¹ Yesu a fumine ku cihela na kuya ku yudeyi. Kuhambakani ndonga yodani, vibunga vyezile kuli ekeye cekanaua ua ku batangisa naua, kuesekese nomua kutangesela. ² Va faliseo vezile naku mueseka naku muhulisa nguavo, ''catela yala kulukulula mpueyeni?'' ³ uavakumbuluile ngueni, ''zisimbi zya mosesa ziahandeka vati?'' ⁴ Vantu vakumbuluile nguabo, '''Mosesa atavesele yala kusoneka lipepa lia kutavesa kulukulula mpuevo naaaku mutuma kuimbo liavo. ⁵ ''Yesu a handekele kuli vakeko ngueni momo ya kukola camitima yenu vikeko viasonekele ulo lusimbi.'' ⁶ ''Olonzo kufuma hakuputuka cakutenga, 'Njambi' watengele yala na mpuevo . ⁷ Momo yece yala akaseza ise na naye nakuli pandama kuli mpueyeni, nakukala mubila umo. ⁸ Ngoco kavakakala vavali, olonzo vakakala muvila umo. ⁹ Ngoco vene via na nungakana ka Njambi, muntu kati akava handunune. ¹⁰ Muvakele munzivo, va ndongesi vamuhulisile naua halievi ¹¹ ahandekele kulivakeko Ngueni, ''uosio uo akalukulula mpueyeni naku mbata puevo weka napange vupangala neni. ¹² ''Mpuevo ngue nalukulula yalyeni na kusomboka kuli yala weka, naikeye napange vupangala.'' ¹³ Kaha vanehele vanike vavandende kuli ikeye mangana avakuate. Olonzo va ndongesi beni uavavindikile. ¹⁴ Olonzo yeso ua cimuene eci, wapihilile naco nakuhandeka kuli vakeko ngueni, ''tavesenu vanike vavandende kuiza kuliange, kati muvavindike, muomuo vuangana vua Njambi vua kundama kuli baze lingue vakeko. ¹⁵ Busunga njinaku mileka nguange, uociouo kakatambula vuanga vua Njambi vua ngue vana vavandende vusungs vena kavakengilamo. ¹⁶ ''Kaha ua mbatele vanike mu mavoko eni na kuvakisula na kuhaka mavoko eni hali vakeko. ¹⁷ Mua putukile vungeji vueni, umo yala wa mutuntilile na ku tsikama kuli ikeye na kuhulisa. ´´Longesi wachili, nja hase kulinga vati ha kusuana muono mwahayamyaka?´´ ¹⁸ Yesu wahandekele ngueni, ''muomuo vika wanjisanena ngove wa cili? kakwesi umo woloka kuvanga Njambi kaha likaliani. ¹⁹ Muatantekiya zisimbi; ''kati mukatsihe, kati muka pange vupangala, kati vukeve, kati ukatavese via makuli, kati muka lionge, lemesa iso na noko.'' ²⁰ Yala ahandekele ngueni, ''longesi, ivi viose njeku vio nonokela kufuma munsimbu yamu kwendze.'' ²¹ Yesu amutalele naku muzanga. Ahandekele kuli ikeye ngueni, ''cuma cima ciwahonoko watela kulandesa viose vi wakala navio, na kuvihia ku vaka kuhutu, kaha ukakala na vyuma mwilu. Kaha wize, unjikave.'' ²² Muomuo uo uu muzimbu kasuvulukile nao kaha waile nakungetela, muomuo uakele na vuuma via vingi. ²³ Yesu watale ziale mukati kavo na kuhandeka kuva ndongesi veni ngweni. ''Umu cakaluhuila va pita kuingila mu vuangana vua Njambi!'' ²⁴ Vandongesi vali komokelele ha mezi eni. Olonzo yesu wahandekele kuli vakeko ceka naua, ''Vana vange, muamukalu kuingila mu vua ngana vua Njambi. ²⁵ Capwa cacasi kamelu kukovela muliso lya ndongo kuhambakana mpiti kuingila muvuangana vua Njambi. ²⁶ Vantu vali komokelele na kuhandeka kuli umo namukuavo, ''kaha iya na hase kuovoka?'' ²⁷ Yesu ambatalele nakuhandeka ngueni, ''capwa ca cikalu kuvantu olonzo ka cakaluhua na Njambi. Muomuo viose viaviasi na Njambi.'' ²⁸ Petulu a putukile kuhandeka kuli yesu, ''Talenu, tuaseza vuima vietu vyose nakukabe ove.'' ²⁹ Yesu ua mbele ngueni, ''vusungavena ha ndeka kulyanu, kakwesi muntu umo naseza nzivo, vana vanaye va vamala na vava mpwevo, vanaye cipwe vaise, cipwe mehia muomuo yange na zimpande ziaa cili ³⁰ Iya kakatambula nkulukazi ya tsimbu ngue muno mutsimbu valelo muno mulifuti: zinzivo na vana vanaye vava mala na vava mpwevo nava nayeuo na vana vavo na mehia avo nakuvayandesa, na mucifuti cikeza, muono ua hayamiaka. ³¹ Olonzo vavengi valivangele vakampwa vaku kuminina kaha vaku kuminina vakalivanga. ³² Vakele munjila mukuya ku yelusalemu kaha yesu ua vatwamenene kulutwe, kaha vandongesi va komokele na vaze vakavele hanima vakele na vuoma. ''kaha ua tambulile nawa vaze likumi na vavali, ua sangumukele kuva leka vize viali kua kumona. ³³ Ngweni talenu tuku kanduka ku yelusalemu na mwana muntu vakamukana kuli vakuluntu vavasasendote na kuli va kua kusoneka. kaha vakamu hisa na kutsa kaha muhana kuli vakua lifiti. ³⁴ Kaha vaka mutsopa nakumuzekuila maledzi, naku muveta makote, kaha vakamutsiha. Matangwa attu umu aka hita a kasanguka. ³⁵ Tiango na yowanu, vana vasembendeo, vezile na kuhandeka neni ngwavo, ''mulongesi, twazange ngecize u tulingile viose evi tuka ku vundila. ³⁶ Kaha ikeye ua handekele navo, Ngueniua zange njimi lingile vika? ³⁷ kaha vamulekele nguavo, u tutavese linga tu tumame nove muvu mpahuvove, umo kulivoko lyove lya cilio namukuavo kulivoko lyove lya cimuosue. ³⁸ Vunoni Yesu ua va lekele ngweni; Enu kamwa tantekeya evi vi muavundila munahase kunua ngandza ize injiku nua ange? na kumbaatiza cize nji na limbatiza naconi? ³⁹ Kaha vamu lekele nguavo, tu nahase yesu ua handekele kulivakevo ngweni ku ngandza ize inji kunua ange, kumukanua enu, Nakumbatiza cize njinalimbatiza naco, vaka mi mbatiza naco enu, ⁴⁰ Vunoni ku tumama kulivoko liange lia cilio, cipwe ku livoko lia cimoswe, kati cange kucihana vunoni vakaci hana kuli vaze vavana ci viukisa. ⁴¹ Kaha omo vaze likumi vaci vuile, va sangumukile ku tenukila tiango na yowano. ⁴² Kaha yesu ua va sanene veze kuli ikeye kaha uava lekele, ngueni muna tantekeya ngecize vaze va vana tumbika kukala va kakuyula nava kaku jilulu. vekulihalesa navo, kaha nava kuluntu vava ka kuyula vaka zatesa tzingolo tzivo hali va keko. ⁴³ Vunoni hakatikenu katimo uosiovo akutonde kukala vukuluntu muvakuavo ua tela kukala ngamba. ⁴⁴ Uosiouo a kutonda kupua tete halyenu uatela kupua ngamba wa vose. ⁴⁵ Muomuo muana muntu kezilile ku muovola olonzo uezilile kukuo vola vavengi na kuhia mwono weni mukukula va vengi. ⁴⁶ Kaha va hetele ku yeliko. Umu mua tuhukile muyeliko hamo na vandongesi veni, na civunga cakama, muana timeo, mbalatimeo ikeye kapuputa mukakuvundila vuana, ua tumamene kumukulo ua nuila. ⁴⁷ Kaha umu mua vuile nguavo nkumani Yesu waku nazaleta wasangumukile ku tambeka na kuhandeka ngueni, ´´Yesu mwana ndaviti, nji vuileko ngozi (cikeketima) ⁴⁸ kaha vavengi mukandele uzi kapuputa na kumuleka linga aholokele. Olonzo alilile na kutambakana cikuma ''muana ndaviti nji vuileko ngozi. ⁴⁹ Yesu uamene naku ua handekele ngueni musanenu. Kaha vasanene uze kapuputa na ku muamba nguavo, jikua! katuka! vanakukusana.'' ⁵⁰ Kaha ikeyo ua mbilile vuzalo vueni, ua lupukile, nakuiza kuli yesu. ⁵¹ Yesu uamukumbuluile nakuhandeka ngueni, ''unakutonda njikulingile vika? Kapuputa ua mulekele ngueni ''lamboni nji nakutonda mangana nji tambule kumona cange. ⁵² Kaha Yesu uahandekele kuli ikeye ngueni, ''hamoyi,'' kutsiliela cove cinaku kanguisa. kaha haze vene ua mwene kaha ua mukavele munjila.