¹ Tahuna a parava na Pentikos i valai,ria lobo ri vapopo na hini ri vapopo bala vona, ² Ri turutu vona tara maki i ngani manga vilu dagi,i valai na hunu i vakavonua hini lobo na ruma ri made vona. Ri matai virika maki kiroko i bele manga kanono i lakea ne ria takutaku ne hurika bakovi a ngatavine ri made. ⁴ Ria lobo ri vonu na Hanu Kiripiripi ri vakatubu ni ta tara na ni ta tara na ni tane ria.Hanu Kiripiripi ia i habia ne ria maka ni ta nga. ⁵ Ngane hurika Juda ri made iea o Jerusalem,hurika tara ri turume puruma,hurika tara ri made na hini lobo na malala. ⁶ Tahuna ri longoa ra nganina hini nga,kupo e hurika bakovi a ngatavine ri vapopo ri luhoi lege na ara,bakovi i takutaku ri ta kerikeri nani tane ria stret. ⁷ Ri longo ri turutu,lakea ri ta:"Muholi hateka,re hurika nga kama ri tata na nitana Galili kunana? ⁸ Navai teu tege longo ria rigi rata ni tane teu na hini te bele turana? ⁹ Hurika Patia,Midia,Elam,turane hurika bakovi iea o Mesopotamia,Judia,Kapadosia,Pontus turana Esia. ¹⁰ Turane hurika Frigia,Pamfilia,Isip,Libia tabukoi iea o Sairini turane hurika bakovi a ngatavine iea o Rom. ¹¹ Hurika Juda turane huriki ranga ri kara ni ramai a narona ni turume puruma ne ria,e hurika Krit turana Arabia,teu te longo ria ri takitala leho dagi ne Deo na nitane teu stret." ¹² Ri turutu ri luhoi lege lae;ri tata mule ne ria,"Ra makea ara?" ¹³ Pali ranga ri ta padikede ri ta maea,"Ri ninu a wain karaba i kupo." ¹⁴ Lakea e Pita i pesi turana maka murimuri ri ala ravulu taku a polona i taku,ia i gale dagi i taki ria,"Mua e hurika bakovi iea o Juda turane hurika bakovi a ngatavine ri made o Jerusalem,mu longo;iau ga taki mua na ara maki bele! ¹⁵ Re hurika tara nga kama ri ninu a wain manga hini mu taki,i 9 a kilok na hatelanga kunana. ¹⁶ Ra ngava iea i manga e profet Joel ia i takia pali, ¹⁷ Na ni lobona parava,Deo i ta maea,iau bara guru langea a Spirit nau ne hurika bakovi a ngatavine.Koma bakovi turana koma ngatavine ne mua bari takitala ngavana profet,hurika bakovi karaba bara ri vurena maka gare ranga bari vurena. ¹⁸ Na tahuna iea iau bara gurua Spirit nau ne hurika voravora bakovi turana varavora ngatavine bara ri takitala ngavana profet. ¹⁹ Iau bara vakasiria tara maki tara na Hunu bara rata mirakel na malala,dara,kanono,a bubu biri poko. ²⁰ Haro bari mapulo biri uvo,a keva tara biri mapulo i dara,muga na parava ne ViriDagi bari valai. ²¹ I maea ra hini nga erei e hurika bakovi ri gale a rane ViriDagi bara ri bole a ni mahuri. ²² Mua e hurika bakovi a ngatavine o Israel,mu longoa ngava iea:Tahuna e Isu o Nasaret i made turane mua,Deo i ru kava maea ia i rudu vilia,na limana,Deo i rata leho dagi turana mirakel ne mua,mua kunana mu lohoka. ²³ Deo i rua ra bakovi iea na limane mua,ia i luhoi pali ia ge rata maea.Hurika bakovi hale ri rabalakia i mate ri paditatea na kaitavalavala. ²⁴ Pali,e Deo i vaka mahuria na ni mate,ia kama i rua ia ge bolea ni madihi na ni mate,na rana ni mate kama ge nugutata mulea. ²⁵ Devit i tata vona,'Iau a masia e ViriDagi i made tabukoi hateka nau,ia i made na limagu a kanegu iau kama ga makali mule ga mangenge. ²⁶ Lakea a tamudigu i kamumu a ngavagu tara i takitala ni kamumu ne Deo.I ranga,a kakaigu i tora mavonga. ²⁷ Ioe komo go kara ni pe iau ga made na tanga ne huriki ri mate pali,o ioe kama o kara ni pea e Tumu i Kiripiripi ge hale na tanga ne huriki ri mate pali. ²⁸ Ioe o vakasiri iau na tanga ni mahuri;Bara o ratau bara vivi hateka na matamu. ²⁹ Hurika turagu,iau a ngaru ni taki matou na hamone teu e Devit:Ia i mate ri tanua,ra matmat vona i tabuli turane hita i valai i bele na parava mona. ³⁰ Pali ia profet ia i lohoka maea Deo i ta gamai ni pasi tara hamone tuna na tara ne vona ge kolia ge bele manga king. ³¹ Ia i masia hini nga ia i tata na ni mahuri mule ne Kristo ia kama i made tabu na tanga ne huriki ri mate lakea ra kakaina kama ge hale. ³² Re Isu e Deo i vaka mahuri mulea,hita lobo si masia si lohoka. ³³ Lakea ia i pesirike i made na limana kanena ne Deo ia i bole na ni ta gamai na Hanu Kiripiripi ne Tata,lakea ia i gurua ara maki ioe o masia o longoa. ³⁴ Devit kama i lakea na hunu,pali ia i tamaea,"ViriDagi i takia e ViriDagi nau,o made na limagu a kanegu. ³⁵ I kara iau ga rata hurika pile vomu rigi made polotano na vahamu," ³⁶ Lakea i,ru e hurika Israel bara i pala maea e Deo i ratea e Isu i bele dagi turane Kristo,re Isu mu paditatea na kai tavalavala." ³⁷ Tahuna e hurika bakovi a ngatavine ri longoa hini nga,i tangi a tamudine ria ri taki e Pita turana hurika murimuri ranga,"Hurika turagu,mia migi rata ara?" ³⁸ Lakea e Pita i taki ria,"Mu pulo a villone mua mu bole a baptais,mua takutaku,na rane Isu Kristo,ge puga sin ne mua,bara mu bole a presen na Hanu Kiripiripi. ³⁹ Ia i ta gamai ni habi ne mua turane huriki e tune mua,turane hurika tara ri made basi,ne hurika tara erei ri galea." ⁴⁰ Turana ngava i kupo,ia i ta kari;lakea ia i ta maea,"Matakari kamumu mua ne huriki kama ri pulo a vilone ria." ⁴¹ Pali ri longo mai a ngavana,ri bole a baptais, lakea na parava nigi ria ri ala 3,000 hurika bakovi a ngatavine. ⁴² Ri tabana ni made e hurika murimuri ri tovo ria ri turume puruma turane ria,lakea ri vasileki ri keve a bret. ⁴³ Ni mangnege i vonu ne hurika bakovi a ngatavine,na rana i kupo maka mirakel turana leho dagi i bele na limana maka murimuri. ⁴⁴ Hurika bakovi a ngatavine erei ri luhoi tora pali ri vapopo palupu ri luhoikado palupu virika maki, ⁴⁵ lakea ri habi virika maki ri tahoka ri habi ne hurika tara ri kapo na maki. ⁴⁶ Na parava takutaku ri vapopo turana tara vuhuna ni luhoi na ruma ni turume puruma, lakea ri keve a bret na ruma ne ria,ri veru maka maki ni kani turana ni vivi,ri ru puru ria turana tamudi kamumu. ⁴⁷ Ri kavurikea rane Deo lakea ri tamudi kamumu ne hurika bakovi a ngatavine ranga.Lakea e ViriDagi i leho ni kali nigi ne hurika bakovi a ngatavine ne virika parava vakaroro ri puli a vilone ria.