40

¹ Kinalaunan, dalawa sa mga opisyal ng hari ng Ehipto ang gumawa ng mga bagay na nagpapasama ng kanyang loob. Ang isa sa kanyang punong serbidor ng inumin at ang iba ay ang kanyang punong panadero. ² Nagalit ang hari sa kanilang dalawa. ³ Kaya sila ay nilagay niya sa bilangguan, sa bahay ng kapitan ng mga bantay ng palasyo. Iyon ang lugar kung saan si Jose ay inilagay. ⁴ Ang dalawa ay nakakulong ng mahabang panahon. Sa panahong iyon, si Jose ay pinili ng kapitan ng mga bantay na dalhin sa kanila ang mga bagay na kinakailangan nila. ⁵ Isang gabi ang punong serbidor ng inumin at punong panadero ng hari, bawat isa, ay may panaginip. Bawat panaginip ay mayroong iba't-ibang kahulugan. ⁶ Kinabukasan, nang nagpunta si Jose sa kanila, sila ay nakita niya na mukhang malungkot. ⁷ Kaya sila ay tinanong niya, "Bakit ngayong araw mukha kayong malungkot?" ⁸ Isa sa kanila ang sumagot, "Kapwa kaming nanaginip kagabi, ngunit walang ni isa ang makapagsabi sa amin kung ano ang kahulugan ng mga panaginip." Sinabi ni Jose sa kanila, "Ang Diyos lamang ang makakapagsabi sa kahulugan ng mga panaginip. Kaya sabihin ninyo sa akin kung ano ang napanaginipan ninyo at sasabihin ng Diyos sa akin ang kahulugan."

⁹ Kaya sinabi ng punong serbidor ng inumin ng hari kay Jose ang kanyang panaginip. Sinabi niya, "Sa panaginip ko nakakita ako ng puno ng ubas sa harapan ko. ¹⁰ Sa puno ng ubas ay may tatlong mga sanga. Ang mga sanga ay sumibol, pagkatapos sila ay namulaklak, at pagkatapos sila ay nagbigay ng kumpol ng mga ubas. ¹¹ Hinahawakan ko ang baso ng hari, kaya kinuha ko ang mga hinog na mga ubas at piniga ang katas sa loob ng baso. Pagkatapos binigay ko ang baso sa hari para inumin ang katas." ¹² Dali-daling sinabihan ng Diyos si Jose kung ano ang kahulugan ng panaginip. Kaya sinabi ni Jose sa kanya, "Ito ang kahulugan ng panaginip mo: Ang tatlong mga sanga ng puno ng ubas ay tumatayong tatlong mga araw. ¹³ Sa loob ng tatlong araw pakakawalan ka ng hari mula sa pagkakabilanggo. Hahayaan ka niyang gawin mo ang trabaho na ginagawa mo noon. Magdadala ka ng mga baso ng alak papunta sa hari gaya ng ginawa mo noon nang ikaw pa ang kanyang serbidor ng inumin. ¹⁴ Ngunit kapag ikaw ay nakalabas na ng bilangguan at lahat naging maayos ang lahat sa iyo, pakiusap huwag mo akong kalimutan. ¹⁵ Puwersahang kinuha ako ng mga tao palayo sa lupain kung saan ang mga kasamahan kong Hebreo ay nakatira. Wala akong nagawang mali doon, at saka habang ako ay naririto sa Ehipto, wala rin akong ginawang mali para ilagay ako sa bilangguan. Kaya maging mabuti ka sa akin at sabihin mo sa hari ang tungkol sa akin upang palayain niya ako mula sa bilangguang ito!"

¹⁶ Nang marinig ng punong panadero na ang kahulugan ng panaginip ng serbidor ng inumin ng hari ay napakabuti para sa punong serbidor ng inumin, sinabi niya rin kay Jose, "Ako rin ay may panaginip. Sa aking panaginip ako ay nagulat ng makita ang tatlong mga sisidlan na isinalansan sa ulo ko. ¹⁷ Sa itaas na sisidlan ay mayroong iba't-ibang uri na inihurnong pagkain para sa hari, ngunit kinakain sila ng mga ibon mula sa taas na sisidlan na nasa aking ulo!" ¹⁸ Ulit na sinabihan si Jose ng Diyos kung ano ang kahulugan ng panaginip, kaya sinabi niya, "Ang tatlong mga sisidlan rin ay tumatayong tatlong mga araw. ¹⁹ Sa loob ng tatlong araw ang hari ay mag-uutos na putulin ng iyong ulo. Pagkatapos ang katawan mo ay bibitayin sa puno at darating ang mga ibon at kakainin ang iyong laman." ²⁰ Pagkatapos ng tatlong araw ay ang kaarawan ng hari. Sa araw na iyon ay inaanyayahan ng hari ang lahat ng kanyang mga opisyal na magdiwang sa kanyang kaarawan. Sa panahon ng pagdiriwang, habang silang lahat ay nagtitipon doon, ipinatawag ng hari ang kanyang punong serbidor ng inumin at punong panadero mula sa bilangguan. ²¹ Sinabi niya na ang kanyang serbidor ng inumin ay maaring ng bumalik sa kanyang dating gawain, kaya siya ay muling kumuha ng mga baso ng alak para sa hari. ²² Ngunit inutusan niya na patayin ang punong panadero sa pamamagitan ng pagbitay, gaya ng sinabi ni Jose na mangyayari nang sinabi niya sa dalawang lalaki ang kahulugan ng kanilang mga paniginip. ²³ Ngunit hindi inisip ng punong serbidor ng inumin ang tungkol kay Jose. Sa halip, kinalimutan niyang gawin kung ano ang hiningi ni Jose na gawin niya.