1
Va Faliseo na vamo vaka kusone va fumine ku Yelusalema vali kunguluile kuli likeye.
2
Va muene va ndongesi zieni va kulia muka na mavoko aku zuala,kuamba nguavo, kava tanene.
3
(Muomu va Faliseo na vose va yundeya kave kulya ku vanga vatane kumavoko avo, muomu vakaka tela ku cisemua cava kulunthu.
4
Va Faliseo ha kufuma ku cisankano, kave ua kuvangela vatane, na kukuatelela ku viose vize viva tambula, ngece kukusa zinganza, zi ndoho, milondo,na malonga a vu nengu ava kuulia).
5
Va Faliseo na vaka kusoneka va muhuile Yesu, "Muomuo vika va ndongesi ziove ka vekuenda kuesekesa na cize mua ca va kulunthu, na kulia caku hona kutana kumavoko?"
6
Kaha ua va lekele ngueni, "Isaya ua polofuetele mua cili alienu vaka civembulu. Ngecize omu muva soneka, 'Vantu ava vanjilemesa namilungu yavo, vunoni mitima yavo ili kulako nange.
7
Ve kunji lemesa ngoco, ve kulongesa vizila viavo.'
8
mue kuseza zisimbi zia Njambi naku kakatele cisemua cia vantu,"
9
Atualeleho na ku va lekangueni, ci ku viuka vati ku viana jisimbi zia Njambi enu mulame cisemu cenu!
10
Shikaho Mose ambele ngueni, 'lemesa iso na noko,'na uoseouo aka handeka via vipi hali ise amba naye mpundu vene akatsa.'
11
Vunoni enu nguenu, ngue muntu na handeka kulise amba naye, "vuose ovio vukuaso ua tambula kufuma kuliange vu napu nkolombani" ('kuamba nguavo kuhia Njambi'),
12
kama katavesa kulingavimosi via kukuasa ise amba naye.
13
Muna zilula lizi lia Njambi na cizela cize cenu cize cimuna hakeho. Na vieka via vingi via ngeciize vi mue kulinga."
14
Uasanene ceka vunga ya vantu na kuvaleka ngueni, "Ivuililenu kuliange, muvavose, na kuivuisisa.
15
Na vimo viahi via kumbandza ya muntu via hasa kusa kuma pihisa mu ku mukovela. Vunoni vuama vie kufuma kumbandza vikeko vie kumu pisa."
16
Mikanda yalaza yaci civala vala 16 kacia kalemo, Uose ali nama tuitui akui ivua, atela evuilile.
17
Kaha Yesu muasile vunga ya vantu naku kovela mundzivo, va dongesi va mu huile ha cisimo.
18
Yesu ambele ngueni, "nkumani nenu nalia kamue sina kuivuisisa? Kamua tantekeyele viose viaku mbandza muku kovela mu muntu kaviku hasa ku mupisa,
19
muomuo ka vie kukovela mu mutima uenivunoni muzimo lieni kaha va vi mbila ku musenge?"Ua handekele ngecize mu ku lelesa kia kulia viose.
20
kaha ua handekele, ngueni evi vie kutuhuka mu muntu vikeko vie kupihisa muntu.
21
Muomuo muli muntu, kufuma mutima ueni kueku tuhuka visinganyeka via vipi , visinganyeka via vupangala, vuizi,kutsiha,
22
kuli veya, vipi ku onga, masunga aapi, kusahula Njambi, kuli halesa, vu heve.
23
Viose via vipi evi viekufuma mukati, vikeko vie kupihisa muntu."
24
Akatukile kufuma kuze na kuya kucifuti cia Tile na Sindone, kuze a kovelele mundzivo, katondele va zive kuakele olondzoni ka hasele kuvanda.
25
Olondzoni muvuovuno mikanda yalaza mezi, kana ahimo.
26
Vunoni ou mpuevo bakele kangelengu, ua muyati ua silofenisia.Ua vundilile ku fumisa ndemone akele mu muaneni ua mpuevo.
27
A mulekele ngueni,"vangelenu ku lisa vana va vandende. Muomu kati ca kuoloka ku tutali."
28
Vunoni uze mpuevo amu kumbuluile, na kuamba ngueni, "Njambi yange, na tutali vali muitsi ya zimesa ve kuia vu vuivui vua vanike."
29
Kaha amuambele ngweni, "kueseka na vi ua handeka, unovoka hamoye. Uze ndemone nakele muli muanove nayi."
30
Uze mpuevo A hilukile ku ndzivo yeni a wanene muaneni na kosha ha muhela, na va ndemone vamufumu laza.
31
Atuhukilemo ceka mucifuti ca Tile , na kuhita mu Sindone na ku heta ku cisali ca Ngalileya ku kanduka mu cifuti ca Ndekapoli.
32
Va nehele umo ua ku zika matuitui kaha naua akele navukalu mukuhandeka, vamu lambelele ku saleka livoko lieni hali liakeye.
33
Kaha va mufumisile ha vunga na kumutuala ku mpenge, ua hakele ninye yeni mu matuitui eni.
34
Kaha ua talele muilu, ua tutumbuisile, na kuamba ngueni,"Efata,"cikeko, "sokoloka!"
35
Haze vene matuitui eni a sokolokele, na kalaka keni ka zitukile na kuecela lilimi lieni, kaha aputukile ku handeka muacili.
36
Yesu ua valekele keti ku lekako amba umo kuhana zishimbi maku zi halesa.
37
Kaha vose valikomokelele, kuamba nguavo, "nalingi muacili viose, alingisile tuzika matuitui va putukele kuivua na tu mama kuhandeka."