യേശു പത്രൊസിനെയും യാക്കോബിനെയും യോഹന്നാനെയും കൂട്ടിക്കൊണ്ട് ഉയർന്ന ഒരു മലയിലേയ്ക്കു പോയി.
യേശു അവരുടെ മുമ്പാകെ രൂപാന്തരപ്പെട്ടു, അവന്റെ മുഖം സൂര്യനെപ്പോലെ ശോഭിച്ചു,അവന്റെ വസ്ത്രം വെളിച്ചം പോലെ വെള്ളയായിത്തീർന്നു.
മോശെയും ഏലിയാവും പ്രത്യക്ഷരായി യേശുവിനോട് സംഭാഷിച്ചു.
പത്രൊസ് ആ മൂന്നുപേർക്കും മൂന്നു കുടിൽ ഉണ്ടാക്കാം എന്നു പറഞ്ഞു.
മേഘത്തിൽനിന്നും “ഇവൻ എന്റെ പ്രിയ പുത്രൻ,ഇവങ്കൽ ഞാൻ പ്രസാദിക്കുന്നു, ഇവനു ചെവി കൊടുപ്പിൻ“ എന്ന് ഒരു ശബ്ദവും ഉണ്ടായി.
യേശു ശിഷ്യന്മാരോട് മനുഷ്യപുത്രൻ മരിച്ചവരുടെ ഇടയിൽനിന്ന് ഉയിർത്തെഴുന്നേൽക്കുംവരെ ഈ ദർശനം ആരോടും പറയരുത് എന്ന് കല്പിച്ചു.
യേശു പറഞ്ഞു,യോഹന്നാൻസ്നാപകനായിരുന്നു വരുവാനുള്ള ഏലിയാവ്; അവൻ വന്നുകഴിഞ്ഞു;എങ്കിലും അവർ അവനെ അറിഞ്ഞുകൊള്ളാതെ തങ്ങൾക്കു തോന്നിയതു എല്ലാം അവനോടു ചെയ്തു.
എലിയാവ് വന്ന് സകലവും യഥാസ്ഥാനത്താക്കും സത്യം എന്ന് യേശു പറഞ്ഞു.
ശിഷ്യന്മാർക്ക് അപസ്മാരരോഗം ബാധിച്ച ബാലനെ സൗഖ്യമാക്കുവാൻ സാധിക്കുമായിരുന്നില്ല.
യേശു ഭൂതത്തെ ശാസിച്ചു, ബാലനു ആ നാഴിക മുതൽ സൗഖ്യം വന്നു.
യേശു പറഞ്ഞു, അല്പവിശ്വാസം നിമിത്തമാണു അവർക്കു ആ ബാലനെ സൗഖ്യമാക്കുവാൻ കഴിയാതിരുന്നത്.
യേശു തന്റെ ശിഷ്യന്മാരോടു ,അവൻ മനുഷ്യരുടെ കയ്യിൽ ഏല്പിക്കപ്പെടുവാൻ സമയമായിരിക്കുന്നു എന്നും അവർ അവനെ കൊല്ലുകയും അവൻ മൂന്നാം നാൾ ഉയിർത്തെഴുന്നേൽക്കുകയും ചെയ്യും എന്നും പറഞ്ഞപ്പോള്‍ ആണ് ഏറ്റവും ദുഃഖം ഉണ്ടായത്.
യേശു പത്രൊസിനോട് കടലിലേയ്ക്കു ചെന്ന് ചൂണ്ടൽ ഇട്ട് .ആദ്യം കിട്ടുന്ന മീനിനെ എടുക്ക,അതിന്റെ വായിൽ ഒരു ചതുർദ്രഹ്മപ്പണം ഉണ്ടായിരിക്കും ,അതെടുത്ത് നികുതി കൊടുക്കുക എന്നു പറഞ്ഞു.