¹ Ditempat itu Abraham de bangun pondoknya di pohon tarbantin di dekat Mamre. Abraham de berjalan ke tanah negep, lalu de buat pondok di antara Kadesh dan Syur, tapi kemudian de tinggal sbagai orang asing di Gerar. ² Abraham de berkata kepada Sarah, de pu isteri. "De adalah sodariku." Sehingga Abimelekh raja Gerar menyuruh dong memanggil Sarah. ³ tetapi pada suatu malam, Allah su berkata kepada Abimelekh dalam sbuah mimpi. Ko akan mati sbab perempuan yang ko ambil adalah orang lain pu isteri. ⁴ Tapi, Abimelekh de belum mendekati Sarah, jadi de bilang, "Tuhan, akankah Ko membunuh bangsa yang tra bersalah? ⁵ Bukankah Abraham de sendiri bilang sama sa. 'Perempuan ini adalah sa pu sodara,'? Dan bukankah perempuan itu de sendiri juga mengatakan, 'laki-laki ini adalah sa pu sodara? Sa melakukan ini deng ketulusan hati dan deng tangan yang bersih." ⁶ Lalu, Allah berkata kepada de dalam mimpi, "Ya sa tahu bawa ko lakukan hal ini deng hati yang tulus. Sa yang mencegah ko berbuat dosa terhadap sa, serta tra izinkan ko menynetuh Perempuan itu. ⁷ Karna itu, ko kembalikan isteri orang itu sebab de adalah seorang nabi. De akan berdoa buat ko sehingga ko akan hidup. Akan tetapi, jika ko tra mengembalikan de pu isteri kepadanya, ko ketahui bahwa ko beserta smua dong yang sama-sama ko pasti mati." ⁸ Jadi, pagi-pagi skali, Abimelekh memanggil dong smua hambanya dan menceritakan kepada dorang tentang smuanya itu sehingga dorang smua menjadi sangat takut. ⁹ Lalu, Abimelekh panggil Abraham dan De bicara sama Abraham, “Apa yang telah ko lakukan terhadap kitorang? Kesalahan apa yang telah sa lakukan kepada ko sehingga ko menimpakan dosa yang besar ke atas diri sa dan sa pu kerajaan? ko telah melakukan sesuatu yang tra pantas terhadap sa!” ¹⁰ Lalu, Abimelekh bicara lagi deng Abraham, “Apa yang membuat sampe ko lakukan hal ini?” ¹¹ Abraham bicara, “Sa mengira bahwa takut akan Allah trada di tempat ini dan dorang di sini akan membunu sa karna istri sa. ¹² Lagi pula, Dia memang sodari sa; Dia sa pu bapa pu anak, tapi bukan ibu sa punya anak, dan kemudian Dia menjadi istri sa. ¹³ Ketika Allah menyuruh sa mengembara keluar dari rumah Bapa sa, sa bicara deng istri sa, ‘Tunjukkan ko pu kasi kepada sa deng melakukan hal ini di stiap tempat yang kita tuju, katakanlah tentang Sa: Dia sodara Sa.’” ¹⁴ Maka, Abimelekh ambil domba, lembu, serta de pu hamba laki-laki dan perempuan kasi sama Abraham; dan juga mengembalikan Sara, istri Abraham, kepadanya. ¹⁵ Abimelekh bilang, “Liat, negeri sa ada di hadapan ko. Tinggallah di tempat yang ko suka.” ¹⁶ Abimelekh bilang sama Sara, “Dengarlah, sa memberikan seribu syikal perak sama sodara ko, Abraham, sbagai bukti pembenaran ko di hadapan smua orang yang bersama-sama deng ko. Dan di hadapan smua orang, kam tra bersalah.” ¹⁷ Kemudian, Abraham berdoa sama Allah dan Allah menyembuhkan Abimelekh, istrinya, dan de pu hamba-hambanya perempuan sehingga dorang dapat melahirkan anak. ¹⁸ Sbab, sbelumnya TUHAN menutup rahim smua perempuan dalam keluarga Abimelekh sehingga dorang tra dapat mengandung karna Sara, istri Abraham.