¹ Ngane na parava iea king Herot i leho ni rabalaki maka bakovi erei ri tahoka ni luhoi tora dagi na narona na ni vasileki ne vona bari ratapile ria. ² Lakea i rabalakia e Jems turane Jon na bainat. ³ Muri ia i matai maea ra naro nga i vakavivi maka Juda,lakea ia i vano ni matai e Pita ge rua na bavi.Ra naro nga i bele na parava ni kani a bret i uka yist. ⁴ Muri e king Herot i nugutatea pali e Pita ge rua na bavi,ia i ru e Pita na limana matakari i ala va i taki tou togo matakaria;King i luhoi ni bole talea e Pita ge habia na limana maka bakovi a ngatavine,muri na ni luhoina Pasova. ⁵ Tahuna e Pita i tabana ni made na bavi,maka bakovi a ngatavine niluhoi tora ri vasileki tora ne Deo. ⁶ Na rodo iea tahuna e king kama i bole talea ma e Pita.Ni kolotata na sen i rua,Pali e Pita i mahita pali na palana nugu maheto i rua.Hurika matakari ranga na nihebi muga ria ranga ri matakaria na tahuna ia i made na na bavi. ⁷ Muri,maka ensel ne Viridagi i bele vona lakea i para pololilo na bavi.Ia i ubia dahane Pita lakea i vangorike i ta maea,"Pesirike laviriri,"Lakea i laviriri hateka a sen ni kolo a limana vona i mavuka. ⁸ Lakea a ensel i taki maea ia,"Rodo maka varikia vomu turana sendal vomu,"Pali e Pita i rata manga hini taki.Muri,a ensel i taki maea ia,"Rodo a varikia vomu i tora o ramai iau." ⁹ Pali e Pita i muri na ensel i ngaru ni pori.Ia kama i luhoi maea,ara maki a ensel i ratea ge ta muholi.Pali i luhoi maea ta i vurena kunana. ¹⁰ Tahuna ru pea a ni mugana mugamuga lakea i lakea tabu na viri i muri,Viridagi i rudua a ensel vona ni kori iau na limane Herot na narone hurika bakovi a ngatavine o Juda ri ngaru ni ratea nau." ¹¹ Tahuna e Pita i bole a niluhoi kamumu,ia i ta maea,"Muholi hateka ngane iau a luhoi maea,Viridagi i rudua a ensel vona ni kori iau na limane Herot turana maka bakovi iea o Juda ri ngaru ni rata ne nau." ¹² Tahuna ia i matakilali hini nga,ia i lakea na ruma e Maria,kinane Jon,lakea e Mak tara ri galea ge valai na tanga na hini i kupo vona bakovi a ngatavine ri vapopo ri vasileki. ¹³ Tahuna ia i valai i tutulidia ni hebi,tara voravora ngatavine a rana e Roda,ia i valai ni talea vona nihebi. ¹⁴ Parava ia i longoa maea a lohone Pita,ia i tahoka ni vivi dagi hateka kama i talea nihebi;uka,ia i nunu lakea na rum;ia taki maea ria,Pita i pesi polovavo na nihebi. ¹⁵ Pali ri taki maea ia,"Ioe o manga."Pali ia i ta iau ta muholi.Lakea ri takia,"Ioe maga o matai kunana a hanituna. ¹⁶ Pali e Pita i leho ni tutulidia nihebi rigi talea vona.Tahuna ri talea nihebi,ri masia e Pita ri turutu ni masia. ¹⁷ Tahuna e Pita i dili na ruma ni vasileki,ia i ru langa limana na nutuna i takia ge maghulu,i taki rigi maghulu lakea ia ge nuverei vona e Viridagi i bole talea na bavi.Lakea ia i taki maea ria,"Mu takia e Jems turana maka turagu,"na ara maki i bele.Muri i pe ria i lakea na tanga ranga. ¹⁸ Lakea hatelanga i bele tabu,uka tara maki ge bele na palane hurika matakari na bavi na ara maki i bele ne Pita. ¹⁹ Muri e king Herot i vorokanea pali ia kama i masia.Pali ia i nana ria rigi rabalaki maka matakari na bavi rigi mate.Muri ia i pea e Judia i lakea o Siseria lakea i made vonga. ²⁰ Ngane re Herot i madihi hale liu a hatena na maka bakovi a ngatavine ne Taia turane Saidon.Ria lobo ri lakea ne vona.Ri tatora vona e Blastus ni mugana ofisa na king bari kori ria.Muri ri nana na naro ni tamudi taku,na rana,tanga dagi ne ria i bole a maki ni kani na tanga dagi na king. ²¹ Na parava ni pasi ne Herot i rodo a varikia na king ia i made na sia king;ri rata ranga ngava na matane hurika bakovi a ngatavine. ²² Lakea e hurika bakovi a ngatavine ri gale ri ta maea,ra makea a lohona profet ni tatami!" ²³ Laviriri hateka,ensel ne Deo i puru valai i rabalaki na rana,ia kama i kavurikea rane Deo;Maka mogo ri kania lakea i mate. ²⁴ Pali a ngavane Deo i lakea na hini lobo i bele tora. ²⁵ Muri e Banabas turane Sol ru vakaloboa leho na misin ne rua o Jerusalem lakea ru hamule turane Jon,ri galea e Mak.