23

¹ Nang si Sarah ay 127 taong gulang, ² namatay siya sa lungsod ng Kiriat Arba, na tinawag ngayong Hebron, na nasa lupain ng Canaan. Ipinagluksa ni Abraham ang kanyang asawa. ³ Iniwan ni Abraham ang namatay niyang asawa at nakiusap siya sa iilang mga kaapu-apuhan ni Heth. Sinabi niya, ⁴ "Ako ay pansamatalang naninirahan bilang isang dayuhan na kasama ninyo, kaya wala akong pagmamay-ari na anumang lupain dito. Ipagbili ninyo sa akin ang ilang lupain dito para maaari kong paglibingan sa namatay kong asawa." ⁵ Sumagot sila sa kanya, ⁶ "Ginoo, ikaw ang pinakamakapangyarihang tao sa amin. Pumili ka ng isa sa aming pinakamainam na mga libangan at ilibing mo doon ang namatay mong asawa. Wala ni isa sa amin ang magtatanggi para ipagbili ang lupain sa iyo upang maging libingan ng namatay mong asawa." ⁷ Pagkatapos tumayo si Abraham at yumuko sa harapan bilang paggalang sa mga tao na siyang nagmamay-ari ng lupain, ang mga kaapu-apuhan ni Het. ⁸ Sinabi niya sa kanila, "Kung sinasabi ninyo na pumapayag kayo na ilibing dito ang namatay kong asawa, makinig kayo sa akin, at pakiusapan si Efron na anak ni Zohar, ⁹ na ipagbili sa akin ang kuweba na nasa Macpela, na nasa hangganan ng kanyang bukid. Pakiusapan ninyo siya na ipagbili niya sa akin sa buong halagang nais niya, at ipagbili niya ito sa akin sa harapan ninyong lahat. Sa ganitong paraan maaari na akong magkaroon ng isang lupang mapaglilibingan." ¹⁰ Nakaupo ngayon si Ephron kasama ang mga tao sa tarangkahan ng lungsod kung saan nagtipon ang kamaramihang mga kaapu-apuhan ni Heth. Narinig niya ang sinabi ni Abraham sa kanila. ¹¹ Sinabi ni Ephron, "Hindi, ginoo, makinig ka sa akin. Ibibigay ko sa iyo ang bukid at kuweba na naroroon, na walang bayad, kasama ang mga tao dito bilang mga saksi. Pakiusap ilibing mo doon ang iyong namatay na asawa." ¹² Yumuko muli si Abraham sa mga tao na nanirahan doon, ¹³ at sinabi kay Ephron, habang ang lahat ay nakikinig, "Hindi, makinig ka sa akin. Kung papayag ka, magbabayad ako ng pera para sa bukid. Sabihin mo sa akin kung magkano, at ibibigay ko ito sa iyo. Kung tatanggapin mo ito, ang bukid ay magiging akin, at maaari ko nang ilibing doon ang namatay kong asawa." ¹⁴ Sinagot ni Efron si Abraham, ¹⁵ "Ginoo, makinig ka sa akin. Ang lupain ay nagkakahalaga ng apatnaraang shekel ng pilak. Ngunit, ang presyo ay hindi mahalaga sa iyo at sa akin. Ibigay mo ang halaga at ilibing mo ang iyong namatay na asawa doon." ¹⁶ Sumang-ayon si Abraham kay Ephron sa halaga, at tinimbang niya ang apatnaraang pilak na iminungkahi niya, habang naririnig ng lahat. Gumamit siya ng timabangang ginagamit ng mga nagtitinda.

¹⁷ Kaya naging pag-aari ni Abraham ang bukid ni Efron na nasa pook ng Macpela, na malapit sa Mamre, at ang kuweba na nasa bukid, at ang lahat ng mga punong kahoy na naroon sa bukid at iyon ang magsisilbing palatandaan ng hangganan ng lupain. ¹⁸ Ito ang proseso ng pagbili ni Abraham ng lupain, habang ang lahat ng mga kaapu-apuhan ni Het ay nakikinig doon sa tarangkahan ng lungsod. ¹⁹ Pagkatapos noon, nilibing na ni Abraham ang namatay niyang asawang si Sarah sa kuweba ng bukid na nasa Macpela na malapit sa Mamre, na tinatawag na ngayong Hebron, na nasa lupain ng Canaan. ²⁰ Kaya ang bukid at ang kuweba na nakapaloob doon ay opisyal ng naipagbili kay Abraham sa pamamagitan ng mga kaapu-apuhan ni Het, upang kanyang gamitin bilang libingan.