¹ Ino Jesu naka seluka kuzwa ku cilundu, mbunga ya bantu yaka muchilila. ² Pawo, sichisenda wakaza kuli nguwe oku mukontamina kunembo lyakwe, kateti, ''Mwami, kuti na ulayanda, ninga wandisalazya.'' ³ Jesu waka vungununa janza lyakwe oku mujata, kamba kuteti, ''Ndilayanda. Salala.'' Muciindi ciya conya wakasalazigwa ku chinsenda cakwe. ⁴ Jesu wakateti kuli nguwe, ''Bona kuti utambili muntu naba omwi. Koya munzila yako, ukalitondezye ku mupaizi, okuyopa cipego eco Mozesi chaka lailila, cikabe citondezyo kuli mbabo.'' ⁵ Nali kunjila mu Kapenaume, sikalumamba mupati wakaza kuli nguwe, kamukumbila ⁶ okuti, ''Mwami, mubelesi wangu ulilede ku ng'anda uli yuminide kali mucimo chicisa.'' ⁷ Mponya Jesu wakateti kuli nguwe, ''Ndilaza kuzo muponya.'' ⁸ Silumamba mupati wakataba okuti, ''Mwami, tandelede kuti yebo ukasike mu ng'anda yangu. Amba buyo jwi ponya muzike wangu ulapona. ⁹ Kambo amibo ndili mwalumi wakatondekwa o mulawo, ndili jesi basilumamba bali kunsi lyangu. Ndilamba kuli umwi, 'Koya,' ponya wainka ape okulumwi, 'Koza,' ponya waza, oku bazike bangu, 'Cita echi,' ponya wachicita.'' ¹⁰ Ino Jesu nakamvwa buyo echi, waka komokwa okwamba kuli baya boko bumuchilila, ''Kasimpe ndamwambila, takwe nindaka jana muntu ujesi lushomo lubede namu mu Izirael. ¹¹ Ndamwambila, banji bayooza kuzwa kujwe okumbo, bayo kala a tabule O Abrahamu, Izeki O Jakobo mu bwami bokujulu. ¹² Pele bana bo mubwami bayo sowelwa anze mumudima, oko kunoli kulila okulumanya meno.'' ¹³ Jesu wakambila silumamba mupati, ''Koya! Mbuli mwashoma, achi kucitikile.'' Ponya muzike wakapona mu woola liya ndyonya. ¹⁴ Jesu nakasika ku ng'anda ya Petro, wakabona bapongozi ba Petro ka balede kuciswa omubili kupya. ¹⁵ Jesu wakajata janza lyabo, ponya baka pona. Pawo baka buka okutalika kubabila zilyo. ¹⁶ Nikwaka jolezya, bantu baketa banji bajesi madaimona. Wakaitanda myuuya mibi e jwi okuponya boonse bacisidwe. ¹⁷ Kwindila omu chakazulila echo chakambwa o musinsimi Izaya, kwamba kuti, ''We lwakwe mweni wakabweza kuciswa kwesu okunyamuna malwazi esu.'' ¹⁸ Ino Jesu nakabona mbunga yamuzyungulukide, wakapa malailile okuzwa kwinka kulu bazu lumbi lo lwizi lwa Galile. ¹⁹ Pawo mulembi wakaza kuli nguwe okwamba ati, ''Mwiiyi, Ndilakuchilila kufumbwa koinka.'' ²⁰ Jesu wakateti kuli nguwe, ''Bamwaba bali jesi zigodi, otuto tuyuni to mujulu tulijesi zivumbo, kono Mwana O Muntu tajesi koku yamika mutwe wakwe.'' ²¹ Umwi wabasikwiya wakateti kuli nguwe, ''Omwami, ndizumizye kuti ndinke ndikasangune kuzika batate.'' ²² Kono Jesu wakati kuli nguwe, ''Ndichilile, pele usiye bafu bazike bafu babo.'' ²³ Ino Jesu nakanjila mumugolo, basikwiya bakwe bakamuchilila muli mbubo. ²⁴ Amulange, kwakaza guwo pati alwizi, kusikila mugolo wakavumbwa amaiwe. Kono Jesu walilede. ²⁵ Basikwiya bakamuzida okumubusya, kabateti, ''Tuvune swebo, Mwami; tulafwa!'' ²⁶ Jesu wakabambila, ''Muyowa nzi, nywebo nobasilushomo lunini?'' Pawo waka nyamuka oku patokila guwo olwizi. Ponya kwakaba lumuno lupati. ²⁷ Balumi bakakomokwa okwamba kuti, ''Ino mwalumi uli buti oyu, kuti mane guwo olwizi zilamumvwida?'' ²⁸ Ino Jesu nakasika kulu bazu lumwi oku cisi cha ba Gadareni, balumi bobile banjilidwe madaimona baka muswana. Bali kobuzwida mu mabita kabali obukali, kutegwa takwe simwinda nzila welede kwinda ilya nzila. ²⁹ Amulange, bakongolola okuti, ''Ino tuchite nzi ayibo, Mwana a Leza? Waza kuzotupenzya ciindi ka chitana ku sika?'' ³⁰ Ino kwali mbunga ye ngulube yali kuchelela kuko, kutainsi kule ambabo. ³¹ Madaimona aka kumbila kuli Jesu okuti, ''Watunda, ututandile mumbunga ilya ye ngulube.'' ³² Jesu wakateti, ''Koya!'' Madaimona akazwa okuyonjila mungulube; pawo, ngulube zyoonse zyaka cija okuselela kuzwa aka lundu okuyonjila mulwizi ponya zyakafwa mumanzi. ³³ Baya bali kwembela ngulube bakazuza okwinka mu munzi kuyoamba zyoonse, mane echo chakacitika ku balumi banjilidwe madaimona. ³⁴ Amulange, munzi woonse wakaza kuzo swana Jesu. Nibakamubona, baka mukumbila kuti azwe mu busena bwabo.