Iau a taki matou,i kupo e huriki a propet a king ri ngaru ni mataia ara mua mu mataia,pali rigi longoa ara maki mua mu longoa,pali ria koma ri longoa." ²⁵ Malaviriri kunana,a bakovi ni palala na lo i pesi rike ni tonia e Isu,i tamaea,"Vinara,ara maki ga ratea nege nau ga bolea ni mahuri vakaroro?" ²⁶ Isu i kolia i tamaea,"Ara ni here na lo?Ioe i gi navia?" ²⁷ Pali ia i kolia i tamaea,"Ioe o ngarua e Deo vomu turana hatemu,a hantumu,a ni tora,pali turana ni luhoi vomu,pali e huriki a turamu manga o ngaru mule ioe." ²⁸ Isu i takia i tamaea,"Ioe o ta muholi.Rata ra hininga,pali ioe bari o made mahuri." ²⁹ pali ia, i ngaru ni vakasiri mulea,pali nanea e Isu maea,"Erei a turagu?" ³⁰ Isu i kolia i tamaea,"Tara bakovi i valai o Jerusalem ge lakea o Jeriko.Na dala hurika bakovi ni panaho to vakorokoro,pali tou to kinirapea varikia vona to bole lobo a maki vona,pali to bimatea i vurea mata i mahita vonga to vano tou. ³¹ Pali vona ra parava ia i tahoka ta prist i laho valai,i masia ra bakovi ea,pali lakea ia i bolo na gaga tara i vano. ³² Mavonga i tara Livai i valai,ia tara I masia, pali polo na gaga tara i vano. ³³ Pali tara bakovi o Samaria,i valai vona ra hininga i tabuli vona ra bakovi ea. Na tahuna ia i masia,ia i dodo hateka. ³⁴ I nugu rikea pali ravu a dara na kakaina i ru a oel na wain na maka hiningi ni ubi.pali ru rikea na donki vona,pali bole lakea vona tara ruma,pali tou mata karia. ³⁵ Muri na parava tara ia i bole tala Silva moni rua pali habia na tahona ruma,bona hiningi i mata karia.Ara mahala vomu o mata karia vona,na tahuna Iau a hamule valai,Iau bara koli mule vomu.' ³⁶ Nerei ne tou ra bakovi nga i tolu o luhoi maea a turana ra bakovi ea i bi matea bakovi ni panaho?" ³⁷ Ia i tamaea,"Ra bakovi i vakasiria ni dodo vona ra viri ni ubi."Isu i takia i tamaea,"O vano o rata maea." ³⁸ Na tahuna tou to lalaho,pali e Isu i dili vona tara tanga kiroko,pali tara a rana e Mata i bole lakea na ruma vona. ³⁹ Ia turane tarina rana e Maria,erei i made tabukoi na pakane Viri Dagi i longoa ia i tata. ⁴⁰ Pali e Mata ia i tuhate lae ni rata puru a maki ni kani,pali i valai ne Isu i takia maea,"Viri Dagi,o masia iau a tuhate ni rata puru a maki ni kani,pali e tarigu I uka? pali o takia ge valai ge kori iau." ⁴¹ Pali a Viri Dagi i kolia i tamaea,"Mata,Mata,ioe o luhoi lege na maki kupo, ⁴² pali tahoka maki kamumu.Ara maki e Mata i ngaru ni bolea,nahani patutua ni vona."