1
Lasou Jonah mukilaka mulai noxou Iaue Lataua nau nonano noa sinana noponu.
2
Anu muvikala aloxo, "Eni alinga ulai noxou Iaue noanu mimaia ane eni exonu la anu mukolileli;nonano nopo sinana la eni; etama sou lexe usu`ulileli!Nini nalomusilo.
3
Nini nelealeli nonano nolautu toxoxu nonano notanu luaki, la xavinu mutaloxolixo;Tasinana Tatiatila mo si toxotoxoxa mualasilo mukalu.
4
La eni evikala, 'Eni elai nopaxa no ieni;ia vimomo eni amalei ulivu noanu tani tavuna noxine.
5
Lexa ala,alai nogilo ne autelo uxali noxolaleli;mo lautu toxotoxoga muxalili ieli;mo iaeiae sou luaki mutomu nokisilo.
6
Eni elai nolia mo emomomo loxo lao,olu;mo mimi sou lialia o ne moxolu alai noxilo kaluxu uasi manina.Yia uasi xo nini nesaxilau maulixo laixe, manina ,Iaue Lataua noxilo!
7
Nomine Uleleli mume sou mimaia ane eni exonu,la enieava noxou Iaue lexe anu noxilo;exe mukalu la lakilaka noxilo ulai noxine,no anu tasou lalotu.
8
Anei mitulu sou milosou lataua kalakala voi noxia xo anei milusimunu mimaia ane muai noaanu bokis covenant ilou tautaulailo.
9
Ia uasi noxilo, la eni asovaleli ulai noxine loxo vikala sou osaila;eni axonu aloxone sou mimaia ane eni exonu mulai noxine. Alualu ne molu noxine nini Iaue!''
10
La Iaue muvikalanu Sinana,nalai naexinu Jonah notani esiesi.