¹ mumazuba aayo Joni mubbabbatizi wakasika kaabwisya muchisi caku Judiya kati, ² ´´Amweempwe, nkaambo bwami bwa kujulu buli afwiifwi. ³ ´´ Ngweenya wali kwambwa o isaya musisimi, mukuti, ´´ijwi lyokoongolola munkanda, liteeti, amubambe mugwagwa wa Jehova, amululamike inzila zyakwe. ⁴ Mpoonya Joni wakazwete zibya zyaboya bwe kamelu e chikumba centambo muchikungu cakwe. Zilyo zyakwe kazili mpaso obuchi. ⁵ Mponya Jelusalema, omu Judiya , abo muchisi chizingulukide mulonga wa Jodani akwiika kulinguwe. ⁶ Bakabbabbatizigwa anguwe mumulonga wa Jodani, akulilekelela zibi. ⁷ pele naka bona bunji bwaba falisi aba sadusi kabaza kuli nguwe kazobbabbatizigwa, wakati kuli mbabo, ´´inwebo nobana baba chipile, ngwani waka muchenjezya kuti muchije bukali buza. ⁸ Amuzyale michelo yakweempwa ⁹ mutayeyi kwambana omwezinyoko, Tujesi Abbulahamu tata wesu. ´Mponya ndamwaambila kuti Leza ulakonzya kukomezya bana ba Abbulahamu olo kumabwe aya ¹⁰ kaleba kalibikidwe kale kumiyanda yemisamu. Mponyina kufumbwa musamu utazyali zizyalo zibotu ulatemwa okusowigwa mumulilo. ¹¹ Mebo ndilamubbizya mumanzi kuti mwempwe. Pele oyo uza musule lyangu uleeguzu kwiinda mebo, ape nsyelede nakuba kunyamuna zikatulu zyakwe. uyo umubbizya omuya usalala o mulilo. ¹² Chitebuzyo chakwe chili mujanza lyakwe mukuti uzosalazya lubuwa lwakwe oku zobunganya maila mubutala. Mpoonya uzo bunga uzobutenta mumulilo utamani. ¹³ Mponya Jesu wakasika kuzwa ku Galilili kumulonga wa Jodani kukuzobbizigwa kuli Joni. ¹⁴ Pele Joni wakasoleka kumukasya ,kaamba,´´ Ndiyanda kubbabbatizigwa ayibo, nkaambo nzi nchoza kuli mebo?´´ ¹⁵ Jesu wakamutaba akwamba kuti kulinguwe, ´´Akube namu, nkambo mbombubo mbutwelede kuzuzikizya ziluleme zyoonse. ´´mpoonya Joni wakamuzumunina. ¹⁶ Mponyina Jesu nakamana kubbabbatizigwa, wakazwa mumanzi, mponya julu yakajuka kuli nguwe. wakabona muuya wa leza kauseluka mbuli nziba asalalala alinguwe. ¹⁷ mponya njwi lyakazwa kujulu kaliti, '' oyu ngomwana wangu ngweyandisisya. Ndiliboteledwe anguwe,