Kaetulu 26
1
Chocho Akalipa yamba kuli Paulu ngwenyi , '' yena mwene watela kulihanjikila .'' Mba Paulu yolola kwoko lyenyi nyi kulisambisa.
2
Nguna wahilila mwanangana Akilipa ha yiuma yeswe yize Ayunda anangusumu nguna lisambe kumeso jenu musono .
3
mahamba mumu yenu mwalongoloka mu ndako yeswe nyi yihua yeswe ya Ayunda . keshika nguna lyumbu kuli yenu ngwivwe nyi uhumikizo .
4
Chamwenemwene Ayunda eswe kananyingika ndako jami chize ku ukweze wami muchifuchi chami nyi ku Yelusaleme .
5
Ayo hanangunyingika chize ku uputukilo n nyi te matayiza kushindakenya ngwami , napwile ka Fwaliseu , nyikulita nyi mbunga ya kuzeyela chikolo ku uwayilo wetu.
6
Halyapwila hinemana nyi kungusopesa mumu ha kutalatalacha chilakenyo chize Zambi analakenya kuli tulamba twetu .
7
Chino che chilakenyo minyachi yetu kumi nyi yaali atalatala kutambula muze akuwayila Zambi nyi mbonge yeswe ufuku nyi mwalwa , mumu wache kutalatala , mwanangana , chino ngunasumuwa kuli Ayunda .
8
Mumu waka chapwa chuma chikalu hakachi kenu kutayiza ngwenu Zambi mahasa kuhindwisa afu?
9
Halyapwila chamwenemwene yami changu taka kulinga yuma yinji ya kulimika nyi jina lya Yesu ka nazate.
10
nalingile yenayo nawa mu Yelusaleme . naayikililile muma zuwo ja ususu anji akuli a sandu ja Zambi se hingunatambula chiyulo kuli asasendote akwa lutwe .
11
Na lambile kanyi mu masunangonga nyi kwashinjika ashililike Zambi . Mba nyi ufwatulo kuhyana hali ayo . Nyi kwahingumiona ndo ku membo a muyifuchi ya tunjize.
12
Shimbu nalingile yino , nayile muwenyi ku Ndamaseku nyi chiyulo nyi poko ya kuli a asasendote akwa lutwe .
13
Nyi hakuya mujila, tangwa hamuchima , mwanangana yingumona pangu mwilu lya hyana kutemuka cha tangwa , nyi kutemuka ha kungulingilika yami nyi waze nendele no hamuwika .
14
Muze hitwa limbukila hashi yetu eswe yingwivwa liji lya kwamba kuli yami mu limi lya Hepeleu ngwo , Saulu , Saulunkuchi te unangu hungumyona ? chikalu kuli yena kutwa chishindo nku musongolwela .
15
Mba yingwamba ngwami , '' mwene wami yenu yiya ? mwene ya kumbulula ngwenyi , yami Yesu yoze unahungumyona .
16
Alyoze katuka nyi kumana nyi molu je , mumu ha hachino hinasoka kuliyena , muku kutongola ukapwe kawumbi kami nyi chela hakutwa hachize hiwamona nyi hachize mungu kakusolwela yena nawa .
17
mungukakupulula kuli Ayunda nyi kuli akwa mavungu kuze mungu kutuma .
18
Hanga uka lawise meso je hanga aka teuluke kumilima nyi kutala kupangu nyi tachi ja ndiyapu ndo kutachi ja Zambi , hanga akatambule wukonekkeno wa shili nyi chihinga chize nguna lana kuli waze hanaselaku usandu mumu kakungu fulyela.''
19
Keshika mwanagana Angilipa , chakakulemene ku usolwelo wa mwilu;
20
Alyoze kuli waze amu Ndamashiku chi chitangu , nyi akwa yelusaleme nambujolele sango lipema lya Zambi , nyi kuchifuchi cha Yundeya nyi kuli akwa mavungu , nahele sango lipema ngwo chatamba kulikonyeka nyi kuteulukila kuli Zambi , akualinge yitanga ya kulita nyi kulikonyeka .
21
Hamukanda wa yino yuma Ayunda angu kwachile mu tembele nyi kweseka kungushiha.
22
Ayoze hinguna tambula kukwasa chize china katuka kuli Zambi ndo ku tangwa lino , nyi kushindakenya akape nyi anene mba nyi chimwe chahyana yize apolofeta nyi Mose ambile kachi ngwo muyiza
23
ngwe chize chatamba kilishitu kufwa , nyi chize yiye mapwa mutangu kuhindu mukachi ka afu hanga akambujole pangu kuli Ayunda nyi kuli akwa mavungu.''
24
Shimbu Paulu machimanuna kulisambisa chenyi , Fesetu yamba liji lya kukololoka , '' Paulu unazaluka; kulilongesa che china kuzalwisa .''
25
Mba Paulu yamba ngwenyi , '' chazalukile , mulemu Ehahyana Fesetu alyoze nguna hanjika maliji a umwenemwene nyi a mana.
26
Mumu yenu mwanangana nunanyingika yimo yuma nyi chino kuli yenu nguna hanji ngwami, nyi chimwe cha yuma yino kachaswamine kuli yenu , mumu chino chuma kachilingile ku tenga.
27
Unafulyela apolofeta, mwanangana Akilipa ? nguna nyingika unafulyela.
28
Akilipa yamba kuli Paulu ngwenyi , '' ha shimbu likepe muhasa kungukununa ngu kapwe mukwa kilishitu nyi?
29
Paulu yamba ngwenyi , '' ngunalimbe kuli Zambi , nyi chipwe ha ola yikepe chipwe yinene hihali yena wikako , mba nyi hali eswe waze anangwivu tangwa lya musono akapwe chizechene ngwe yami alyoze hi muna lenge wano ka.''
30
Mba mwe mwanangana wakatukile , nyi nguvulu, nyi Mbelenise nawa , nyi waze atwamine hamwe no ,
31
muze te hatuhuka waze ahanjikile kuli umwe nyi mukwo ngwo, yono lunga kalingile nyi chimwe chakutela kufwa hanji malenge.''
32
Akilipa yamba kuli Fesetu ngwenyi , yono lunga chinatamba kumutusula nyi te kalikunjika kuli sezale.''