¹ Muze te tangwa lya Sambata hilyapalika, Maliya kamandala, Maliya naye ya Tiyangu, nyi Salome alanjile maji ambuto yavumba lipema hanga akaye nyikuwahisa mujimba wa Yesu. ² Hakucha chimenemene hatangwa litangu lya semana, yaaya ku fuka muze te tangwa himulivumbuka. ³ Alyambile umwe nyi mukwo ngwo,'' Yiya matulangumwina liwe kuchikolo cha fuka?'' ⁴ Mba muze hahetuka, amwene liwe hana lilangumuna kulu, mumu te liwe lyapwile linene chikolo. ⁵ Hakunjila mufuka yamona mukweze walunga kanazala hina lyamukambo litoma, kanatwama kuundume, akomokene chikolo. ⁶ Yiye yamba kuli ayo ngwenyi, kanda nulikomokena. Nunafupu Yesu, ka Nazale yoze nwasukikile hakulusu. Keshimo hahindukamo ka! Talenu haze anakamusa. ⁷ Alyoze yenu, nukambulwile tumbaji jenyi nyi Petulu ngwenu ngwenu, ''Yesu kanatetekela ku Ngalileya. kuze munukamumona, ngwe chize ambile kuli yenu. ⁸ Ayo yatuhuka fuji mufuka; achikimine nyi mweumwe mumu kavwile woma. ⁹ Hatangwa litangu lya yenga, Yesu, muze te hahinduka chimenemene wasolokele hatangu kuli Maliya ka-Mandala, yoze muli yiye watuhwishile mahamba shimbyali. ¹⁰ Yiye wejile nyikwalumbunwina kuli waze apwile nenyi, shimbu ali nyichinyengo nyi kulila. ¹¹ Ayo muze evwile ngwo kali nyi mwono Maliya hamumona, kachifulyelele. ¹² kulutwe lya yino Yesu walisolwele nyi mujimba weka kuli aali akuli ayo shimbu anayi mujila yo ya chize chifuchi. ¹³ Ayo ayile nyikwambulwila akwo tumbaji, alyoze akwo kafulyeleleko. ¹⁴ Yesu kulutwe wasolekele kuli e kumi nyi umuwika shimbu anatwama ku mesa, yiye wambulwile mumu kafulyelele hakukala chamambunge, mumu kaka fulyelele waze amumwene muze ahindukile ku afu. ¹⁵ Yesu wambile kuli ayo ngwenyi, '' Yenu chifuchi cheswe nyi kwambujola sango lipema kuli atu eswe. ¹⁶ Yoze mweswe makafulyela nyi kumupapachisa makamulamwina nyi yoze mweswe keshi kufulyela kumakamuhisa. ¹⁷ Yino yilayi kumuyikakaula waze mafulyela; mujina lyami kumakatuhwisa mahamba, maakahanjika mu malimi aha. ¹⁸ Ayo makakwata tupela nyi moko jo, nyikachi manwa chuma chakufuma ku utende, kuuchi kenyeka nyichimwe. kumaka sayika moko jo hali akwa kuyiza, nyi ayo makahinduka. ¹⁹ Chocho muze Yesu te hahanjika no, amutambwile mumalilu, yiye watwamine ku chindume cha Zambi. ²⁰ Ayo tumbaji ayile nyi kwambujola kweswe, nyi Mwene wakalakalile hamwe no nyikukolesa liji lyo nyi yilayi yize yakawile. Amen.